Jeremías 8:5 - Qullan Arunaka DC

⁵ Ukampis aka markax nayar apanukutuwa janiw nayan ukar kuttaniñ munkiti. Jerusalenankirinakax nayar apanukuñpin munitu; k'ari diosanakarukiw arkañ munapxi, janiw naya chiqpach Diosan ukar kuttaniñ munapkiti.

Aymar Bibliia 1986

⁵ Uqhamasti, Israel ¿cunatsa ch'ojjña lurista? Jerusalén, ¿cunatsa nayataquejj wiñayataqui colerasta? ¿Cunatsa nayataqui sayt'asiscacta, ucatsti janiraqui nayan ucarojj cuttaniñ munctati?

Qullan Arunaca

⁵ Uqhamasti, Israel ¿cunatsa ch'ojjña lurista? Jerusalén, ¿cunatsa nayataquejj wiñayataqui colerasta? ¿Cunatsa nayataqui sayt'asiscacta, ucatsti janiraqui nayan ucarojj cuttaniñ munctati?

Jeremías 8:5 Jak'a apnaqawi uñst'ayäwi

Proverbios 4:13

Yatichäwinak sum katxarusim, jan apanukumti; uka yatichäwirjam sarnaqam, ukaw jakañamaxa.

Isaías 1:20

nayatak sayt'asisipkakïta ukasti, mä nuwasïwin jiwarapxäta.” Pachpa Tatituw uk arsu.

Isaías 30:10

Unañchäwi uñjirinakarusti sapxiwa: “Uka unañchäwinak jan uñjapxamti”, profetanakarusti sapxarakiwa: “Chiqa yatiyäwinak katuqapktas ukanak jan yatiyapxistati, jan ukasti suma quña arunakak parlt'apxita; janirak kusisiñanakaxsa apaqapxistati.

Isaías 44:20

Chiqpachansa, qhillsa manq'apkaspa ukhamawa. Uka lurañax k'ari amuyunakampi sallqjayasiñawa. Uka jaqinakasti janiw qhispiyasipkaniti. Kunatix amparanakapan utjki ukax k'arikamakïtapsa janiw amuyapkaniti.

Jeremías 14:7

¡Tatay, jan wali luratanakaxas nanakar juchañchapkchitu ukasa, sutim laykusay nanakat arxatt'asipxita! Walja kutiw nanakax jan jumatakjam sarnaqapkti, juma nayraqatan jucha lurapxarakta.

Jeremías 2:32

¿Mä warmix armasispati kunanakampitix jaqichasïwipan k'achachatäkän ukanakatxa? Ukampis jumanaka, nayan markaxax jaya pachaw nayat armasxapxista.

Jeremías 3:5

¿jichhasti phiñasitakïskätati? ¿q'apisiñamasti wiñayatakipunïniti?’ sasa. Ukham sasasti, qawqhtix munkta ukkharak ñanqhanak lurtaxa.”

Jeremías 5:27

Utanakapasti lunthatat yänakampi phuqhantatawa, kunjämatix jaulanakarux jamach'inakax phuqhantatäki ukhama. Ukhamat jupanakax wali qamiri, munañani tukupxaraki,

Jeremías 5:3

Tatay, jumax chiqa chuyman jaqinak thaqtaxa. Mutuytawa, ukampis janiw usuyasipkiti; aynacht'aytawa, ukampis janiw yatiqañ munapkiti. Chuymanakapsa qalat sipan juk'ampi qalarayasipxi, janirakiw chiqa thakhir kuttaniñsa munapkiti.

Jeremías 5:6

Ukat jichhax leonanakax ch'umit mistunisin jiwarayapxani, wasarankir qamaqinakaw jisk'a jisk'a tukjapxani, markat mistusinkirinakarusti jisk'a jisk'a tukjarakini, walja jach'a juchanak lurapxatap layku, mayninakarus aljantapxatap layku.

Jeremías 6:17

Tatitusti uñjirinak usku, markarusti sarakiwa: “Kuna unañchäwtix churapkäma uk sum amuyapxam” sasa. Ukampis markax siwa: “Janiw nanakax ist'apkäti” sasa.

Jeremías 6:19

Aka uraqpachan ist'apxam: Aka markarusti mä jach'a jan walt'añ apayanï, jan wali lurañanakak amtasipkatapata; janiw arunakaxar ist'apkiti, kamachinakaxarus jisk'achapxarakiwa.

Jeremías 9:6

6 (5) janirakiw kun yatiqañsa munapkiti. Tatitusti siwa: “¡Nuwasiñat nuwasiñaru, k'arisiñat k'arisiñaru, ukakiw utjaski! Markaxax janiw uñt'añ munkituti.

Daniel (hebreo) 9:11

Israelankirinakax taqiniw yatichäwinakam jan yäqapkiti, juman arsutanakamarus janiw jaysapkarakiti; ukat nanakxaru wakt'apxitu, Moisés luqtiriman kamachipan qillqatäki uka juramentompi, taqi ñanqhachäwi arunakampisa, nanakan juma nayraqatan juchachasipxatax layku.

Oseas 11:5

ukampis jupanakax janiw nayan ukar kuttaniñ munapkiti. Ukatpï jichhax wasitat Egipto markar kuttapxañapänixa, Asiria markarakiw jupanakarux apnaqani.

Oseas 11:7

Ukhampachas markaxax nayat jayankañ munaskakiwa; diosanakarus art'asisipkakiwa, ukampis janiw khitis jupanakar yanapt'irix utjkiti.

Oseas 13:2

¡Jichhas juchxa lurasipkakiwa! Qullqinakap umatatayasinsti yaqha diosanak lursusipxi, kunjämarutix munapki ukhamarjama. Ukatsti sapxarakiwa: “¡Wilañchanak luqtapxam!” sasa. Jaqinakasti uka vaca qallur uñtat diosanakaruw jamp'atipxi.

Oseas 4:16

Israelitanakax uri vaca qallur uñtataw nayat jayarst'itu; ukhamasti, ¿Tatitux suma chhuxllanakaru, oveja qallunakäpkaspas ukham awatiskakispati?

Zacarías 7:11

Ukampis markax janiw kun ist'añsa munkiti. Taqiniw kutiqtawayxapxi, uqaraw tukupxaraki.

Juan 5:40

jumanakax jakañanïñatakix janiw nayan ukar jutañ munapktati.

1 Tesalonicenses 5:21

Taqi kun yant'apxam, askïki uk katxäsipxam.

Hebreos 12:25

Kunapachatix Diosax qhuru arumpi arxayapkätam ukkhax amuyasipxam. Jan “janiw” sapxamti, israelitanakasti nayra pachax janiw ist'apkänti, ukat mutuyatäpxäna.

Apocalipsis 2:25

Ukampis katxäsipxam kuntix yatipkta ukxa, nayan jutañaxkama.