МАЦЬВЕЯ 11:29 - Біблія (пераклад В. Сёмухі)

вазьмеце ярмо Маё на сябе і навучэцеся ад Мяне, бо Я лагодны і пакорлівы сэрцам; і знойдзеце спакой душам вашым;

Біблія (пераклад А.Бокуна)

Вазьміце ярмо Маё на сябе і навучыцеся ад Мяне, бо Я — ціхі і пакорнага сэрца, і знойдзеце супачынак душам вашым.

Кнігі Святога Пісання - Біблія - Біблія — пераклад Чарняўскага (выданне 2017 года)

Вазьміце ярмо Маё на сябе ды вучыцеся ад Мяне, бо Я ціхі ды пакорлівы сэрцам, і знойдзеце супачынак душам вашым.

МАЦЬВЕЯ 11:29 Крыжаваныя спасылкі

2 ЛЕТАПІСАЎ 10:11

Бацька мой наклаў на вас цяжкае ярмо, а я павялічу ярмо вашае, бацька мой караў вас бізунамі, а я буду скарпіёнамі.

ПСАЛТЫР 131:1

Песьня ўзыходжаньня. Спамяні, Госпадзе, Давіда, і ўсе ягоныя пакуты:

ВЫСЛОЎІ 3:17

шляхі яе - шляхі прыемнасьці, і ўсе сьцежкі яе - мірныя.

ІСАІ 28:12

Ім казалі: «вось - спакой, дайце спакою струджанаму, і вось - супакаеньне». Але слухаць яны не хацелі.

ІСАІ 29:19

І спрагненыя яшчэ больш будуць радавацца ў Госпадзе, і бедныя людзі цешыцца будуць за Сьвятога Ізраіля;

ЕРАМІІ 6:16

Так кажа Гасподзь: спынецеся на шляхах вашых і разгледзьце, і распытайце пра шляхі старажытных, дзе шлях добры, і ідзеце па ім, і знойдзеце спакой душам вашым. Але яны сказалі: «ня пойдзем».

ЗАХАРЫІ 9:9

Весяліся ад радасьці, дачка Сіёна: радуйся, дачка Ерусаліма: вось, Цар твой ідзе да цябе, праведны і ратавальны, лагодны, седзячы на асьліцы і на маладым асьле, сыне пад'ярэмнай.

ЛІКІ 12:3

А Майсей быў чалавек найрахманейшы з усіх людзей на зямлі.

МАЦЬВЕЯ 17:5

Калі ён яшчэ гаварыў, вось, воблака сьветлае асланіла іх; і вось, голас з воблака мовіў: Гэты ёсьць Сын Мой Любасны, Якога Я ўпадабаў; Яго слухайце.

МАЦЬВЕЯ 21:5

«скажэце дачцэ Сыёнавай: вось, Цар твой ідзе да цябе лагодны, седзячы на асьліцы і маладым асьле, сыне пад'ярэмнай».

МАЦЬВЕЯ 28:20

вучачы іх выконваць усё, што Я запаведаў вам; і вось, Я з вамі ва ўсе дні да сканчэньня веку. Амін.

МАЦЬВЕЯ 7:24

Дык вось, кожны, хто слухае гэтыя словы Мае і выконвае іх, прыпадобніцца да мужа разумнага, які збудаваў свой дом на камені;

ЛУКАША 8:35

І выйшлі пабачыць, што сталася; і прыйшоўшы да Ісуса, знайшлі чалавека, зь якога выйшлі дэманы; ён сядзеў каля ног Ісуса, апрануты і ў здаровым розуме: і жахнуліся.

ЯНА 13:15

бо Я даў вам прыклад, каб і вы рабілі тое самае, што Я зрабіў вам.

ЯНА 13:17

Калі гэта ведаеце, дабрашчасныя вы, калі выконваеце.

ДЗЕІ 7:37

Гэта той Майсей, які сказаў сынам Ізраілевым: Прарока паставіць вам Гасподзь Бог ваш з братоў вашых: Яго слухайце.

1 КАРЫНФЯНАЎ 9:21

для тых, хто без закона, - як той, хто без закона, - будучы з законам перад Богам, але падзаконны Хрысту, - каб здабыць тых, хто без закона;

2 КАРЫНФЯНАЎ 10:1

А сам я, Павал, асабіста сьціплы сярод вас, а здалёку супроць вас адважны, пераконваю вас лагодаю і мілажальнасьцю Хрыстовай.

2 КАРЫНФЯНАЎ 10:5

і ўсякую ганарлівасьць, што паўстае супроць пазнаньня Божага, і палонім усякія задумы на паслушнасьць Хрысту;

ПІЛІПЯНАЎ 2:5

Бо ў вас павінны быць тыя самыя адчуваньні, як і ў Хрысьце Ісусе;

1 ФЕСАЛОНІКІЙЦАЎ 4:2

бо вы ведаеце, якія мы далі вам запаведзі ад Госпада Ісуса.

2 ФЕСАЛОНІКІЙЦАЎ 1:8

у полымным вагні таго, хто помсьціцца тым, што не спазналі Бога і не ўпакорваюцца зьвеставаньню Госпада нашага Ісуса Хрыста,

ГАБРЭЯЎ 5:9

і, удасканаліўшыся, спрычыніўся да вечнага збавеньня ўсіх паслухмяных Яму,

1 ЯНА 2:6

Хто кажа, што жыве ў Ім, той павінен так паводзіць сябе, як Ён паводзіўся.