ВЫСЛОЎІ 5:22 - Біблія (пераклад В. Сёмухі)

Беззаконнага ловяць уласныя беззаконьні яго, і путамі грэху свайго ён павязаны.

Біблія (пераклад А.Бокуна)

Бязбожніка схопяць ягоныя ўласныя правіны, і ён зьвязаны путамі грахоў сваіх.

Кнігі Святога Пісання - Біблія - Біблія — пераклад Чарняўскага (выданне 2017 года)

Бязбожніка захопяць яго ўласныя несправядлівасці, і будзе ўтрыманы ён грахамі сваімі.

ВЫСЛОЎІ 5:22 Крыжаваныя спасылкі

3 ЦАРСТВАЎ 18:18

І сказаў Ільля: ня я бянтэжу Ізраіля, а ты і дом бацькі твайго, тым, што вы пагардзілі загадамі Гасподнімі і ідзяце сьледам за Вааламі;

ЭСТЭР 9:25

і як Эстэр дайшла да цара, і як цар загадаў новым пісьмом, каб ліхі намысел Амана, які ён намысьліў на Юдэяў, абярнуўся на галаву ягоную, і каб павесілі яго і сыноў ягоных на дрэве.

ЁВА 18:8

бо ён улезе ў сетку сваімі нагамі і па нератах хадзіць будзе.

ПСАЛТЫР 40:12

З таго даведаюся, што Ты любіш мяне, калі вораг мой не апануе мяне,

ПСАЛТЫР 9:15

каб я абвяшчаў усю славу Тваю ў браме дачкі Сіёна: буду радавацца з майго ратаваньня Табою.

ПСАЛТЫР 9:17

Гасподзь быў спазнаны праз суд, які Ён учыніў; бязбожнік злоўлены дзеямі рук сваіх.

ВЫСЛОЎІ 1:18

а яны кроў сваю сочаць, засады ладзяць на душы свае.

ВЫСЛОЎІ 11:3

Беззаганнасьць будзе кіраваць пабожнымі, а хітрасьць вераломных загубіць іх.

ВЫСЛОЎІ 11:5

Праўда беззаганнага прастуе дарогу яму, а бязбожны ўпадзе ад бязбожнасьці сваёй.

ВЫСЛОЎІ 11:6

Праўда пабожных ратуе іх, а бязбожнікі будуць злоўлены беззаконьнем сваім.

ВЫСЛОЎІ 12:14

Ад плоду вуснаў сваіх чалавек насычаецца дабром, і плата чалавеку - паводле дзеяў рук ягоных.

ВЫСЛОЎІ 14:32

За ліха сваё бязбожны будзе адкінуты, а праведны і пры сьмерці сваёй мае надзею.

ВЫСЛОЎІ 18:7

Язык бязглуздага - пагібель яму, а вусны яго - сетка на душу ягоную.

ВЫСЛОЎІ 24:12

Ці скажаш: «вось, мы ня ведалі гэтага?» А Выпрабавальнік сэрцаў хіба ня ведае? Назіральнік за душою тваёю ведае гэта і дасьць чалавеку паводле ўчынкаў ягоных.

ВЫСЛОЎІ 26:27

Хто капае яму, той упадзе ў яе; і хто пакоціць угору камень, да таго ён вернецца.

ЭКЛЕЗІЯСТА 7:26

І знайшоў я, што горш за сьмерць жанчына, таму што яна - сетка, і сэрца ў яе - пастка, рукі ў яе - кайданы; любасны Богу ўратуецца ад яе, а грэшніка схопіць яна.

ЕРАМІІ 2:19

Пакарае цябе бязбожнасьць твая, і адступніцтва тваё выкрые цябе: дык вось, спазнай і разваж, як блага і горка тое, што ты занядбаў Госпада Бога твайго, і страху Майго няма ў табе, кажа Гасподзь Бог Саваоф.

ПЛАЧ 1:14

Ярмо пахібнасьцяў маіх зьвязана ў руцэ Ягонай; яны сплецены і падняліся на шыю маю; Ён паслабіў сілу маю. Гасподзь аддаў мяне ў рукі, зь якіх не магу я вырвацца.

АЎДЗЕЯ 1:15

Бо блізкі дзень Гасподні на ўсе народы: як ты рабіў, так будзе зроблена і з табою; аддача твая абернецца на галаву тваю.

ЛІКІ 32:23

а калі ня зробіце так, дык згрэшыце перад Госпадам і зьведаеце кару за грэх ваш, якая спасьцігне вас;

ГАБРЭЯЎ 13:4

Шлюб ва ўсіх няхай будзе пачэсны і ложак беззаганны; а распусьнікаў і пералюбцаў судзіць Бог.

СУДЗЬДЗЯЎ 20:41

Ізраільцяне вярнуліся, а Веньямін спалохаўся, бо ўбачыў, што спасьцігла яго бяда.

СУДЗЬДЗЯЎ 9:57

І ўсе зладзействы жыхароў Сіхемскіх абярнуў Бог на галаву іх; і спасьцігла іх пракляцьце Ёфама, сына Ераваалавага.