ЭФЭСЯНАЎ 5:29 - Біблія (пераклад А.Бокуна)

Бо ніхто ніколі ня меў нянавісьці да цела свайго, але жывіць і грэе яго, як і Госпад Царкву.

Біблія (пераклад В. Сёмухі)

Бо ніхто ніколі ня меў нянавісьці да сваёй плоці, а корміць і грэе яе, як і Гасподзь Царкву;

Кнігі Святога Пісання - Біблія - Біблія — пераклад Чарняўскага (выданне 2017 года)

Бо ніхто ніколі не меў у нянавісці цела свайго, але корміць і спагадае яму, як Госпад Царкве,

ЭФЭСЯНАЎ 5:29 Крыжаваныя спасылкі

БЫЦЦЁ 2:23

І сказаў чалавек: «Вось, на гэты раз, гэта костка з костак маіх і цела з цела майго. Яна будзе называцца жанчынаю, бо ўзятая з мужа».

ВЫСЛОЎІ 11:17

Чалавек міласэрны робіць дабро душы сваёй, а бязьлітасны нішчыць цела сваё.

ЭКЛЕЗІЯСТА 4:5

Дурань складвае рукі свае і зьядае цела сваё.

ІСАІ 40:11

Як пастыр Ён пасьвіць статак Свой, і зьбірае рамяном Сваім ягнятаў, і носіць іх на грудзях Сваіх, і котных [авечак] гоніць паціху».

ЕЗЭКІІЛЯ 34:27

І дасьць дрэва палявое плод свой, і зямля дасьць ураджай свой. І яны будуць жыць у бясьпецы ў зямлі сваёй, і даведаюцца, што Я — ГОСПАД, калі скрышу брускі ярма іхняга і вырву іх з рукі тых, якія зьняволілі іх.

МАЦЬВЕЯ 23:37

Ерусалім, Ерусалім, які забіваеш прарокаў і камянуеш пасланых да цябе! Колькі разоў хацеў Я сабраць дзяцей тваіх, як птушка зьбірае птушанят сваіх пад крылы, і вы не захацелі.

МАЦЬВЕЯ 6:26

Паглядзіце на птушак нябесных, што ані сеюць, ані жнуць і не зьбіраюць у сьвірны, і Айцец ваш Нябесны жывіць іх. Наколькі ж вы лепшыя за іх.

РЫМЛЯНАЎ 1:31

няцямкія, нязгодлівыя, бязьлітасныя, няўмольныя, неміласэрныя.

ЭФЭСЯНАЎ 5:28

Гэтак павінны мужы любіць сваіх жонак, як целы свае: хто любіць жонку сваю, самога сябе любіць.

ЭФЭСЯНАЎ 5:30

Бо мы — члены цела Яго, ад цела Яго і ад костак Яго.

ЭФЭСЯНАЎ 5:31

Дзеля гэтага пакіне чалавек бацьку свайго і маці, і прылепіцца да жонкі сваёй, і будуць двое адным целам.