1 КАРЫНФЯНАЎ 8:9 - Біблія (пераклад В. Сёмухі)

Пільнуйцеся, аднак, каб гэтая свабода вашая ня спрычыніла падзеньня нямоглых.

Біблія (пераклад А.Бокуна)

Але глядзіце, каб вашая ўлада ня сталася спатыкненьнем для нядужых.

Кнігі Святога Пісання - Біблія - Біблія — пераклад Чарняўскага (выданне 2017 года)

Усё ж такі глядзіце, каб ваша ўлада не сталася часам спакусай для слабых.

1 КАРЫНФЯНАЎ 8:9 Крыжаваныя спасылкі

ІСАІ 35:3

Умацуйце аслабелыя рукі, і ўцьвердзіце калені дрыготкія;

ІСАІ 57:14

І сказаў: падымайце, падымайце, раўняйце дарогу, прымайце перашкоды са шляху народа Майго.

ЕЗЭКІІЛЯ 14:3

сыне чалавечы! Гэтыя людзі дапусьцілі ідалаў сваіх у сэрца сваё і паставілі спакусу бязбожнасьці сваёй перад абліччам сваім: ці магу Я адказваць ім?

ЕЗЭКІІЛЯ 44:12

За тое, што яны слугавалі ім перад ідаламі іхнімі і былі дому Ізраілеваму спакусай да бязбожнасьці, Я падняў на іх руку Маю, кажа Гасподзь Бог, і яны панясуць кару за віну сваю;

ЛЯВІТ 19:14

Не ліхаслові глухога і перад сьляпым не кладзі нічога, каб спатыкнуўся ён; бойся Бога твайго. Я Гасподзь.

МАЦЬВЕЯ 18:10

Глядзеце, не пагарджайце ніводным з малых гэтых; бо кажу вам, што анёлы іх на нябёсах заўсёды бачаць аблічча Айца Майго Нябеснага.

РЫМЛЯНАЎ 15:1

Мы, моцныя, павінны насіць немачы бясьсілых і не сабе дагаджаць:

1 КАРЫНФЯНАЎ 10:24

Хай ніхто ня шукае карысьці сабе, а кожны - другому.

1 КАРЫНФЯНАЎ 10:28

Але калі хто скажа вам: гэта ідалаахвярнае, - дык ня ежце дзеля таго, хто падказаў вам, і дзеля сумленьня; бо Гасподняя зямля, і ўсё, што на ёй.

1 КАРЫНФЯНАЎ 10:29

Сумленьне ж разумею не сваё, а іншага; бо дзеля чаго маёй свабодзе быць суджанай чужым сумленьнем?

1 КАРЫНФЯНАЎ 10:32

Не давайце панады ні Юдэям, ні Элінам, ні царкве Божай,

1 КАРЫНФЯНАЎ 8:10

Бо, калі хто-небудзь убачыць, што ты, маючы разуменьне, сядзіш за сталом у капішчы, дык сумленьне ягонае, як нямоглага, ці ж не падахвоціць яго есьці ідалаахвярнае?

1 КАРЫНФЯНАЎ 8:12

А зграшаючы так супроць братоў і ранячы нямоглае сумленьне іхняе, вы грашыце супроць Хрыста.

1 КАРЫНФЯНАЎ 9:22

для нямоглых быў як нямоглы, каб здабыць нямоглых, Для ўсіх я зрабіўся ўсіхнім, каб уратаваць, прынамсі, некаторых.

2 КАРЫНФЯНАЎ 11:21

На сорам кажу, што на гэта ў нас неставала сілы; а калі хто мае адвагу хваліцца чым-небудзь, дык скажу зь неразуменьня, набяруся адвагі і я.

2 КАРЫНФЯНАЎ 11:29

Хто зьнемагае, з кім бы і я не зьнемагаў? Хто ўпадае ў змусты, за каго б я не ўспалымняўся?

2 КАРЫНФЯНАЎ 6:3

Мы нікому ні ў чым не даём спатыкацца, каб не выстаўляць на глум служэньне,

ГАЛЯТАЎ 5:13

Да вольнасьці закліканы вы, браты, толькі вольнасьць ваша ня была б повадам дагаджаць плоці; а любоўю служэце адно аднаму.

КАЛАСЯНАЎ 2:8

Глядзеце, браты, каб хто ня прывабіў вас філасофіяй і пустымі панадамі, па пераказах чалавечых, па стыхіях сьвету, а не па Хрысьце,

1 ПЯТРА 2:16

як вольныя, а ня як тыя, што карыстаюцца воляю, каб прыхаваць зло, а як рабы Божыя.

2 ПЯТРА 2:19

абяцаюць ім свабоду, а самыя рабы тленьня; бо, хто кім пераможаны, той таму і раб.

АДКРЫЦЦЁ 2:14

Але маю крыху супроць цябе, бо ёсьць у цябе там такія, што трымаюцца вучэньня Валаама, які навучыў Валака ўвесьці ў спакусу сыноў Ізраілевых, каб яны елі ідалаахвярнае і любаблуднічалі.