Jeremías 8:5 - Qullan Arunaca

⁵ Uqhamasti, Israel ¿cunatsa ch'ojjña lurista? Jerusalén, ¿cunatsa nayataquejj wiñayataqui colerasta? ¿Cunatsa nayataqui sayt'asiscacta, ucatsti janiraqui nayan ucarojj cuttaniñ munctati?

Aymar Bibliia 1986

⁵ Uqhamasti, Israel ¿cunatsa ch'ojjña lurista? Jerusalén, ¿cunatsa nayataquejj wiñayataqui colerasta? ¿Cunatsa nayataqui sayt'asiscacta, ucatsti janiraqui nayan ucarojj cuttaniñ munctati?

Qullan Arunaka DC

⁵ Ukampis aka markax nayar apanukutuwa janiw nayan ukar kuttaniñ munkiti. Jerusalenankirinakax nayar apanukuñpin munitu; k'ari diosanakarukiw arkañ munapxi, janiw naya chiqpach Diosan ukar kuttaniñ munapkiti.

Jeremías 8:5 Jak'a apnaqawi uñst'ayäwi

Proverbios 4:13

Yatichäwinacsti sum catjjarusim, jan apanucumti; suma jacañamasti uca yatichäwirjam sarnakañanquiwa.

Isaías 1:20

ucampis nayataqui sayt'asisipcaquïtajja, guerranjj jiwarapjjaquipunïtawa.” Pachpa Tatituw ucjja arsu.

Isaías 30:10

Unañchäwi uñjirinacarusti sapjjaraquiwa: “Jan uca unañchäwinac uñjapjjamti”, profetanacarusti: “Cheka yatiyäwinac catokapctas ucanacjja jan yatiyapjjestati, jan ucasti suma koña arunac parlt'apjjeta, janirac cusisiñanacajjsa apakapjjestati.

Isaías 44:20

Chekpachansa khellsa mank'caspa uqhamawa. Uca lurañajj c'ari amuyunacampi sallkjayasiñawa. Uca jakenacasti janiw khespiyasipcaniti. Janiraquiw amuyt'asipcanisa cunatejj jupanacan amparapan utjqui ucajj c'aricamaquïtapa.

Jeremías 14:7

¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.

Jeremías 2:32

¿Mä warmejj armasispati cunanacampitejj c'achachatäcän casarasïwipanjja, ucanacjja? Ucampisa marcajjajj nayraw nayatjja armasjjetu.

Jeremías 3:5

¿jichhasti colerataquipunïscätati? ¿Colerasiñamasti wiñayataquipunïniti?’ sasa. Uqham sasasti kawkhtejj munctajja ucqharacwa ñankhanacjja lurtajja.”

Jeremías 5:27

Utanacapasti lunthatata yänacampi phokhantatawa, cunjämatejj jaulanacarojj jamach'inacajj phokhantatäqui uqhama. Uqhamatwa jupanacajj kamiri, ch'amani tucupjjaraqui,

Jeremías 5:3

Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Jeremías 5:6

Ucatwa jichhajj leonanacajj ch'umit mistunisin jiwarayapjjani, wasaranquiri kamakenacaw jisc'a jisc'a tucjapjjaraquini, marcat mistusinquirinacarusti jisc'a jisc'a tucjaraquini, walja jach'a juchanac lurapjjatap laycu, maynir aljantapjjatap laycu.

Jeremías 6:17

Tatitusti uñjirinac uscu, marcarusti saraquiwa: “Cuna unañchäwtejj churapcäma ucar sum suyapjjam” sasa. Ucampisa marcajj siwa: “Janiw nanacajj ist'apcäti” sasa.

Jeremías 6:19

Jumas, orake ist'araquim: Aca marcarusti mä jach'a jan walt'añwa apayani, jan wali lurañanacaqui amtasipcatapata; arunacajjarusti janiw ist'apcaraquitänti, jan ucasti yatichäwinacajj-jja jisc'achapjjewa.

Jeremías 9:6

janiraquiw yatekañsa munapquiti. Tatitusti siwa: “¡Nuwasiñat nuwasiñaru, c'arisiñat c'arisiñaru, ucaquiw utjasqui! Marcajjajj janiw uñt'añ munquituti.

Daniel (hebreo) 9:11

Take Israel jakenacaw yatichäwinacamjja jan ist'apcti, juman arsutanacamarusa janiw jaysapcaractti, ucatpï nanacjjarojj purinejja take ñankhachäwi arunacajja, uqhamaraqui cuna juramentotejj Moisesan leyipan kellkatäqui ucarjama, nanacasti juma tokew jucha lurapjjta.

Oseas 11:5

ucampis jupanacajj janiw nayar cuttaniñjja munapcänti. Ucatpï jichhajj wasitat Egiptor cuttapjjanejja, Asiriaraquiw jupanacarojj apnakani.

Oseas 11:7

Uqhampachas marcajjajj nayat jayancañjja munascaquiwa; arnakasisipcaraquiwa, ucampis janiw qhitis jupanacan arnakasitapjja ist'quiti.

Oseas 13:2

¡Jichhas juchjja lurasipcaquiwa! Kollkenacap umatatayasinsti c'ari diosanacwa lursusipjje, cunjämarutejj munapqui uqhamaru, yakha diosanac luririnacan amuyuparjamaraqui. Ucatsti sapjjaraquiwa: ‘Sacrificionac loktapjjam’ sasa. Jakenacasti vaca kallur uñtata c'ari diosanacaruw jamp'atipjje.

Oseas 4:16

Israel marcajja naya contra sayt'asiriwa mä uri vaca kallur uñtata: uqhamasti, ¿Tatitojj suma pastonacaru awatiraquispati oveja wawanacäpcaspas uqhama?

Zacarías 7:11

Ucampis marcajj janiw ist'asiñ munquiti. Takeniw cutt'awayjjapjje, okararaquiw tucupjje.

Juan 5:40

Jumanacasti janiw nayar jutañ munapctati jacañanïpjjañamataquejja.

1 Tesalonicenses 5:21

Take cun yant'apjjam, ucatsti cunatejj asquïqui ucana catjjarupjjam.

Hebreos 12:25

Ucatwa amuyasipjjañamajja qhititejj parljjayquistu ucaru jan “Janiw” sañataqui. Janiw jaltapcänti Diosar “Janiw” sirinacajja, cunapachatejj aca orakenjja ewjjt'apcäna ucqhajja. Janiraquiw jiwasas jaltcañäniti alajjpachat ewjjt'anquistani uca arunacarutejj jan ist'cañäni ucqhajja.

Apocalipsis 2:25

Ucampis catjjäsipjjam cuntejj yatipcta ucjja, nayan jutañajjcama.