Juan 4:22 - Qullan Arunaka DC

²² Jumanak samaritanonakasti janiw yatipktati khitir yupaychañsa. Ukampis nanak judionakax khitir yupaychañsa yatipxtwa. Qhispiyiristi judionak taypit mistuni.

Aymar Bibliia 1986

²² Jumanac samaritanonacajj yupaychapjjtaw jan yatisina, ucampis nanacajj yatipjjtwa yupaychatanacajj-jja; khespiyasiñasti judionacatwa juti.

Qullan Arunaca

²² Jumanac samaritanonacajj yupaychapjjtaw jan yatisina, ucampis nanacajj yatipjjtwa yupaychatanacajj-jja; khespiyasiñasti judionacatwa juti.

Juan 4:22 Jak'a apnaqawi uñst'ayäwi

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

Esdras 4:2

Zorobabel chacharu, Josué chacharu, jilïr irpir judionakar jikxatiriw sarapxäna; jupanakarusti sapxänwa: —Tatitun utap lurañan yanapt'apxäma, nanakax jumanakjamarakiw pachpa Diosar yupaychapxta. Asiria markankir Esarhadón reyix aka chiqan jakañatak irpanipkitu uka urunakatpach wilañchanaksa luqtapxarakta —sasa.

Salmos 147:19

Tatituw Jacoburux arunakap yatiyi, Israel markarusti kamachinakap churaraki.

Salmos 68:20

20 (21) Diosasax qhispiyir Diosawa, jupaw jiwañat qhispiyistaspa.

Isaías 12:2

Tatit Diosaw nayar qhispiyitu, juparuw iyawsta, janiw kunsa axsarkti. Tatituw nayan arxatirixaxa, nayar ch'amañchirixasa, jupaw qhispiyirixaxa.”

Isaías 12:6

Jerusalén markan utjasirinaka, kusisiñat arnaqasipxam, Israelan Qullan Diosapax taqi jach'a ch'amapampiw jumanak taypinki.”

Isaías 2:3

walja markanakaw purintanipxani, akham sasa: “Jutapxam, Tatitun qullupar makhatapxañäni, Jacobun Diosapan utaparu, jupaw jiwasarux thakhip uñacht'ayistani, ukhamat thakhipanjam sarnaqañasataki” sasa. Sión qullutpach Tatitun yatichäwinakapax mistuni, Jerusalenat arunakapas misturakini.

Isaías 46:13

Ukampis jank'akiw jumanakar qhispiyir jutä; janiw kunat qhiparañaxas wakiskiti. Jerusalén markarux nayaw qhispiyasiñ churä, Israel markarus jach'añchäwix churä.

Zacarías 9:9

¡Sión marka, walpun kusisim! ¡Jerusalén marka, kusisiñat q'uchum! Reyimaw juman ukar jutaski, chiqa kankañani, taqi atipt'añ churiri, mä jisk'a asno qallur qunxatata.

Lucas 24:47

ukatsti taqi markanakan jupxat parlasini, ukhamat taqinis Diosar kutikipstaniñapataki, juchanakapas pampachatäñapataki. Jumanakasti Jerusalenat qalltasina,

Hechos 17:23

Ukawjanak sarnaqkasin nayax uñjta jumanakan walja diosanakar yupaychapxatama, wilañchanak luqtasipxirïktas ukawjan mä altar jikxatta akham qillqatani: ‘Jan uñt'at Diosaru’ sasa. Jan uñt'kasin yupaychapktas uka Diosatpï nayax jumanakar yatiyapxsmaxa.

Hechos 17:30

Diosax nayra pachanakan jakir jaqinakan pisi amuyump jakatanakap janiw yäqkänti, jichhasti Diosax taqiniruw taqi tuqin yatiyi, jan wali sarnaqäwinak apanukusin juparuk jaysapxañapataki.

Hechos 3:26

Diosax Yuqapar jiwatat jaktayasinxa, jumanakaruw nayraqat khithanipxtam, aski waxt'äwinak jumanakar churiri, ukhamat sapaqat mayni jan wali luräwinakam apanukupxañamataki.”

Romanos 11:18

Ukampis jan jach'achasimti, quqankir layminakapar jisk'achasinxa. Amuyt'asim, janiw jumax saphir katxäsirïktati, jan ukasti saphiw jumarux katxästam.

Hebreos 7:14

Ukax qhanäskiwa, Tatitusax Judá ayllut saraqiriwa, kunapachatix Moisesax sacerdotenakan luräwipat parlkän ukkhax, janiw uka ayllut kunsa siskänti.