Jeremías 8:4 - Qullan Arunaca

⁴ “Jumasti Jeremías aca arunacajj naya toket aca marcaru yatiyam: ‘Cunapachatejj maynejj liwisi ucapachajj, wasitat sayt'asjje; cunapachatejj thaqui chhaktayasi ucapachasti wasitat jicjjatjje.

Aymar Bibliia 1986

⁴ “Jumasti Jeremías aca arunacajj naya toket aca marcaru yatiyam: ‘Cunapachatejj maynejj liwisi ucapachajj, wasitat sayt'asjje; cunapachatejj thaqui chhaktayasi ucapachasti wasitat jicjjatjje.

Qullan Arunaka DC

⁴ “Jumasti Jeremías, aka arunak naya tuqit aka markar yatiyam: “ ‘Maynitix liwischi ukaxa, ukspachaw saythapi; thakhi chhaqtayaschi ukasa, jank'akiw wasitat jikxatxi.

Jeremías 8:4 Jak'a apnaqawi uñst'ayäwi

1 Reyes 8:38

ucatsti jumajj ist'am cawquïr take jaken oracionanacapsa, mayisitanacapsa, jan ucajj takpach Israel marcamana mayisitanacapsa, uqhamata Diosajj jan walt'añanacana, aykoñanacana t'akhesiñanacana uñjasisasti oracionana aca templona amparanaca loktaniñapataqui. Jumasti alajjpachatpacha ist'anim cawqhantejj jactajj ucqhatpacha, ucatsti perdonanim; luraraquim, ucatjja sapa maynirusa luratanacapatjama churaraquim, juma sapaquiwa jaken amtäwinacapa chuymapsa uñt'tajja uca laycu.

Proverbios 24:16

asqui jakejj pakallk cutis aynacht'canejja, cutjtascaquiniwa, ucampis jucharar jakejj jan walt'añapanjja k'alawa aynacht'ani.

Isaías 44:22

Nayaw juchanacamsa, pantasitanacamsa chhaktaytjja, cunjämatejj kenayanacajj chhaktapjje uqhama. Nayan ucar cuttanjjam, nayajjay jumarojj khespiysmajja.”

Isaías 55:7

Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.

Jeremías 23:14

Jerusalenanquir profetanacarusti nayaw uñjta, ajjtascañ luräwinaca lurasipquiri: Wachok juchanac lurapjje, lunthatapjjaraqui, janiraquiw maynis ñankha lurañanacapjja apanucquiti. Jupanacasa, marcan jaquirinacasa, nayataquejj Sodoma, Gomorra marcanacjamäpjjewa.

Jeremías 3:1

Tatitojj siwa: “Mä jaketejj warmipampi jaljti ucapachasti, warmejj uca chachampi jaljtasajj yakhampiw casarasjje, nayra chachapasti janiw uca warmirojj jac'jjaniti. Wasitattejj chicjjapjjaspan ucasti, ¡marcataquejj janiw ucajj walïcaspati! Ucampisa, jumajj Israel, walja chachanacampiw sarnaktajja, ¡jichhasti nayan ucaruw cuttanjjañ munaractajja! Naya Tatituw, ucjja arsta, sasa.

Jeremías 3:22

Nayatac sayt'asir wawanaca, nayan ucar cuttanjjapjjam, nayaraquiw jumanacarojj naya toke sayt'asitanacamatjja kollart'jjapjjäma” sasa. “Acancapjjtwa, jumaruw maqhatjjapjjaracsma, jumätaw nanacan Tatitu Diosajjajja.

Jeremías 36:3

Inasa uqhamat Judá orakenquir jakenacajj cuna t'akhesiñanactejj jupanacjjaru apayaniña amtcta ucanac yatisajj, jan wali luräwinacapa apanucjjapjjchini, ucatsti nayajj jupanacarojj ñankha luratanacapatsa, jucha luratanacapatsa perdonjjaraquirista” sasa.

Jeremías 4:1

Tatitusti siwa: “Israel marca, jumatejj cuttanjjañ munstajja, nayan ucaruw cuttanjjañama. Uca ajjtascañ diosanacamtejj apanucjjätajja, ucatsti janirac nayatjja jayarst'cäta ucapachasti,

Ezequiel 18:23

Janiw nayajj ñankha jaken jiwañapjja muncti jan ucasti muntwa sarnakäwipjja asquichasjjañapa, ucatsti jacjjañaparaqui. Naya Tatituw ucjja arsta.

Oseas 14:1

¡Cuttanjjam, Israel, Tatit Diosamaru, jucham laycuw aynacht'tajja!

Oseas 6:1

Takeni jutapjjam, Tatitun ucar cuttjjañäni. Jupaw usuchjistu, juparaquiw c'umarachjjestani; chhojjriñchjistuwa, juparaquiw kolljjatjjestani.

Oseas 7:10

Jach'a jach'a tucutapaw Israelarojj aynacht'ayasqui, uqhamäquipansa, jupanacajj janiw cuttanipquiti, ni Tatitu Diosaparus thaktapcaraquiti.

Amós 5:2

Suma k'oma Israel marcajja liwisjjewa; jan mayamp sartquiriw liwisiwayi, quipca orakepjjaru liwitattataw khepari, janiw qhiti waytiris utjquiti.

Miqueas 7:8

“Jumasti, nayan uñisirejja marca, aynacht'atajjatjja jan cusisimti, aynacht'atatsa sartascaquïwa. Lajja ch'amacas muyuntitpan ucasa, Tatituw khanajjajja.