ЛЯВІТ 20:8 - Біблія (пераклад В. Сёмухі)

Шануйце пастановы Мае і выконвайце іх, бо Я Гасподзь, Які асьвячае вас.

Біблія (пераклад А.Бокуна)

Захоўвайце пастановы Мае і выконвайце іх. Я — ГОСПАД, Які асьвячае вас!

Кнігі Святога Пісання - Біблія - Біблія — пераклад Чарняўскага (выданне 2017 года)

Захоўвайце прыказанні Мае і выконвайце іх. Я — Госпад, Які асвячае вас!

ЛЯВІТ 20:8 Крыжаваныя спасылкі

ВЫХАД 31:13

скажы сынам Ізраілевым так: суботы Мае шануйце, бо гэта - азнака паміж Мною і вамі ў роды вашыя, каб вы ведалі, што Я Гасподзь, Які асьвячае вас;

ЕЗЭКІІЛЯ 20:12

даў ім таксама суботы Мае, каб яны былі азнакаю паміж Мною і імі, каб ведалі, што Я - Гасподзь, Які асьвячае іх.

ЕЗЭКІІЛЯ 37:28

І ўведаюць народы, што Я - Гасподзь, Які асьвячае Ізраіля, калі сьвятыня Мая будзе сярод іх вавекі.

ЛЯВІТ 19:19

Статуты Мае шануйце; быдла твайго ня зводзь зь іншаю пародаю; поля твайго не засявай двума родамі насеньня; у вопратку з рознародных нітак, з воўны і лёну, не апранайся.

ЛЯВІТ 19:37

Кіруйцеся ўсімі статутамі Маімі і выконвайце іх. Я Гасподзь.

ЛЯВІТ 20:26

Будзьце перад Мною сьвятыя, бо Я сьвяты Гасподзь, і Я аддзяліў вас ад народаў, каб вы былі Мае.

ЛЯВІТ 21:8

Сьвяці яго, бо ён прыносіць хлеб Богу твайму: хай будзе ён у цябе сьвяты, бо сьвяты Я Гасподзь, Які асьвячае вас.

ЛЯВІТ 22:32

Не зьневажайце сьвятога імя Майго, каб Я быў сьвяты сярод сыноў Ізраілевых. Я Гасподзь, які асьвячае вас,

МАЦЬВЕЯ 12:50

бо хто будзе выконваць волю Айца Майго, Які ёсьць у нябёсах, той Мне брат, і сястра, і маці.

МАЦЬВЕЯ 23:17

Неразумныя і сьляпыя! што большае: золата, ці храм, які асьвячае золата?

МАЦЬВЕЯ 5:19

Дык вось, хто парушыць адну з запаведзяў гэтых найменшых і навучыць гэтак людзей, той найменшым назавецца ў Царстве Нябесным; а хто выканае і навучыць, той вялікім назавецца ў Царстве Нябесным.

МАЦЬВЕЯ 7:24

Дык вось, кожны, хто слухае гэтыя словы Мае і выконвае іх, прыпадобніцца да мужа разумнага, які збудаваў свой дом на камені;

ЯНА 13:17

Калі гэта ведаеце, дабрашчасныя вы, калі выконваеце.

1 КАРЫНФЯНАЎ 1:30

Ад Яго і вы ў Хрысьце Ісусе, Які зрабіўся нам мудрасьцю ад Бога, праведнасьцю і асьвячэньнем і адкупленьнем,

1 ФЕСАЛОНІКІЙЦАЎ 5:23

Сам жа Бог міру няхай асьвеціць вас ва ўсёй поўніцы, і ваш дух і душа і цела ва ўсёй цэласьці няхай захаваюцца без пахібы ў прышэсьце Госпада нашага Ісуса Хрыста.

2 ФЕСАЛОНІКІЙЦАЎ 2:13

А мы заўсёды павінны дзякаваць Богу за вас, любасныя Богу браты, што Бог ад пачатку, праз асьвячэньне Духа і веру ісьціне, выбраў вас на ратаваньне,

ЯКАВА 1:22

Будзьце ж выканаўцы слова, а не слухачы толькі, што ашукваюць самі сябе.

АДКРЫЦЦЁ 22:14

Дабрашчасныя тыя, якія захоўваюць запаведзі Ягоныя, каб мець ім права на дрэва жыцьця і ўвайсьці ў горад брамаю.