Jeremías 8:2 - Qullan Arunaka DC

² Uka ch'akhanaksti uraqiruw willitatapxani, intinsa, phaxsinsa, taqi warawaranakansa uñjkat willinukutäniwa, jupanakax ukanakaruw yupaychapxatayna, arkapxatayna, jiskt'asipxarakitayna. Janirakiw khitis uka ch'akhanak imt'xañatakix apthapkaniti. Jan ukasti pachpa uraqiruw qhiparani, q'añu t'unar uñtata.

Aymar Bibliia 1986

² Ucatsti intitaqui, phajjsitaqui, take warawaranacataquiw waranucupjjani cawquïrinacarutejj munapcatayna, sirvipcaraquitayna, arcapcatayna, jisct'asipcaraquitayna, yupaychapjjaraquitayna ucanacataqui waranucutäniwa. Janiraquiw qhitis uca ch'aqhanacjja apthapcaniti imt'jjañataquejja. Pachpa orakeruw kheparapjjani, guanor uñtata.

Qullan Arunaca

² Ucatsti intitaqui, phajjsitaqui, take warawaranacataquiw waranucupjjani cawquïrinacarutejj munapcatayna, sirvipcaraquitayna, arcapcatayna, jisct'asipcaraquitayna, yupaychapjjaraquitayna ucanacataqui waranucutäniwa. Janiraquiw qhitis uca ch'aqhanacjja apthapcaniti imt'jjañataquejja. Pachpa orakeruw kheparapjjani, guanor uñtata.

Jeremías 8:2 Jak'a apnaqawi uñst'ayäwi

2 Reyes 17:16

Tatit Diosapan kamachi arunakap apanukusasti, broncet pä vaca qallu lursusipxäna, ukhamarus Astarté diosar uñtatanak lurapxäna, ukatsti Baal diosaru, intiru, phaxsiru, warawaranakaruw yupaychapxäna.

2 Reyes 21:3

Ezequías awkipax qullu patanakan utjir yupaychañ utanak t'unjkatayna ukanak wasitat luräna; Baal diosatak altaranak luräna, ukatsti Astarté diosan lantip lurarakïna, kunjämtix Israelan Ahab reyipax luraykatayna ukhama; ukhamarusa alaxpachan utjir taqi warawaranakaruw yupaycharakïna,

2 Reyes 21:5

Tatitun utapan utjir paypach uta anqäxapanxa pä yaqha altaranak luräna, ukanaksti alaxpachankir taqi warawaranakaruw luqtäna.

2 Reyes 23:5

Ukatsti kawkïr sacerdotenakarutix Judá uraqinkir reyinakax qullunakan utjir yupaychañ utanakan inciensonak nakhayañapatak utt'ayapkatayna ukanakarux jaqunukünwa, uka utanakasti Baal diosaru, intiru, phaxsiru, alaxpach taqpach warawaranakar yupaychañatak luratänwa. Ukhamarus Judá uraqin utjir markanakata, Jerusalén thiyanakan utjir markanakat altaranak apaqayarakïna.

Salmos 53:5

5 (6) Janis kunat khathatiñas utjkpan, jupanakax axsarañat wal khathatipxani, uñisirin ch'akhanakap Diosan willitatatap layku. Jupanakasti mä p'inqaw uñjasipxani, jupanakar Diosan jan katuqatap layku.

Salmos 83:10

10 (11) kamisatix jupanakax Endor chiqawjan t'unjat uñjasipkäna, uraqitakis wanur tukupkän ukhama.

Salmos 83:11

11 (12) Oreb, Zeeb uka jilïrinakarux tukjam; Zébah, Zalmuná, uka jilïrinakarjam lurjam,

Eclesiastés 6:3

Mä chachax patak wawanakanïskaspawa, ukat walja maranakas jakaskarakispawa; ukampis ukham jakkasax janitix yänakapampi kusiskani, janirak amayapas imt'atäkan ukaxa, nayatakix uka jaqit sipansa mä sullsut wawaw askixa.

Jeremías 14:16

Janiw jupanakakit jiwarapkani, jan ukasti, kawkïr markarutix uka yatiyäwinak yatiyapki ukankirinakas manq'atjam nuwasïwin jiwarapxarakini, warminakapampi, wawanakapampi kuna. Jiwat janchinakapasti Jerusalén marka thakhinakan jaqtatäniwa, janirakiw jupanakarux khiti imt'iris utjkaniti. Ukhamat juchap uñt'asiyä.

Jeremías 16:11

Jumasti jupanakarux sarakim: ‘Tatitux siwa: Jumanakan nayra awkinakaman nayar apanukusin yaqha diosanakar killt'asis yupaychapxatapat taqi akanakax juti; nayarusti apanukupxitänwa, janirakiw kuntix nayax jupanakar siskäyäta ukanak phuqhapkänti.

Jeremías 16:4

Jan qullkaña usunakampiw jiwarapxani, janiw khitis jupanakat jachkaniti, janirakiw khiti imt'iris utjkaniti; q'añu t'unanakjam uraqin wartatäpxaniwa. Nuwasiñampi, manq'at jiwarañampiw jupanakar tukjani, janchinakapasti siwiq'aranakana, monte animalanakan manq'antatarakïniwa” sasa.

