2 ФЕСАЛОНІКІЙЦАЎ 3:14 - Біблія (пераклад В. Сёмухі)

Калі ж хто не паслухае слова нашага ў гэтым пасланьні, таго майце на прыкмеце і не вадзецеся зь ім, каб даць яму сораму;

Біблія (пераклад А.Бокуна)

Калі ж хто не паслухаецца слова нашага праз гэтае пасланьне, таго мейце на прыкмеце і ня мейце справы з ім, каб быў асаромлены;

Кнігі Святога Пісання - Біблія - Біблія — пераклад Чарняўскага (выданне 2017 года)

Калі хто часам не паслухае слова нашага з ліста гэтага, такога майце на прыкмеце ды не сябруйце з такім, каб быў асаромлены.

2 ФЕСАЛОНІКІЙЦАЎ 3:14 Крыжаваныя спасылкі

ЭЗДРЫ 9:6

і сказаў: Божа мой! саромеюся і баюся падняць твар мой да Цябе, Божа мой, бо беззаконьні нашыя сталі вышэй галавы, і віна нашая ўзрасла да нябёсаў.

ВЫСЛОЎІ 5:13

і я ня слухаў голасу настаўнікаў маіх, не нахіляў вуха майго да настаўнікаў?

ЕРАМІІ 3:3

За тое былі затрыманы дажджы, і ня было дажджу позьняга; але ў цябе быў лоб блудніцы, - ты адкінула сорам.

ЕРАМІІ 6:15

Ці саромеюцца яны, робячы гнюсоты? Не, зусім не саромеюцца і не чырванеюць. Затое загінуць сярод пагіблых, і ў часіну наведаньня Майго будуць пабітыя, кажа Гасподзь.

САФОНА 3:2

Ня слухае голасу, ня прымае настаўленьняў, на Госпада не спадзяецца, да Бога свайго не набліжаецца.

ЛІКІ 12:14

І сказаў Гасподзь Майсею: калі б бацька яе плюнуў ёй у твар, дык ці ня мусіла б яна саромецца сем дзён? дык вось, няхай будзе яна ў затачэньні сем дзён па-за табарам, а пасьля зноў вернецца.

МАЦЬВЕЯ 18:17

калі ж не паслухаецца іх, скажы царкве; а калі і царквы не паслухаецца, дык няхай будзе ён табе, як язычнік і мытнік.

РЫМЛЯНАЎ 16:17

Малю вас, браты, асьцерагайцеся тых, што спрычыняюць падзелы і звады, насуперак вучэньню, якога вы навучыліся, і ўхіляйцеся ад іх;

1 КАРЫНФЯНАЎ 4:14

Ня каб пасароміць вас, пішу гэта, а на розум наводжу вас, як любасных дзяцей маіх.

1 КАРЫНФЯНАЎ 5:11

а пісаў я вам ня супольнічаць з тым, хто, называючыся братам, застаецца блудадзеем, ці ліхазьдзірцам, ці балвахвалам, ці ліхасловам, ці п'яніцаю, ці драпежнікам; з такім нават і ня есьці разам.

1 КАРЫНФЯНАЎ 5:9

Я пісаў вам у пасланьні - не вадзіцца з блудадзеямі;

2 КАРЫНФЯНАЎ 10:6

і гатовыя пакараць любую непаслушнасьць, калі вашая паслушнасьць зьдзейсьніцца.

2 КАРЫНФЯНАЎ 2:9

На тое бо я і пісаў, каб выпрабаваць вас, ці ва ўсім вы паслухмяныя.

2 КАРЫНФЯНАЎ 7:15

і сэрца ягонае вельмі прыхільнае да вас, калі згадвае ён пакорлівасьць вашу, як вы яго прынялі былі са страхам і трымценьнем.

ДРУГІ ЗАКОН 16:12

памятай, што ты быў рабом у Егіпце, і шануй і выконвай пастановы гэтыя.

ПІЛІПЯНАЎ 2:12

Дык вось, любасныя мае, як вы заўсёды былі паслухмяныя ня толькі ў прысутнасьці маёй, але яшчэ болей сёньня ў адсутнасьці маёй, са страхам і трымценьнем выконвайце сваё збавеньне,

КАЛАСЯНАЎ 4:16

Калі гэта пасланьне прачытана будзе ў вас, дык распарадзецеся, каб яно было прачытана і ў Лаадыкійскай царкве; а тое, якое з Лаадыкіі, прычытайце і вы.

1 ФЕСАЛОНІКІЙЦАЎ 4:8

А таму непакорлівы ёсьць непакорны не чалавеку, а Богу, Які і даў нам Духа Свайго Сьвятога.

2 ФЕСАЛОНІКІЙЦАЎ 3:6

А наказваем вам, браты, імем Госпада нашага Ісуса Хрыста, цурацца кожнага брата, які жыве гультаём, а не паводле паданьня, якое прынялі ад нас,

ЦІТА 2:8

слова здаровае, бездакорлівае, каб супрацівец быў пасаромлены, ня маючы нічога сказаць пра нас кепскага.

ЦІТА 3:10

Ад ератыка, пасьля першага і другога настаўленьня на розум, цурайся,

ФІЛІМОНА 1:21

Спадзяючыся на слухмянасьць тваю, а напісаў табе, ведаючы, што ты зробіш і болей, чым прашу.

ГАБРЭЯЎ 13:17

Слухайцеся настаўнікаў вашых і будзьце пакорлівыя, бо яны нядрэмна рупяцца за вашыя душы, як абавязаныя даць адказ; каб яны рабілі гэта з радасьцю, а ня ўздыхаючы, бо гэта вам не карысна.

2 ЯНА 1:10

Хто прыходзіць да вас і ня прыносіць гэтага вучэньня, таго ня прымайце ў дом і ня вітайце яго;