Números 24:5 - Qullan Arunaka DC

⁵ ¡Jacob, chhujllanakamax wali sumanakawa! ¡Israel, utjnuqäwimax sumapuniwa!

Aymar Bibliia 1986

⁵ ¡Jacob, cunja sumas carpanacamajja! ¡Israel, cunja sumas campamentomasa!

Qullan Arunaca

⁵ ¡Jacob, cunja sumas carpanacamajja! ¡Israel, cunja sumas campamentomasa!

Números 24:5 Jak'a apnaqawi uñst'ayäwi

Nehemías 13:2

Uka jaqinakasti mä kutix, janiw manq'añsa, umañsa israelitanakar churapkataynati, jan ukasti jupanakax Balaam chacharuw israelitanakar ñanqhachañ arunak arsuñapatak qullq churapxatayna. Ukampis Tatitusax uka ñanqhachañ arunak aski arunakaruw tukuyäna.

Salmos 84:2

2 (3) ¡Taqpach ajayuxampiw qullan utaman uyupankañ munta! ¡Taqpach chuymaxampiw jakkir Diosar kusisit q'uchta!

Éxodo 38:21

Moisesan arsutaparjamasti, levitanakax sum jakthapipxäna, kuna metalanaktix Tatitump Jikisiñ Carpa lurañatak uchapkatayna ukanaka, uka lurañansti Aarón sacerdoten Itamar yuqapaw p'iqichäna.

Cantar de los cantares 4:7

¡Munasitaxay, jumax jiwakipunïtawa; kayut p'iqikama munkañätawa! ¡Janiw juman kuna jan walis utjkiti!

Cantar de los cantares 6:4

Jumasti munasitaxay, wali munkañätawa; Tirsá markar uñtat wali sumätawa, Jerusalén markar uñtat jiwakïtawa, warawaranakar uñtat wali munkayätawa.

Levítico 23:42

Uka paqallqu urunakanxa jumanaka israelitanakax chhujllanakan jakapxäta,

Malaquías 2:12

¡Walïspawa, Tatitux ukham q'añu sarnaqir jaqinakaru aka markat jaqunukuñapaxa, kawkïrïskpasa, khitïskpasa, taqi ch'aman Tatitur waxt'äwinak luqtirïskpasa!

Números 2:34

Israelit jaqinakasti kunjämtix Tatitux Moisesar siskatayna ukhamarjamaw taqpach lurapxäna: Sapaqat tamaw wiphalanakapamp utjnuqtapxäna, ukatsti wila masitkama, ayllutkam sarantapxarakïna.

Números 24:2

Balaamax Israel markarux ayllunakapatkam utjnuqtat uñjäna, ukhamaruw Tatitun ajayupax jupxar jutäna,

Números 24:4

Tatitun arunakap ist'irin arunakapawa, Taqi ch'amanin unañchäwinakap yatirin arunakapawa, ajayunkki ukapacha unañchäwinak uñjirin arunakapawa.

Números 24:6

Walja siqintat palmeranakar uñtatawa, jawir lakanakan utjir panqaranakar uñtatawa, Tatitun ayruntat áloe panqaranakar uñtatawa, ¡uma thiyanakan alir cedro quqanakar uñtatawa!

Deuteronomio 33:29

Israel marka, kusisim; Tatit Diosam kipkaw qhispiytam, jupaw imasktam, yanapaskaraktam. ¡Jupaw atipt'ayir arxatirimaxa! Jumaw uñisirinakamarux jisk'achjäta, kayumampiw takxatarakïta” sasa.

Josué 24:10

Ukampis nayax janiw Balaam chachampi jumanakar ñanqhachayapksmati, ukat sipana, jumanakarux jach'añchapxtamwa. Ukhamat nayax jumanakar qhispiyapxsma.