Juan 4:24 - Qullan Arunaka DC

²⁴ Diosax Ajayuwa, khitinakatix jupar yupaychapki ukanakax Ajayuna, chiqa kankañampi yupaychapxañapawa —sasa.

Aymar Bibliia 1986

²⁴ Diosajj Ajayuwa, qhitinacatejj jupar yupaychapqui ucanacajja Ajayuna, uqhamarac cheka cancañampina yupaychapjjañapawa.

Qullan Arunaca

²⁴ Diosajj Ajayuwa, qhitinacatejj jupar yupaychapqui ucanacajja Ajayuna, uqhamarac cheka cancañampina yupaychapjjañapawa.

Juan 4:24 Jak'a apnaqawi uñst'ayäwi

Salmos 145:18

Tatitux art'asirinakapan jak'apankaskiwa, chiqpach chuymamp jupat art'asirinakan jak'apankiwa.

Salmos 50:23

nayar yuspagaririx jach'aruw aptitu; thakhixan sarnaqirirusti nayaw qhispiyä” sasa.

Salmos 51:17

17 (19) Diosatak chiqpach luqtäwix llamp'u chuyma luqtañawa; ¡Diosay, llamp'uptat chuymarux janiw jumax jisk'achktati!

Salmos 66:18

Jan wali amuyutix utjitasapänxa, Tatitux janiw ist'kitasapänti;

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Juan 4:23

Ukampis uka pachax puriniwa, jichhapï, Awkir chiqpach yupaychirinakax Ajayun irpata, chiqa kankañampi yupaychapxanixa. Awkisti ukham yupaychatäñ muni.

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

2 Corintios 3:17

Tatitusti Ajayuwa; kawkhankkitix Tatitun Ajayupaxa, ukkhanxa qhispiyat sarnaqasiñaw utji.

Filipenses 3:3

chiqpach q'umachatanakax jiwasanakätanwa, khitinakatix Diosaru Ajayun yupaychapktan ukanaka. Cristo Jesusankxasin kusisitätanwa, janirakiw kunatix janchin luraski ukanakarux iyawskxtanti.

1 Timoteo 1:17

¡Jichhasti, wiñay jach'a Reyiru, jan jiwiriru, jan uñjkay sapa Diosar jach'añchas yupaychañäni! Ukhamäpan.

1 Samuel 16:7

Ukampis Tatitux sänwa: “Jan jumax uñnaqapaki, ukhamarak jach'a tansätapaksa uñkatkamti, janiw nayax jupar ajlliskti. Jaqix uñnaqak uñkati, ukampisa nayax jaqin chuymap uñjaraktxa” sasa.