Jeremías 7:34 - Qullan Arunaka DC

³⁴ Judá uraqin markanakapatsti, Jerusalén markatsa, kusiskañanaka, phunchhäwinaka, jaqichasiñ q'uchunak q'al chhaqtayä; taqi markpachasti ch'usa wasarar tukutarakïniwa” sasa.

Aymar Bibliia 1986

³⁴ Judá oraken marcanacapatsti, uqhamaraqui Jerusalén callenacatsa cusiscañ fiesta k'ochunacsa, casarasiñ k'ochunacsa chhaktayäwa; take marcpachasti ch'usa wasararu tucutaraquïniwa” sasa.

Qullan Arunaca

³⁴ Judá oraken marcanacapatsti, uqhamaraqui Jerusalén callenacatsa cusiscañ fiesta k'ochunacsa, casarasiñ k'ochunacsa chhaktayäwa; take marcpachasti ch'usa wasararu tucutaraquïniwa” sasa.

Jeremías 7:34 Jak'a apnaqawi uñst'ayäwi

Job 3:7

¡Uka arumax janik khitis yurisapänti, kusisiñat arnaqasiñas janirak utjkasapänti!

Salmos 78:63

Waynanakax ninamp nakhantayataw jiwarapxäna; jaqichasir tawaqunakatakix janiw warurt'añanakax utjkxänti;

Isaías 1:7

Israel uraqix q'ala tukjatawa, markanakapas ninan nakhantatawa. Jumanakan uñjkataw uñisirinakamas yapuchatanakam manq'antapxi. Taqi uraqpachaw wasarar tukuyata, mä uñisir markan ejercitopaw ukham tukjawayi.

Isaías 3:26

Jaqinakasti llakisiñat wal jachapxani, llakisiñ ch'iyar isinakampiw isthapisipxani, markasti q'ala apanukutarakïniwa.

Isaías 6:11

Nayasti jiskt'araktwa: “Tatay, ¿kunapachkamarakïni ukasti?” sasa. Jupasti sarakituwa: “Kunapachatix taqpach markanakax q'ala t'unjatäkani, uka markanakas jan jaqin jikxatasipkani; utanakas jan mä jaqin uñjaskani, pampanakas ch'usa wasarar tukuyatäkani,

Jeremías 16:9

Naya, Israelan taqi ch'aman Dios Tatitupasti sistwa: Nayaw aka markan phunchhäwinaka, kusisiñanaka, jaqichasiñ q'uchunaksa q'al chhaqtayä. Taqi ukanaksti jumanak pachpaw uñjapxarakïta.

Jeremías 22:6

Tatitusti Judá reyin utapatxa akham siwa: “Jumax nayatakix Galaad qulljamätawa, Líbano jach'a qullunak patar uñtata, ukampis juramentompiw arsta, jumarux ch'usa wasararuw tukuyäma, jan jaqinakan chiqaruw tukuyäma.

Jeremías 25:10

Jupanak taypin phunchhäwi q'uchunaksa, kusiskañ q'uchunaksa chhaqtayäwa, jaqichasïwi q'uchunaka, qhunan ruxuqitapsa chhaqtayarakïwa, janiw mayampis lamparanakan qhanatapax utanakan uñjaskxaniti.

Jeremías 27:17

¡Jan jupanakarux ist'apxamti! Jan ukasti Babiloniankir reyir jaysapxam, ukapachakiw jakapxäta. ¿Kunatarak aka Jerusalén markasti mayjar q'ala t'unthapit uñjasispasti?

Jeremías 33:10

Tatitux siwa: “Jumanakax sapxtawa: ‘Aka chiqax ch'usa wasarar tukutawa, janiw jaqinakasa, uywanakas utjkiti’ sasa; Jerusalén markan thakhinakapasa, Judá uraqin markanakapas ch'usakiwa, janirakiw ukan khiti jaqinakasa, uywanakasa jakapkiti, sasa. Jichhax walikiwa, akan wasitat

Jeremías 33:11

suma kusiskañ phunchhäwi q'uchunakax ist'asini, munasirinakan q'uchunakapaw ist'asini, ukatsti sapxarakiniwa: ‘Taqi ch'amani Tatitur yuspagarapxam, Tatitusti sumawa, munasiñapas wiñayatakiwa’ sasa. Tatitun utaparusti yuspagarañ luqtanak apanipxani. Jïsa, nayaw aka markan sarnaqäwip askir tukuyä, kunjämäpkäntix qalltanxa ukhamäpxañapataki. Naya, Tatituw uk arsta.”

Jeremías 4:26

Suma uraqinakasti, jichhax ch'usa wasarar tukuyatänwa, taqi markanakasti q'ala t'unjatarakïnwa. Taqi akanaksti Tatitun jach'a phiñasiñapaw ukham luratayna.

Jeremías 4:27

Tatitux siwa: “Taqi aka uraqpachaw tukjatäni, ukampis janiw q'al tukjkarakïti.

Jeremías 44:6

Ukatpï q'apisiñaxanxa Jerusalén markarusa, Judá uraqinkir markanakarusa q'al tukjaraktxa. Jichürkamas uka markanakax ch'usa wasarar tukutaw uñjasi.

Lamentaciones 5:14

Marka punkunakansti waynanakan jayllitapax janiw ist'askxiti, janirakiw chuyman jaqinakas tantachaskxapxiti.

Ezequiel 26:13

Ukhamat q'uchusitanakamax jan ist'askxaniti, arpanakaman jachsutapas janiw mayampsa ist'askxaniti.

Ezequiel 7:11

Nuwasiñanakakiw sartaski, ukanakasti ñanqhanakak utjayi. Ukampis jupanakax qamir yänakapampisa, arnaqasitapampisa janiw kunsa jikxatapkaniti. Janiw jupanakan kuna askis utjkxiti.

Oseas 2:11

11 (13) Kusisiñanakapas tukusiniwa, phunchhäwinakapsa, machaq phaxsi uruyañanakapsa, samarañ urunakapsa, q'al tukjarakï.

Oseas 2:13

13 (15) Juparusti, yaqha diosanakar incienso luqtatapat mutuyä, nayar armanukusaxa, munirinakapar arkañatak surtijanakampi, wallqanakampi k'achachaskäna, taqi ukanakat mutuyarakï. Naya Tatituw uk arsta.

Levítico 26:33

Jumanakarux markanak taypiruw ananukupxäma, espadampi jiwayañatakiw arknaqapxäma; uraqimasti ch'usa wasarar tukutaw uñjasini, markanakamas axsarkañ q'ala t'unjataw uñjasini.

Miqueas 7:13

Jaqinakan juch lurapxatapatxa, uka uraqix ch'usa wasarar tukuyatäniwa.

Apocalipsis 18:23

Janipuniw juman mä micha qhanas qhankxaniti, jaqichasïwinakan kusisiñ uxutanakapas janirakiw ist'askxaniti. Alakipa lurir jaqinakamax aka uraqpachan wali munañan jaqinakäpxänwa, jumasti layqasitanakamampiw taqpach markanakar sallqanttaxa.”