Jeremías 8:6 - Qullan Arunaka DC

⁶ Taqi chuymaw ist'askarakïyäta, ukampis janiw maynis chiqpach arsurix utjkiti, janirakiw khitis ñanqha luratapat chuymay sirix utjkiti. ¡Janiw khitis nayaw ñanqha lurtxa sirix utjkiti! Taqinis kuntix munapki uk lurapxaraki, antutt'at caballonakar uñtataw uksa aksa jalanaqapxi.

Aymar Bibliia 1986

⁶ Take chuymaw ist'ascaraquïyäta, ucampis janiw maynirus ñankha luratapatjja arrepientisir ist'cti, ni take chuymasa arsuscaraquiti: ‘¿Cunsa lurtjja?’ sasa. Takenis jalacamaquiw thaquipanjam jalasqui, jan frenoni guerra caballonacjama.

Qullan Arunaca

⁶ Take chuymaw ist'ascaraquïyäta, ucampis janiw maynirus ñankha luratapatjja arrepientisir ist'cti, ni take chuymasa arsuscaraquiti: ‘¿Cunsa lurtjja?’ sasa. Takenis jalacamaquiw thaquipanjam jalasqui, jan frenoni guerra caballonacjama.

Jeremías 8:6 Jak'a apnaqawi uñst'ayäwi

Job 10:2

¡Dios Tatay, janikiy nayar juchanit uñt'istati! Sitaya, ¿kunatarak juchañchistasti?

Job 34:31

Juchanïtamsa uñt'askäta ukasa,

Job 34:32

ukatsti jan juk'ampi jucha lurañatak arsuskäta ukasa,

Salmos 14:2

Tatitux alaxpachatpach jaqinakarux uñtani, inach khitis amuyt'asirix utjaspa, inach khitis Diosar thaqtirix utjaspa.

Isaías 30:18

Ukampis Tatitux jumanakat khuyapayasiñatakiw suyasipktam, jupax walipuniw munasiñap uñacht'ayañ munapxtam, Tatitusti khuyapayasiri chiqap Diosarakiwa. ¡Jupar suyt'irinakax kusisiñanïpxiwa!

Isaías 57:17

Israelan juchap laykuw mä pachax phiñasitäyätxa, juparux mutuyayätwa, ukatsti apanukuyätwa; ukampis jupax nayatakiw sayt'asïna, jupan amtataparjamakiw sarnaqäna.

Isaías 59:16

Tatitusti musphataw uñjasi jan khitis aka ñanqha lurañ chiqachañ munatapatxa; ukat pachpa ch'amapampix sarti, atipjañsti jupa pachpaw jikxataraki.

Jeremías 23:25

“Uka k'ari profetanakan parlatanakap nayax ist'twa, jupanakax nayan sutixaruw parlañ munapxi, samkanak tuqsa nayampis parlapkaspa ukham parlapxi.

Jeremías 3:5

¿jichhasti phiñasitakïskätati? ¿q'apisiñamasti wiñayatakipunïniti?’ sasa. Ukham sasasti, qawqhtix munkta ukkharak ñanqhanak lurtaxa.”

Jeremías 5:1

Tatitux siwa: “Jerusalén markan thakhinakap muytanipxam, sum uñatatanipxam, plazanakan thaqtanipxam, inach maynirus chiqap lurir jaqi jikxatapxäta, inach chiqa chuymani jaqi jikxatapxarakïta. Uktix jikxatapxät ukapachasti, Jerusalén markarux juchanakap pampachäwa.

Ezequiel 18:28

Jupatix sum amuyt'asini, ukat taqi ñanqha luräwinakap apanukxarakini ukkhasti, jupax jakaskakiniwa, janiw jiwkaniti.

Ezequiel 22:30

Nayasti uka jaqinak taypinxa, mayni aski jaqi thaqhäyäta, markapatak mä kuna asksa lurañapataki, aka markar jan t'unjañaxatak nayar achikt'asiñapataki, ukampis janiw uka jaqi jikxatkti.

Daniel (hebreo) 9:11

Israelankirinakax taqiniw yatichäwinakam jan yäqapkiti, juman arsutanakamarus janiw jaysapkarakiti; ukat nanakxaru wakt'apxitu, Moisés luqtiriman kamachipan qillqatäki uka juramentompi, taqi ñanqhachäwi arunakampisa, nanakan juma nayraqatan juchachasipxatax layku.

Miqueas 7:2

Aka uraqinxa janiw maynis Diosatakjam chiqap sarnaqirix utjkxiti; taqinis nuwasiñampi jiwarayasiñampik suyt'asipki; maynit maynikamarakiw aynacht'ayasisipki.

Sofonías 3:7

Ukat sista: ‘Jerusalén markax axsartitaniwa, iwxa arunakaxsa ist'arakitaniwa; mutuyatäñapax janiw wakiskxaniti, janirakiw utanakapas t'unjatäkaniti.’ Ukampis jupanakax jank'akiw kunayman juchanak lurañanakar puripxaraki.

Hageo 1:5

Naya, taqi ch'aman Tatituw sapxsma, ukham sarnaqatanakamat wal amuyt'asipxam.

Hageo 1:7

Naya, taqi ch'aman Tatituw sapxsma, sarnaqäwinakamat amuyasipxam.

Malaquías 3:16

(Tatitur axsartas sarnaqirinakasti jupanakkamaw parlasipxäna, Tatitusti jupanakar ist'änwa. Ukatsti, jupan nayraqatapan qillqasïna, Tatitur axsartañampi yäqirinakataki, sutip waqaychirinakataki).

2 Pedro 3:9

Tatitux janiw arunakapar phuqhañ armt'askiti, kunjämtix mayninakax jan phuqhasitap amuyapki ukhama, jan ukasti, jupax llamp'u chuymampiw suyt'asipktam; Diosax janiw khitin jiwañapsa munkiti, jan ukasti, taqinin jupan ukar kutkatxañap muni.

Apocalipsis 9:20

Uka t'aqhisïwinakampi jan jiwarir jaqinakasti, jichhax janirakiw jan wali luratanakap apanukupkänti, kunayman ajayunakar yupaychañsa janirakiw apanukupkänti; qurita, qullqita, bronceta, qalata, lawat lurat diosanakarus yupaychasipkakïnwa, jan uñjiri, jan ist'iri, jan sarnaqiri diosanakaru.