Juan 4:23 - Qullan Arunaka DC

²³ Ukampis uka pachax puriniwa, jichhapï, Awkir chiqpach yupaychirinakax Ajayun irpata, chiqa kankañampi yupaychapxanixa. Awkisti ukham yupaychatäñ muni.

Aymar Bibliia 1986

²³ Ucampis horasajj puriniwa, anchhichhawa, Awquiru chekpach yupaychirinacajj Ajayun, uqhamarac cheka cancañampin yupaychapjjani. Awquejj uqhamwa yupaychayasiñ muni.

Qullan Arunaca

²³ Ucampis horasajj puriniwa, anchhichhawa, Awquiru chekpach yupaychirinacajj Ajayun, uqhamarac cheka cancañampin yupaychapjjani. Awquejj uqhamwa yupaychayasiñ muni.

Juan 4:23 Jak'a apnaqawi uñst'ayäwi

1 Crónicas 29:17

Diosaxay, nayax yattwa, jumaw chuymanak uñt'taxa, jumatakix chiqa kankañaw askixa. Ukat chiqa chuymampix taqi akanak chursma. Jichhasti kusisitaw uñjarakta markamax akan tantacht'atäsina, munasiñ chuymampiw waxt'äwinak churapxtam.

Salmos 147:11

jupar iyawsirinakaw kusisiyi, munasiñapar iyawsirinakaw kusisiyi.

Salmos 17:1

Tatay, chiqapat mayisitaxarux ist'akimaya, arnaqasitaxar jaysakimaya, mayisitaxar iyawsakimaya, janiw k'ari arunakampi mayisksmati.

Salmos 32:2

Ñanqha jan amtir jaqix kusisiñaniwa, juchapat Tatitump jan irkatayasiñ utjatap layku.

Salmos 51:6

6 (8) Jumax q'uma chuymaniruw munastaxa, chuymaxarusti yatiñ kankañ uchtaxa.

Proverbios 15:8

Tatitux ñanqha jaqinakan luqtatanakapxa janiw uñjañ munkiti, aski jaqinakan mayisitanakapsti kusisiñampiw katuqi.

Cantar de los cantares 2:14

“Qarqanakar imantasiri palomaxay, jaqhi jamas manqhanakan imantasiri palomaxay, ajanum uñkatt'ayita, arsutam ist'ayarakita. ¡Jumar uñjañax munkayawa! ¡Parlatam ist'añas wali muxsawa!” sasa.

Isaías 10:20

Uka uru purinkan ukkhaxa, mä juk'a israelitanakax qhispiyasipkatayna ukanakaxa, janiw Asiriankirinakar juk'amp alkatkxapxaniti; jan ukasti Israelan Qullan Diosaparuw katuyasxapxani.

Isaías 29:13

Tatitusti sarakituwa: “Aka markax pata chuymakiw arkitu, lakanakapampikiw nayarux jach'añchitu, ukampisa chuymapax nayat jayankaskiwa, nayar yupaychapkitu ukaxa, jaqin amtataparjamakiwa.

Isaías 43:21

kawkïr marktix nayax uywasta uka markax nayar yupaychañapataki.

Isaías 58:2

Sapüruw thaqapxitu, sarnaqäwinakax jikxatasasti k'uchikïpxiwa, mä suma askinak lurir markäpkaspas ukhama, kamachinakaxsa sumsa phuqhapkaspa ukhama; chiqa kamachinak mayipxitu, nayar jak'achasisinsti k'uchikïpxarakiwa,

Jeremías 3:10

Taqi ukanakïpansa, ukham jan wal lurir Judá markax janiw nayan ukarux taqi chuymapampi kuttankiti, jan ukasti nayarux sallqjituwa. Naya, Tatituw uk arsta.”

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Ezequiel 22:30

Nayasti uka jaqinak taypinxa, mayni aski jaqi thaqhäyäta, markapatak mä kuna asksa lurañapataki, aka markar jan t'unjañaxatak nayar achikt'asiñapataki, ukampis janiw uka jaqi jikxatkti.

Juan 1:17

kamachix Moisés tuqiw churasïna, ukampis munasiñampi, chiqa kankañampix Jesucristo tuqiw juti.

Juan 12:23

Jesusasti jupanakarux sänwa: —Jaqin Yuqapan jach'añchatäñap urux purinxiwa.

Juan 16:2

Jumanakarux sinagoganakat jaqunukupxätam, yaqhipanakarusti jiwayapxätamwa; uka luratapampix Diosarus luqtapkaspa ukham amuyapxani.

Juan 16:32

Ukhamax pachax purinxiwa, ukasti jichhawa, sapa mayniw taqi tuqir jaltxapxäta, nayarusti sapak jaytapxitäta; ukampis nayax janiw sapäkti, jan ukasti, Awkiw nayampïski.

Juan 4:21

Jesusasti juparux sarakïnwa: —Warmi, arsutaxar iyawsam, Diosar yupaychañ pachax jak'ankxiwa, janiw aka qullurusa, Jerusalén markarus Diosar yupaychirix sarkxapxätati.

Juan 5:25

Qhanak sapxsma, pachax puriniwa, jiwatanakax jichhpachaw Diosan Yuqapan arup ist'apxani; ist'irinakasti, jakapxaniwa.

Juan 5:28

Ukampis jan ukat muspharapxamti, pachax purininiwa, ukapachaw taqi jiwatanakax jupan arup ist'apxani,

Romanos 1:9

Nayax kawkïr Diosarutix taqi chuymaxampi arkaskta, Yuqapan suma yatiyäwi arunakap qhanañchasa, jupax jumanakat amtasitax yatiwa,

Romanos 8:15

Jumanakax janiw t'aqhisiyat tukuyir ajayu katuqapktati axsarat sarnaqaskañataki, jan ukasti, Diosan wawanakapar tukuyir Ajayu katuqapxtaxa, uka Ajay tuqiw Diosarux jak'achastan: “Nayan Awkixa” sasa.

Romanos 8:26

Ukhamarakiw Qullan Ajayux janchi kankañasan yanapistu. Jiwasanakax janiw wakiski ukhamarjam Diosat mayisiñ yatipktanti, ukampis pachpa Ajayuw jiwasanakat Diosar achikt'i, jan arskay ayquñanakampi.

Gálatas 4:6

Ukhamax jupan wawapa tukutas laykusti, Diosax Yuqapan Ajayup chuymanakasar khithani; uka Ajayuw art'asi: “¡Awkixay!” sasa.

Efesios 6:18

Diosat mayisiñ jan armasipxamti: Qullan Ajayun irpatax Diosar mayipxapunim. Jank'akïpxam, jan ch'am laq'ayasipxamti, qullan markatakix taqinitak Diosat mayipxam.

Filipenses 3:3

chiqpach q'umachatanakax jiwasanakätanwa, khitinakatix Diosaru Ajayun yupaychapktan ukanaka. Cristo Jesusankxasin kusisitätanwa, janirakiw kunatix janchin luraski ukanakarux iyawskxtanti.

Josué 24:14

—Taqi uka luräwinakat Tatitur axsartapxam, ukatsti suma chuymampi, chiqa kankañampirak luqtapxam. Kawkïri yaqha diosanakarutix jumanakan nayra awkinakamax Éufrates jawir thiyanakansa, Egipto markansa yupaychapkän uka diosanak apanukupxam, ukatsti Tatitur luqtapxam.

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.

1 Samuel 12:24

Jumanakax Tatiturukiw axsartapxañama, juparukiw chiqpach taqi chuymampi yupaychapxañama, jumanak layku muspharkañanak luratapata.