Números 24:6 - Qullan Arunaca

⁶ Walja sekentat palmeranacar uñtataraquiwa, jawir lacanacan pankaranacar uñtata. Tatitun ayrut áloes sat pankaranacjama, uqhamaraqui cedronacas uma thiyanccaspas uqhama.

Aymar Bibliia 1986

⁶ Walja sekentat palmeranacar uñtataraquiwa, jawir lacanacan pankaranacar uñtata. Tatitun ayrut áloes sat pankaranacjama, uqhamaraqui cedronacas uma thiyanccaspas uqhama.

Qullan Arunaka DC

⁶ Walja siqintat palmeranakar uñtatawa, jawir lakanakan utjir panqaranakar uñtatawa, Tatitun ayruntat áloe panqaranakar uñtatawa, ¡uma thiyanakan alir cedro quqanakar uñtatawa!

Números 24:6 Jak'a apnaqawi uñst'ayäwi

Génesis 13:10

Lot chachasti take Jordán jawira tokenquir vallenacwa uñatatäna, Zoar sisqui uca jisc'a marcacama, uca vallesti wali umanïnwa, mä jardinjamaraquïnwa. Egiptor uñtasitjamaraquïnwa. (Ucasti uqhamänwa janïra Tatitojj Sodoma, uqhamarac Gomorra sat marcanac t'unjcän ucapacha).

Salmos 1:3

Jupajj, jawir thiyan ayruntat kokar uñtatawa: waquisitarjamaw achunac churi, laphinacapajj janiw wañsquiti; ¡take luräwinacapasti walt'ascaquipuniwa!

Salmos 104:16

Kokanacajj umat pharjatap apakasipjje, Tatitun ayrut Líbano orakenquir cedro kokanacasti ucat umt'apjjaraqui.

Salmos 45:8

Isinacamajj suma k'apquir kollanacaniw muct'asi; mirra, áloe, canela ucanacampi; marfilat lurat reyin utapatpach arpanacajj jumar cusisiytam.

Cantar de los cantares 6:11

Nogal sat kokanac taypiruw sarakawayta, uma jalsu ch'ojjñanaca uñatatasiri; uva kokanacajj ch'ojjñatatjjpachati janicha uc uñjiriw sarta, uqhamarac granado alinacan pankaranacapsa.

Isaías 41:19

Wasaransti cedro kokanaca ayruntä, acacianaca, arrayanes, uqhamaraqui olivos kokanaca; waña orakensti pinonaca, abetonaca, cipreses sata kokanacwa jilayaraquï,

Isaías 58:11

Nayajj jumarojj irpascapunïmawa, wasaransti mank'añjja jilarquir churaraquïma, janchimarusti ch'amañcharaquïmawa, mä suma karpata pankar yapjamaw tucuraquïta, mä uma jalsur uñtataw tucüta, umamasti janiw tucuscaraquiniti.

Jeremías 17:18

Nayar arcnakerinacaru mä p'enka uñjasiyam, jan nayarojja; jupanacajj sustjata uñjasipjjpan, jani nayajja. Jupanacjjarusti t'akhesiñanaca apayaniraquim, jupanacarusti mayampi, mayampi t'unjaraquim.

Jeremías 31:12

“Jutapjjaniwa, ucatsti Sión kollu patan cusisiñat k'ochupjjani, cuna asquinactejj Tatitojj jupanacaru lurcani ucanacatwa cusisipjjaraquini: trigo, vino, aceite, ovejanaca, uqhamaraqui vacanacsa. Suma karpata fruta yapunacar uñtatäpjjaniwa, ch'amanacapasti janiraquiw mayampsa tucuscjjaniti.

Ezequiel 47:12

Uca jawira thiyanacansti purapcatanjja cunayaman casta frutanaca achuri kokanacaw jilaraquini. Uca kokanacan laphinacapasti janipuniw willirtcaniti, jan samart'asaw uca kokanacajj achuraquini. Sapa phajjsiw achupjjaraquini, templot mistquejja uca umampi karpatäpjjatap laycu. Uca achunacasti mank'añataquïniwa, laphinacasti kollataquiraquïniwa.

Joel 3:18

Uca urusti vinosa, lechesa umjamaw jach'a kollunacansa, jisc'a kollunacansa jalani, Judá jawiranacansti waliw umajj jalaraquini. Templojjatsti mä uma jalsuw misturaquini, uca umasti Sitim vallracwa karparaquini.

Números 24:5

¡Jacob, cunja sumas carpanacamajja! ¡Israel, cunja sumas campamentomasa!