Jeremías 8:1 - Qullan Arunaka DC

¹ Tatitux siwa: “Uka uru purinkani ukkhasti, sepulturat Judá uraqin reyinakapana, taqi jilïrinakapan ch'akhanakap apsupxani, sacerdotenakana, profetanakana, taqi khitinakatix Jerusalenan jakapkäna ukanakan ch'akhanakap apsupxarakini.

Aymar Bibliia 1986

¹ Tatitusti siwa: “Uca urunacansti sepulturanacapatjja Judá oraken reyinacapan, take jilïrinacapan ch'aqhanacapsa apsupjjaniwa, uqhamaraqui sacerdotenacana, profetanacana, take qhitinacatejj Jerusalenan jacapcäna ucanacan ch'aqhanacapsa.

Qullan Arunaca

¹ Tatitusti siwa: “Uca urunacansti sepulturanacapatjja Judá oraken reyinacapan, take jilïrinacapan ch'aqhanacapsa apsupjjaniwa, uqhamaraqui sacerdotenacana, profetanacana, take qhitinacatejj Jerusalenan jacapcäna ucanacan ch'aqhanacapsa.

Jeremías 8:1 Jak'a apnaqawi uñst'ayäwi

1 Reyes 13:2

Uka profetasti Tatitun munañapat altaratak jach'at parläna, akham sasa: “Altar, altar: Tatitux siwa: ‘Davidan saraqiripat mä wawaw yurini, jupasti Josías satäniwa, jach'äxani ukkhasti, juma patxan incienso nakhayir sacerdotenakaruw jiwayani, idolonakan yupaychañ utanakapan jumxar incienso nakhayiri jaqinakaru; juma patxan jaqinakan ch'akhanakapaw nakhani’ ” sasa.

2 Reyes 23:16

Josías reyix Betel chiqat kutt'asinkän ukapachasti pachpa qullu patan utjkatayna uka amay imäwinak uñjäna, ukatsti uka amay imäwinakat ch'akhanak apsuyanisin ñanqhachasaw altarxar nakhantayäna. Ukhamat Tatitun arupax kunjämtix profeta tuqi yatiykatayna ukhamarjam phuqhasïna.

2 Reyes 23:20

Ukatsti altar patxanakan jiwarayäna, kawkïri sacerdotenakatix uka qullu patanakan yupaychañ utanakan utjkäna ukanakaru; jupanak patxarusti jaqi ch'akhanak nakhantayäna. Uka qhipat Jerusalén markarux kutt'anxäna.

2 Reyes 9:37

amayapasti Jezreel uraqin wanur uñtat willjatäniwa, ch'akhanakapas jan khitinsa uñt'kayäniwa” —sasa.

Salmos 53:5

5 (6) Janis kunat khathatiñas utjkpan, jupanakax axsarañat wal khathatipxani, uñisirin ch'akhanakap Diosan willitatatap layku. Jupanakasti mä p'inqaw uñjasipxani, jupanakar Diosan jan katuqatap layku.

Jeremías 14:16

Janiw jupanakakit jiwarapkani, jan ukasti, kawkïr markarutix uka yatiyäwinak yatiyapki ukankirinakas manq'atjam nuwasïwin jiwarapxarakini, warminakapampi, wawanakapampi kuna. Jiwat janchinakapasti Jerusalén marka thakhinakan jaqtatäniwa, janirakiw jupanakarux khiti imt'iris utjkaniti. Ukhamat juchap uñt'asiyä.

Ezequiel 37:1

Tatitux nayaruw amparapampi luqxatitu, ch'amapampiw phuqt'arakitu, ukatsti mä qhirwaruw sayt'ayitu, kawkhantix ch'akhanakax walipunïkatayna uka chiqaru.

Ezequiel 6:4

Kawkïr altaranakantix jumanakax wilañchanak luqtasipkta, inciensonaksa nakhayasipkta ukanak q'al tukjä, jaqinakaparusti pachpa diosanakap nayräxaruw jiwarayarakï.

Ezequiel 6:5

Israelita jaqinakan jiwarat janchinakapasti, pachpa diosanakapan nayraqataparuw liwt'ä, ch'akhanakapsti altaranakap nayräxaruw willitatä.

Amós 2:1

Tatitux akham siwa: “Moab markankir jaqinakax walja ñanqhanakpun lurapxi, ukat jupanakarux mutuyarakï; Edom markan reyipan ch'akhanakap qhillar tukuyañkam phichhantapxatapata.