Jeremías 16:6

Aka markanxa jisk'as jach'as taqiniw jiwarapxani; janiw khitis jupanakarux imt'kaniti, janiw jachapkanisa, janirakiw janchinakapsa chhuxriñchasipkaniti, ñik'utanakapsa mururasipkaniti jupanakan jiwarapxatapatxa.

Jeremías 19:13

Jerusalenankir utanakasa, Judá uraqinkir reyinakan utanakapasa, kawkhantix yaqha diosanakar inciensonak luqtasipkäna, vino waxt'äwinak warapkäna uka uta patanakasa, q'añu chiqanakat uñt'atäniwa, kunjämäkitix Tófet chiqax ukhama’ ” sasa.

Jeremías 22:19

Mä asnorjamaw imantapxani, Jerusalén marka anqäxaruw qatatisin liwtanipxani.”

Jeremías 25:33

Khitinakarutix Tatitux uka urux jiwaraykani ukanakasti mä thiyat mä thiyakamaw aka uraqin liwirtapxani. Janiw khitis jupanakat jachkaniti, janirakiw khitis uka jiwatanak imt'añatak apthapkaniti; q'añu t'unar uñtat waranukutäpxaniwa.

Jeremías 31:40

Kawkharutix jiwatanakax imatäki, qhillas wartatäkaraki, Cedrón jawira patanaka, inti jalsu tuqin Caballonakan punkupa satäki taqi ukanakax nayar katuyatkamakïniwa, taqi uka chiqanakasti janipuniw mayampis t'unjatäkxaniti” sasa.

Jeremías 36:30

Jichhax walikiwa, naya, Tatituw jumar sisma, Judá uraqinkir Joacín rey, janiw kawkïr wawamas Judá markan reyipat utt'askaniti. Jiwat janchimasti, urux lupir jaqunukutäniwa, arumasti juyphir jaqunukutarakïniwa.

Jeremías 9:20

20 (19) Jachir warminaka, Tatitun arunakap ist'apxam, kuntix siskani ukanak sum ist'apxam. Wawanakamar jachañ yatichapxam, masinakamarusti llakisiñat jakhusiñ yatichapxarakim, akham sasa:

Jeremías 9:21

21 (20) “Jiwax utanakasaruw mantani; ventananak chiqaw mantani; wawanakarusti marka thakhinakan anataskir jiwarayi, waynanakarus plazanakan jiwarayaraki.

Jeremías 9:22

22 (21) Jaqinakan jiwat janchinakapax liwirtatäskiwa, q'añu t'unar uñtataw tukusiski, kunjämatix mä grano puyax yawirin qhipäxapar liwiqtki, ukat janirak khitis apthapki ukhama” sasa. Tatituw uk arsu.

Ezequiel 29:5

Ukatsti ch'usa wasararuw jaqunuküma, jawiramankir chawllanakampi chika jaqunuküma; ch'usa pamparu jaqtataw uñjasïta, janirakiw khitis jumar imt'irix utjkaniti. Ch'uminkir laq'unakana, alaxpach jach'a jamach'inakan manq'apäyätawa.

Ezequiel 39:5

Uka ch'usa pampanakan liwirtapxäta. Naya, Tatituw uk arsta. Arsutaxsti phuqhapunïwa.

Ezequiel 6:5

Israelita jaqinakan jiwarat janchinakapasti, pachpa diosanakapan nayraqataparuw liwt'ä, ch'akhanakapsti altaranakap nayräxaruw willitatä.

Ezequiel 8:16

Ukatsti jupax Tatitun utapan manqhäxa chiqaruw irparakitu, ukatsti Tatitun qullan utjäwipar mantañäki uka chiqa, altaräkis uka chiqa taypinsti, pä tunka phisqan jaqinak uñjta, jupanakax Qullan Chiqa satäkis ukatxa, qhipa tuqir uñtata, inti jalsu tuqir uñtasin alt'ataw intir yupaychasipkäna.

Sofonías 1:17

Tatitusti siwa: “Jaqinakarux t'aqhisiyäwa, jupanakasti jucha luratanakap laykux juykhunakjamaw sarnaqapxani. Wilanakapas laq'ar uñtat wartatäniwa, janchinakapas wanjam phint'atarakïniwa” sasa.

Sofonías 1:5

Uta patanakar mistusin warawaranakar yupaychirinakarux tukjäwa, Tatitun nayraqatapan killt'askasa, jaqin lurat Milcom sat diosan sutip layku juramento luririnakarux tukjarakïwa.

Hechos 7:42

Ukham lurapxatapat Diosax jupanakat jithiqtxäna, jupanakarusti alaxpach warawaranakar yupaychañapatakiw katuyäna, kamisatix profetanakan qillqatapan yatiyaski ukarjama: “Israelit jaqinaka, ¿pusi tunka mara wasarankkasina, wilañchanakampi, waxt'äwinakamp luqtapxistati?

Deuteronomio 17:3

yaqha diosanakar yupaychasina, ukanakar killt'asisaraki, phaxsirüpasa, intirüpasa, warawaranakarüpasa, kuna luräwinaktix Diosax jan lurañas munki ukanak lurasa,

Deuteronomio 4:19

Ukatsti alaxpach uñtasina, intiru, phaxsiru, warawaranakaru, taqpach warawaranakar uñtapkät ukapachaxa, jan ukanakar yupaychapxamti, ukanaksti Tatit Dios awkisaw taqi akapach uraqinkir markanakatak luri.