Números 24:7 - Qullan Arunaka DC

⁷ Israel markax jilarkir umanïniwa, yapunakap qarpañataki, umt'añataki. Reyipax Agag reyiruw atipjani; marka apnaqäwipax jach'aptaniwa.

Aymar Bibliia 1986

⁷ Israelasti walja umaniraquïniwa umt'añataqui, uqhamarac yapunacap carpañataquisa. Reyipasa Agag reyirojj atipjaraquiniwa. Jach'a ch'amampiw apnakaraquini.

Qullan Arunaca

⁷ Israelasti walja umaniraquïniwa umt'añataqui, uqhamarac yapunacap carpañataquisa. Reyipasa Agag reyirojj atipjaraquiniwa. Jach'a ch'amampiw apnakaraquini.

Números 24:7 Jak'a apnaqawi uñst'ayäwi

2 Samuel 5:12

Ukapachaw Davidax Tatitun jupar Israelan reyipat utt'ayatap amuyasïna, ukhamarak marka apnaqäwip Israel markapar munasitap layku jiltayatapa.

1 Reyes 4:21

21 (22) Salomón reyix taqpach markanak apnaqäna, Éufrates jawirata, filisteonakan uraqipkama, Egipto uraqimpi qurpäki ukkhakama. Salomón reyin jakañapkamasti, taqi uka markanakax qullqi juparux churapxäna, juparurakiw jaysapxäna.

1 Reyes 5:1

1 (15) Tironkir Hiram sat reyix, Salomonar David awkip lanti reyit utt'ayapxatap yatisinxa, yatiyirinakap Salomonan ukar khithäna, Hiram reyix munasiñ chuymampipuniw Davidar uñjirïtayna.

1 Crónicas 14:2

Ukapachaw Davidax amuyäna, Tatitun Israel markxar reyit utt'ayxatapa, jupax Israel markapar munasax marka apnaqañap jiltayäna.

Esdras 4:20

Ukatsti, Jerusalén markan ch'aman reyinakan utjatapas uñstarakiwa, uka reyinakax Éufrates jawirata inti jalant tuqin utjir markanakxar munañanïpxänwa, khitinakarutix impuestonaka, kuna churañanakatix wakt'ki ukanak churapxirïna.

Ester (hebreo) 3:1

Ukat mä qawqha urunakatsti, Asuero reyix Hamedata chachan Amán yuqaparuw marka apnaqañapatak jilïrit utt'ayäna, jupax Agag chachat saraqirïnwa.

Salmos 18:43

43 (44) Qallkatasir markat qhispiyista, markanakan jilïripat utt'ayista, jan uñt'at jaqinakampiw luqtayista.

Salmos 68:26

26 (27) ¡Tatit Diosar kusisiñampi jach'añchapxam, Israel markpach tantachat jupar yupaychpan!

Salmos 72:11

¡Taqpach reyinakax jupa nayraqatar killt'asipxpan! ¡Taqpach markanakarak juparux luqtapxpan!

Salmos 89:27

27 (28) Nayasti tayna yuqall wawat uñt'asxä, akapachankir reyinak taypin jilïrit utt'ayä.

Isaías 2:2

Qhipa urunakan kawkhankkitix Tatitun utapax uka qullux suma sayt'ayatäniwa. Uka qullusti alayarux wali jach'äniwa, taqi qullunakat sipansa wali jach'arakïniwa. Ukarux taqi markanakaw jutapxani;

Isaías 30:25

Kunürutix Tatitux uñisirinakamar jiwaraykani, jach'a pirqanakapsa liwirtaykani uka uruxa, uka jach'a qullunakat walja jawiranakaw umampi phuqhantat saraqanini.

Isaías 48:1

“Jacobun wila masipa, aka arunak ist'apxam, jumax Israel suti aptaxa, Judá chachat saraqirïtawa; Tatitun sutipxaruw juramento lurtaxa; Israelan Diosaparuw art'astaxa, ukampis janiw chiqa chuymamax utjkiti, janirakiw askïktasa;

Isaías 9:7

7 (6) Davidan qunuñapan qunt'asini; aka uraqpach apnaqani, samarañapasti jan tukuskayäniwa. Jupan apnaqäwipax suma utjnuqatäniwa, kunatix chiqapar uñjañäki, askïkaraki ukanakxar utt'ayatäniwa, jichhürut qalltasina wiñaykama. Taqi akanaksti Tatitun jach'a munasiñapaw lurani.

Jeremías 51:13

Jumasti Babilonia, jach'a jawiranak thiyankir marka, qamir yänakamas walipuniwa, ¡ukampis tukusiñamax purinxiwa, jiwañam pachas purinxiwa!

Daniel (hebreo) 2:44

Ukampisa, uka reyinakan marka apnaqäwip urunakansti, alaxpachankir Diosax mä rey khithanini, marka apnaqäwipasti wiñayatakïniwa, juparusti janiw khitis atipjkaniti, jan ukasti, jupaw taqi marka apnaqäwinakar tukjani.

Números 24:20

Uka arunak sasinsti, Balaamax Amalec uraqi tuqir uñtasaw aka arunak arsüna: “Amalec markax wali ch'aman markawa; taqpach markanakat sipan wali ch'amaniwa, ukampis q'ala t'unjataw uñjasini” sasa.

Juan 1:49

Natanaelasti sarakïnwa: —Yatichiri, ¡jumax Diosan Yuqapätawa, Israel markan Reyipa! —sasa.

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.

Apocalipsis 17:1

Ukatsti paqallqu qirunïpki uka paqallqu angelanakat mayniw nayan ukar jutasin situ: “Jutam, q'añu lurañanakan sarnaqirin mutuyäwip uñjayäma, jupasti walja jawiranak taypin qunt'atawa.

Apocalipsis 17:15

Angelasti sarakituwa: “Uñjktas uka jawiranaka, kunxarutix q'añusir warmix qunt'atäki ukanakasti, akapacha markanaka, jaqinaka, kunayman parlani markanakawa.

Apocalipsis 19:16

Isipansa, charapansa mä suti qillqt'atarakïnwa: “reyinakansa Reyipa, munañaninakansa Munañanipa” sasa.