Números 24:7 - Qullan Arunaca

⁷ Israelasti walja umaniraquïniwa umt'añataqui, uqhamarac yapunacap carpañataquisa. Reyipasa Agag reyirojj atipjaraquiniwa. Jach'a ch'amampiw apnakaraquini.

Aymar Bibliia 1986

⁷ Israelasti walja umaniraquïniwa umt'añataqui, uqhamarac yapunacap carpañataquisa. Reyipasa Agag reyirojj atipjaraquiniwa. Jach'a ch'amampiw apnakaraquini.

Qullan Arunaka DC

⁷ Israel markax jilarkir umanïniwa, yapunakap qarpañataki, umt'añataki. Reyipax Agag reyiruw atipjani; marka apnaqäwipax jach'aptaniwa.

Números 24:7 Jak'a apnaqawi uñst'ayäwi

2 Samuel 5:12

Ucapachawa Davidajj amuyaraquïna Tatitojj juparu Israelan reyipat utt'ayatapa, uqhamaraqui reinoparusa jiltayatapa, Israel marcaru apnakañapanjja.

1 Reyes 4:21

Salomón reyiw take marcanacjjaru apnakäna Eufrates sat uca jawirata filisteonacana orakepcama, uqhamarac Egipto korpacama. Jupanacasti impuestonacwa pagapjjäna, ucatsti Salomón reyiruwa jaysapjjäna jupan jacañapcama.

1 Reyes 5:1

Tironquiri Hiram reyejj cunapachatï yatïna Salomonaru reyit utt'ayapjjatapa, David awquipa lanti ucqhajja, yatiyirinacapwa qhitäna Salomonan ucaru, Hiram reyejj Davidarojj munapunïnwa uca laycu.

1 Crónicas 14:2

Ucatsti Davidajj amuyänwa Tatitojj Israeljjaru reyita utt'ayatapa, uqhamarac reinopa Israel marcapjjaru jach'aru aptatapata.

Esdras 4:20

Ucatsti yatisiraquiwa Jerusalenana ch'amani reyinaca utjatapa; jupanacajj Eufrates sat jawirata inti jalanta token provincianacaru apnakatapa, ucatsti uca reyinacarojj pagapjjänwa impuestonaca, uqhamarac cuna churañanacapatejj wact'cäna ucanac churasa.

Ester (hebreo) 3:1

Ucat mä kawkha urunacatsti rey Asuerojj, Hamedata satan Amán yokaparusti marca taypinjja mä jilïritwa utt'ayäna. Ucampis jupajj Agag sat familiata sarakerïnwa.

Salmos 18:43

Kallcatasir marcat khespiyista, marcanacan jilïripat utt'ayista, jan uñt'at jakenacampiw loktayista.

Salmos 68:26

¡Tatit Diosar cusisiñamp jach'añchapjjam, Israel marcpach tantachat jupar yupaychpan!

Salmos 72:11

Takpach reyinacajj jupa nayrakatar quillt'asipjjpan, takpach marcanacarac juparojj loktapjjpan.

Salmos 89:27

Nayasti tayna yokall wawat uñt'asjjä, acapachanquir reyinac taypin jilïrit uñt'asjjaraquï.

Isaías 2:2

Khepa urunacansti suma sayt'atäjjaraquiniwa, cawqhancquitejj Tatitun templopajj uca kollojja. Wali alto kollüniwa, take kollunacat sipansa wali altoraquïniwa. Take marcanacasti uca kolluruw jutapjjaraquini,

Isaías 30:25

Cunürutejj jach'a jiwarayañ urojj purincani, uqhamaraqui jach'a perkanacas liwirtcani uca urojj walja jawiranacaw, umampi phokhantata kollunacanjja jalani.

Isaías 48:1

“Jacobon familiapa, ist'apjjam aca arunaca, jumajj Israel suti aptajja, Judá chachat sarakeriraquïtawa; Tatitun sutipjjaruraquiw juramento lurtajja; Israelan Diosaparuraquiw art'astajja, ucampis janiw cheka chuymamajj utjquiti ni asquïcaractasa;

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

Jeremías 51:13

Jumasti Babilonia, jach'a jawiranac thiyanctawa, kamir cancañamas waliraquiwa, ¡Tucusiñamajj purinjjesä, sarnakäwimas tucuyjjaraquiwa!

Daniel (hebreo) 2:44

Uca reyinacan apnakañapcamasti, alajjpachanquiri Diosajj mä yakha reino sayt'ayaraquini, uca reinosti janipuniw tucjatäcaniti ni apnakatäcaraquinisa yakha marcanacampejja, jan ucasti jupaw take yakha reinonacarojj tucjani, wiñayan wiñayapaw uca reinojj utjaraquini.

Números 24:20

Ucatsti Balaamajj Amalec orak tokeru uñtasajj aca arunacwa arsüna: “Amalec marcajj take marcanacan p'ekepawa, ucampisa k'ala t'unjataw uñjasini” sasa.

Juan 1:49

Natanaelajj ucjjarojj sänwa: —Yatichiri, jumajj Diosan Yokapätawa, Israel marcan Reyipa —sasa.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Apocalipsis 17:1

Ucatsti uca pakallko angelanacata, cawquïritï pakallko copanïcäna ucanacata mayniw nayan ucar juti, ucat saraquitu: “Jutam, uñacht'ayämaw cawquïr warmitï k'añu lurañanacan sarnakqui, uqhamarac kotanacjjaru kont'atäqui ucan mutuyäwipa.

Apocalipsis 17:15

Angelasti saraquituwa: “Uñjctas uca kotanaca, cunjjarutï uca k'añu warmejj kont'atäqui ucanacasti acapacha marcanaca, jakenaca, uqhamarac take casta parlani marcanacawa.

Apocalipsis 19:16

Mantopjjarusti, uqhamarac charapjjarusa aca suti kellkt'ataraquïnwa: “reyinacans Reyipa, munañaninacans Munañanipa” sasa.