Números 24:6 - Qullan Arunaka DC

⁶ Walja siqintat palmeranakar uñtatawa, jawir lakanakan utjir panqaranakar uñtatawa, Tatitun ayruntat áloe panqaranakar uñtatawa, ¡uma thiyanakan alir cedro quqanakar uñtatawa!

Aymar Bibliia 1986

⁶ Walja sekentat palmeranacar uñtataraquiwa, jawir lacanacan pankaranacar uñtata. Tatitun ayrut áloes sat pankaranacjama, uqhamaraqui cedronacas uma thiyanccaspas uqhama.

Qullan Arunaca

⁶ Walja sekentat palmeranacar uñtataraquiwa, jawir lacanacan pankaranacar uñtata. Tatitun ayrut áloes sat pankaranacjama, uqhamaraqui cedronacas uma thiyanccaspas uqhama.

Números 24:6 Jak'a apnaqawi uñst'ayäwi

Génesis 13:10

Lot chachasti Jordán jawir tuqinkir qhirwa, Sóar sata uka markakamaw uñatatäna, uka qhirwasti wali umanïnwa, mä panqar uyur uñtatänwa. Egipto uraqjamänwa. (Uka uraqisti Tatitux Sodoma, Gomorra sat markanak janïra t'unjkän ukhamänwa).

Salmos 1:3

Jupax, jawir thiyan ayruntat quqar uñtatawa: wakisitarjamaw achunak churi, laphinakapax janiw wañskiti. ¡Taqi luräwinakapasti walt'askakipuniwa!

Salmos 104:16

Tatitun ayrut Líbano qullunkir cedro quqanakasti, uka uma umt'asaw umat pharjatap apaqasipxi.

Salmos 45:8

8 (9) Isinakamax suma q'apkir qullanakaniw mukt'asi; mirra, áloe, canela ukanakampi; marfilat lurat reyin utapatpach arpanakax jumar kusisiytam.

Cantar de los cantares 6:11

Nogal sat quqanak taypiruw saraqawayta, uma jalsu ch'uxñanak uñatatasiri; uva alinakan alsutap uñxatt'iri, granado alinakan panqaratap uñxatt'iri.

Isaías 41:19

Wasaransti cedro quqanaka ayruntä, acacianaka, arrayanes, ukhamaraki olivos quqanaka; waña uraqinsti pinonaka, cipreses sata quqanak jilayarakï.

Isaías 58:11

Nayax jumarux irpaskapunïmawa, wasaranxa manq'añ jilarkir churäma, janchimarusti ch'amañcharakïmawa, suma qarpata panqar yapjamaw tuküta, uma jalsur uman phuqt'ataw tukurakïta.

Jeremías 17:18

Uñisirinakaxar mä p'inqa uñjasiyam, nayarusti jan ukham tukuyistati; jupanakax axsarañatsa wal khathatipxpan, nayarusti jan axsarayistati. Jupanakxar t'aqhisiñanak apayanim, mäpit jupanakar q'al tukjam.

Jeremías 31:12

“Jerusalén markar purinisinsti, kusisiñat q'uchupxani, Tatitut katuqapkani uka askinakat kusisipxani: trigo, vino, aceite, ovejanaka, vacanaka, taqi ukanakata. Suma qarpata muxsa achunak churir yapjamäxaniwa, janirakiw ch'amapas tukuskxaniti.

Ezequiel 47:12

Uka jawir thiyanakansti purapkatan muxsa achunak churir kunayman quqanakaw utjani. Uka quqanakan laphinakapasti janipuniw willirtkaniti, jan samart'asaw uka quqanakax achurakini. Sapa phaxsiw achunak churani, Tatitun utapat misturi umampi qarpatäpxatap layku. Uka achunakasti manq'añatakïniwa, laphinakapasti qullt'asiñatakirakïniwa.

Joel 3:18

18 (18) Uka urusti, jach'a qullunakana, jisk'a qullunakansa vinompi, lechempix umjamaw jalani, Judá jawiranakansti walipuniw umax jalani. Qullan utaxatsti mä jalsur umaw mistuni, uka umasti Sitim qhirwa qarparakini.

Números 24:5

¡Jacob, chhujllanakamax wali sumanakawa! ¡Israel, utjnuqäwimax sumapuniwa!