ЭФЭСЯНАЎ 1:5 - Біблія (пераклад В. Сёмухі)

наперад пастанавіўшы ўсынавіць Сабе нас празь Ісуса Хрыста паводле ўпадабаньня волі Сваёй,

Біблія (пераклад А.Бокуна)

прадвызначыўшы нас на ўсынаўленьне Сабе праз Ісуса Хрыста з упадабаньня волі Сваёй,

Кнігі Святога Пісання - Біблія - Біблія — пераклад Чарняўскага (выданне 2017 года)

Ён прызначыў нас на ўсынаўленне Сабе праз Ісуса Хрыста з ласкавасці волі Сваёй,

ЭФЭСЯНАЎ 1:5 Крыжаваныя спасылкі

ЕРАМІІ 3:19

І казаў Я: як пастаўлю цябе ў лік дзяцей і дам табе жаданую зямлю, найпрыгажэйшую спадчыну мноства народаў? і сказаў: ты будзеш называць Мяне бацькам тваім і не адступішся ад Мяне.

ЕРАМІІ 3:4

Ці ня будзеш ты з гэтага часу заклікаць да Мяне: Войча мой! Ты быў правадніком маладосьці маёй!

АСІІ 1:10

Але будзе лік сыноў Ізраілевых як пясок марскі, якога нельга ні вымераць, ні палічыць; і там, дзе казалі ім: вы ня Мой народ, будуць казаць ім: вы сыны Бога жывога.

МАЦЬВЕЯ 1:25

і ня знаў Яе, пакуль нарадзіла Сына Свайго першароднага, і Ён даў Яму імя: Ісус.

МАЦЬВЕЯ 11:26

так, Войча! бо такое было Тваё ўпадабаньне.

ЛУКАША 10:21

У тую хвіліну ўзрадаваўся духам Ісус і сказаў: слаўлю Цябе, Войча, Госпадзе неба і зямлі, што Ты ўтоіў гэта ад мудрых і ад разумных і адкрыў малым дзецям; праўда, Войча! бо такая была Твая воля.

ЛУКАША 11:32

Нінэвіцяне ўстануць на суд з родам гэтым і асудзяць яго, бо яны пакаяліся праз прапаведаваньне Ёнавае, і вось, тут больш за Ёну.

ЛУКАША 12:32

Ня бойся, малы статак! бо Айцец ваш меў добрую ласку даць вам Царства.

ЯНА 1:12

а тым, якія прынялі Яго, веруючым у імя Ягонае, даў уладу быць дзецьмі Божымі,

ЯНА 11:52

і ня толькі за народ, а каб і расьсеяных дзяцей Божых сабраць усіх разам.

ЯНА 20:17

Ісус кажа ёй: не кранайся Мяне, бо Я яшчэ ня ўзыйшоў да Айца Майго; а ідзі да братоў Маіх і скажы ім: узыходжу да Айца Майго і Айца вашага, і да Бога Майго і Бога вашага.

ДЗЕІ 13:48

Язычнікі, чуючы гэта радаваліся і славілі слова Гасподняе, і ўверавалі ўсе, хто быў наперад вызначаны ў вечнае жыцьцё.

РЫМЛЯНАЎ 8:23

і ня толькі яны, але і мы самі, маючы пачатак Духа, і мы ў сабе енчым, чакаючы ўсынаўленьня, адкупленьня цела нашага.

1 КАРЫНФЯНАЎ 1:1

Павал, воляй Божаю пакліканы апостал Ісуса Хрыста, і Сасфэн брат,

1 КАРЫНФЯНАЎ 1:21

Бо калі сьвет сваёй мудрасьцю не спазнаў Бога ў мудрасьці Божай, дык заўгодна было Богу юродзтвам пропаведзі выратаваць веруючых.

2 КАРЫНФЯНАЎ 6:18

і буду вам за Айца, і вы будзеце Маімі сынамі і дочкамі, кажа Гасподзь Усеўладны».

ГАЛЯТАЎ 3:26

Бо ўсе вы сыны Божыя па веры ў Хрыста Ісуса;

ЭФЭСЯНАЎ 1:11

у Ім мы і зрабіліся спадкаемцамі, і былі наперад назначаны на тое згодна з воляй Таго, Хто ўсё чыніць паводле хаценьня волі Сваёй,

ЭФЭСЯНАЎ 1:9

адкрыўшы нам таямніцу Сваёй волі паводле Свайго ўпадабаньня, якое Ён загадзя паклаў у Ім,

ПІЛІПЯНАЎ 2:13

бо гэта Бог учыняе ў вас і хаценьне і дзеяньне па Сваім упадабаньні.

КАЛАСЯНАЎ 1:19

бо заўгодна было Айцу, каб у Ім жыла ўся паўната,

2 ФЕСАЛОНІКІЙЦАЎ 1:11

На тое і молімся заўсёды за вас, каб Бог наш зрабіў вас вартымі пакліканьня і ўчыніў усякую добрую ласку даброці і справу веры ў моцы.

ГАБРЭЯЎ 2:4

што Бог і засьведчыў азнакамі і цудамі, і рознымі сіламі, і дарамі Духа Сьвятога па волі Ягонай?

1 ЯНА 3:1

Глядзеце, якую любоў даў нам Айцец, каб нам называцца і быць дзецьмі Божымі. Сьвет таму ня ведае нас, што не спазнаў Яго.

АДКРЫЦЦЁ 21:7

Пераможца спадкуе ўсё, і буду яму Богам, і ён будзе Мне сынам;