Jeremías 8:4 - Qullan Arunaka DC

⁴ “Jumasti Jeremías, aka arunak naya tuqit aka markar yatiyam: “ ‘Maynitix liwischi ukaxa, ukspachaw saythapi; thakhi chhaqtayaschi ukasa, jank'akiw wasitat jikxatxi.

Aymar Bibliia 1986

⁴ “Jumasti Jeremías aca arunacajj naya toket aca marcaru yatiyam: ‘Cunapachatejj maynejj liwisi ucapachajj, wasitat sayt'asjje; cunapachatejj thaqui chhaktayasi ucapachasti wasitat jicjjatjje.

Qullan Arunaca

⁴ “Jumasti Jeremías aca arunacajj naya toket aca marcaru yatiyam: ‘Cunapachatejj maynejj liwisi ucapachajj, wasitat sayt'asjje; cunapachatejj thaqui chhaktayasi ucapachasti wasitat jicjjatjje.

Jeremías 8:4 Jak'a apnaqawi uñst'ayäwi

1 Reyes 8:38

jumax khiti jaqina, jan ukax taqpach Israel markamana, chuyma ust'at uñjasisa t'aqhisiñapan aka uta tuqir uñtat amparanakap luqtanis jumat mayisitanakaparu, achikt'asitanakaparus ist'akimaya. Jumax alaxpachatpachay ist'anim, kawkhantix jakta ukawjatpacha, ukatsti pampachamaya; sapa maynirus luratanakapatjam churarakim, juma sapakiw jaqin amtäwinakapa, chuymapsa uñt'taxa.

Proverbios 24:16

aski jaqix paqallq kutis aynacht'kanixa, kutjtaskakiniwa, ñanqha lurir jaqisti jan walt'añapan aynacht'ani.

Isaías 44:22

Nayaw juchanakamsa, pantasitanakamsa chhaqtayta, kunjämatix qinayanakax chhaqtkix ukhama. Nayan ukar kuttanxam, nayaw jumarux qhispiysma.”

Isaías 55:7

Qhuru jaqix sarnaqäwip apanukpan, ñanqha amtañan jaqisti uka amtañanakap apanukpan; ukatsti Tatitun ukar kuttanxapxam, jupasti jumanakat khuyapayasipxätamwa; Diosasar makhatxapxam, jupasti juchanak pampachañatakix jank'akiwa.

Jeremías 23:14

Jerusalenankir profetanakarusti, axtaskañ luräwinak lurasipkir uñjta: Wachuqa juchanak lurapxi, k'arisiñanakan sarnaqapxi, jan wali jaqinakaruw yanapapxi. Sodoma, Gomorra markankirinakat sipansa juk'ampi jan wali jaqinakäpxiwa.

Jeremías 3:1

Tatitux Judá markarux siwa: “Sañäni, mä jaqitix warmipampi jaljtchi, ukatsti warmix uka chachampi jaljtasax yaqha chachampi jaqichasxchi ukaxa, amuyatamatxa, ¿uka chachax nayra warmipampi wasitat jaqichasispati? ¡Janiwa! Ukhamäspa ukaxa, markatakix mä p'inqäspawa. Ukampisa, jumax Israel, walja chachanakampiw sarnaqtaxa, ¡jichhasti nayan ukaruw kuttanxañ munaraktaxa! Naya, Tatituw, uk arsta.

Jeremías 3:22

¡Nayatak sayt'asir wawanaka, nayan ukar kuttanxapxam! ¡Nayaw ist'asir wawanakar tukuyxapxäma!” sasa. “Tatay, akankapxtwa, jumaruw makhatxapxsma, jumätaw nanakan Tatitu Diosaxaxa.

Jeremías 36:3

Inas ukhamat Judá uraqinkir jaqinakax kuna t'aqhisiñanaktix apayaniñ amtkta ukanak yatisin, jan wali luräwinakap apanukxapxchini, nayasti jupanakarux jucha luratanakapatsa pampachxarakirista” sasa.

Jeremías 4:1

Tatitusti siwa: “Israel marka, jumatix kuttanxañ munstaxa, jan juk'ampi jucha lurkxamti. Uka axtaskañ diosanakamsti apanukxam, nayatsti janirak jayarst'amti.

Ezequiel 18:23

Janiw nayax ñanqha jaqin jiwañap munkti, jan ukasti ñanqha lurañat jithiqtxañap munta, ukhamat jakxañapataki. Naya, Tatituw uk arsta.

Oseas 14:1

1 (2) ¡Israel, Tatit Diosaman ukar kuttanxam, jucha luratamat aynacht'taxa!

Oseas 6:1

Taqin jutapxam, Tatitun ukar kutkatxañäni. Jupaw usuchjistu, juparakiw k'umarachxistani; chhuxriñchjistuwa, juparakiw qullt'xistani.

Oseas 7:10

Jach'a jach'a tukutapaw Israelarux aynacht'ayaski, ukhamäkipansa, janiw Tatit Diosapar kuttanipkiti, janirakiw thaqtapkisa.

Amós 5:2

Suma q'uma Israel markax tinkxiwa; jan mayampi sartkiriw liwisxi. Pachpa uraqipxar liwitattataw qhipari, janiw khiti waytiris utjkiti.

Miqueas 7:8

Uñisir Babilonia marka, aynacht'ataxat jan kusiskamti, aynacht'atäkasinsa sartaskakïwa; laxa ch'amakas muyuntkitan ukasa, Tatituw qhanaxaxa.