Jeremías 8:3 - Qullan Arunaka DC

³ Uka ñanqha jaqinakat qhiparirinaksti, aka uraqpacharuw ananukü, jupanakax jakaskañat sipansa, jiwañak munxapxani. Naya, taqi ch'amani Tatituw ukham arsta.

Aymar Bibliia 1986

³ Aca ñankha jakenacatjja, cawquïrinacatejj kheparasipqui, nayajj ananuccta ucatjja, cawqhantejj jicjjatasipjjani uca chekanjja jiwarañacwa munjjapjjani jacañat sipansa. Naya take ch'amani Tatituw arsta.

Qullan Arunaca

³ Aca ñankha jakenacatjja, cawquïrinacatejj kheparasipqui, nayajj ananuccta ucatjja, cawqhantejj jicjjatasipjjani uca chekanjja jiwarañacwa munjjapjjani jacañat sipansa. Naya take ch'amani Tatituw arsta.

Jeremías 8:3 Jak'a apnaqawi uñst'ayäwi

1 Reyes 19:4

Ukatsti jupax wasar tuqin mä uru sarnaqasinxa, retama ali thiyaruw qunt'asïna. Jupasti jiwxañak munxäna, sarakïnwa: “¡Tatay, ukkhakamakïxpan! ¡Jakañax apaqxita, janiw nayax nayra awkinakaxat sipan ancha askïkti!” sasa.

Jeremías 23:3

Naya kipkaw ovejanakaxar anthapisinxä, kawkïr markanakarutix ananukuykäyäta ukata, tantacht'asinsti suma chiqäwjaruw kuttayanxä, ukhamat mä jach'a marka tukxañapataki.

Jeremías 23:8

jan ukasti akham sasaw juramento lurapxani: ‘Israelitanakaru Babilonia markampita, kawkirutix ananukkatayna uka yaqha markanakampit kuttayanxir Tatitux jakaskiwa’ sasa. Ukatsti pachpa uraqinakapan israelitanakax jakasipxarakini” sasa.

Jeremías 29:14

Jïsa, jumanakax nayarux jikxatapxitätawa, ukatsti sarnaqäwinakam sumaruw tukuyarakï. Taqi markanakat jumanakarux tantacht'apxäma, kawkhanakarutix nayax jumanakar ananukupksma uka chiqanakat apsunxapxäma, ukatsti Jerusalén markaruw kuttayanxapxäma. Naya, Tatituw uk arsta.’

Jeremías 29:28

Babilonia uraqirusa mä qillqat apayanipxarakitu akham sasa: Jumanakan ukham jaya markankapxañamax jaya maranakäniwa, uka layku, utanak utachasipxam, sum chhijnuqtapxam, achunak churir quqanak ayruntapxam, ukatsti uka quqanakan achunakap manq'apxarakim’ ” sasa.

Jeremías 40:12

Ukhamasti kawksanakarutix aywinukuwayapkatayna uksanakata, Judá uraqirkamaw kuttanxapxäna, ukatsti Mispá chiqan Guedaliasan nayraqataparuw uñstapxäna. Jupanakasti uka kipkarakiw walja vinompi, achunakampi imkatapxäna.

Jeremías 44:2

“Israelan taqi ch'aman Diosapax siwa: ‘Jumanakax uñjapxtawa kuna t'aqhisiñanaktix Jerusalén markxaru, Judá uraqinkir yaqha markanakxarus apayankta taqi ukanaka. Jichhax uka markanakax q'ala aynacht'atawa, janirakiw khitis uka markanakan jakkxiti,

Jeremías 44:6

Ukatpï q'apisiñaxanxa Jerusalén markarusa, Judá uraqinkir markanakarusa q'al tukjaraktxa. Jichürkamas uka markanakax ch'usa wasarar tukutaw uñjasi.

Jeremías 6:9

Taqi ch'aman Tatitux siwa: “Kawkïr israelitanakatix qhiparkani ukanakarux q'ala thaqsutäniwa, kunjämatix uva alin layminakapax thaqsutäki jan mä sapa uva achus qhiparañapataki ukhama” sasa.

Daniel (hebreo) 9:7

Jumax Tatay, chiqapapunïtawa, jichhürusti nanak judionakax wali p'inqa tukupxta; Jerusalén markan jakirinaka, taqpach Israel markankirinaka, jak'ankirinaka, jayankirinaka; kawkha markanakarutix jumax, jumataki sayt'asipxatap layku ananukkta ukan jakirinaka.

Levítico 26:33

Jumanakarux markanak taypiruw ananukupxäma, espadampi jiwayañatakiw arknaqapxäma; uraqimasti ch'usa wasarar tukutaw uñjasini, markanakamas axsarkañ q'ala t'unjataw uñjasini.

Amós 3:1

Israelitanaka, Tatitun arunakap ist'apxam, Egipto uraqit irpsunki uka markar arsut arunaka:

Jonás 4:3

Ukat Tatay, achikt'asinsma, jichhax jakañax apaqxita. Jakaskañat sipansa jiwxañakiw wakisispa —sasa.

Miqueas 2:3

Ukat Tatitux saraki: “Jumanak tuqi nayan amtatanakaxax utjarakituwa. Jumanakarux mä jan walt'aña apayanipxäma, ukatsti janiw qhispipkätati, sinti aynacht'aña urunakätapatsti, janirakiw jach'a jach'a tukusas sarnaqkxapxätati.

Deuteronomio 30:1

Moisesasti saskakïnwa: “Jichhasti yatxapxtawa kuna aski waxt'äwinaktix Diosar jaysapxatamat katuqapkäta, ukhamarak kuna ñanqhachäwinaktix Diosar jan jaysapxatamat katuqapkäta ukanaka. Tatit Diosamatix jumanakar mutuyasin markamat jayar jaqunukupxätam ukkhaxa, kuntix sapksma ukxat amuyt'asipxäta.

Deuteronomio 30:4

kawkha jaya uraqinakansay jumanakan jaqunukut jaqinakamax jikxatasiskpan, uka chiqanakatpach Tatit Diosamax kuttayanxani, uka chiqakamaw jupanakar thaqhir sararakini.

Apocalipsis 6:16

Jupanakasti taqpachaniw uka qullunakampiru, qarqanakampir sapxarakïna: “¡Nanakxar tinkxattapxita, qhapaq qunuñan qunt'atäki ukan nanakar jan uñjañapataki, Corderon q'apisiñapat imantapxarakita!

Apocalipsis 9:6

Uka phisqa phaxsinsti, achjat uñjasipkatayna uka jaqinakax, jiwañak munxapxäna, ukampis jakasipkakïnwa. Jiwax jupanakat jaltkaspa ukhamänwa.