Jeremías 8:7 - Qullan Arunaka DC

⁷ Cigüeña sat jamach'is kunapachatix kuttaniñapäki uk yatiwa. Qhurukutunakasa, jisk'a jamach'inakasa, kunapachatix yaqha chiqar sarxapxañapäki uk yatipxarakiwa. Ukampis jumax nayan markaxay, janiw kamachinakaxar jaysañ munktati.

Aymar Bibliia 1986

⁷ Cigüeña sat jamach'is alajjpachanjja yatiwa cunapachatejj cuttaniñapäqui ucjja. Khorucutunacasa, jisc'a jamach'inacasa yatipjjaraquiwa cunapachatejj yakha chekaru sarjjapjjañapäqui ucjja. Ucampisa jumajj nayan marcajja, janiw leyinacajj-jja yatctati.

Qullan Arunaca

⁷ Cigüeña sat jamach'is alajjpachanjja yatiwa cunapachatejj cuttaniñapäqui ucjja. Khorucutunacasa, jisc'a jamach'inacasa yatipjjaraquiwa cunapachatejj yakha chekaru sarjjapjjañapäqui ucjja. Ucampisa jumajj nayan marcajja, janiw leyinacajj-jja yatctati.

Jeremías 8:7 Jak'a apnaqawi uñst'ayäwi

Cantar de los cantares 2:12

Pampanakan panqaranakas niyaw misturxi, q'uchusiñ pachas purinxarakiwa, qhurukutunakan uxutapas uraqisan niyaw ist'asxi.

Isaías 1:3

Urqu vacax jaqiparux sum uñt'asi, asnosti jaqipan uywa uyupxa uñt'asirakiwa; ukampis Israel, nayan markaxaxa, janiw uñt'askiti, amuyt'askxarakisa.”

Isaías 27:11

Mä quqan layminakapax wañsxi ukkhax p'akirtxiwa; warminakasti uka layminak apthapisaw phayasipxi. Mä jan amuyt'asir markawa. Ukatpï jupanakar irnuqir Tatitux jan khuyapt'ayaskanitixa.

Isaías 5:12

Jumanakan phunchhäwinakamansti, arpa, cítara, tambor, pinkillo ukanakan toct'asitapakiw ist'asiski, jach'a manq'äwinakamansa vino umañakiw utjaski; ukampis kuntix Tatitux lurki ukanakat janiw amuyapktati, janirakiw jupan luratanakapsa yäqapktati.

Jeremías 4:22

Tatitux siwa: “Markaxax q'ala luqhiratawa, janiw uñt'kxarakituti. Jan amuyt'asiri wawanakäpxiwa, janiw kun satas amuythapisipkiti. Ñanqhanak lurañatakisti, ch'amanakapax jilarkiriwa, ukampis janiw kunatix askïki uk lurañ yatipkiti.”

Jeremías 5:6

Ukat jichhax leonanakax ch'umit mistunisin jiwarayapxani, wasarankir qamaqinakaw jisk'a jisk'a tukjapxani, markat mistusinkirinakarusti jisk'a jisk'a tukjarakini, walja jach'a juchanak lurapxatap layku, mayninakarus aljantapxatap layku.

Habacuc 1:4

Kamachinakax janiw phuqhaskxiti, chiqa uñjäwis takichasitawa, jan wali jaqisti, aski jaqirux arknaqiwa, chiqa uñjañasti maysar uñtayatawa.

Zacarías 5:9

Wasitat uñtasinsti, pä warmiruw uñstanir uñjarakta. Uka warminakasti waq'anan chhiqhanakapar uñtata chhiqhanakanïnwa, thayaw jupanakar jalayaskäna, alayanjam uka tupuñ apasxapxarakïna.