Jeremías 17:12 - Qullan Arunaka DC

¹² Jiwasan templosax qullan qunuñawa, qalltatpach wali jach'ar aptata.

Aymar Bibliia 1986

¹² Jiwasan templosajja mä suma tronowa, kalltatpacha wali jach'aru aptata.

Qullan Arunaca

¹² Jiwasan templosajja mä suma tronowa, kalltatpacha wali jach'aru aptata.

Jeremías 17:12 Jak'a apnaqawi uñst'ayäwi

Salmos 103:19

Tatitux alaxpachan qunuñap utt'ayasi, ch'amapampiw alaxpach akapach apnaqi.

Salmos 96:6

¡Aytat kankañampi, lliphipkir qhanampiw nayraqatapanki! ¡Ch'amampi, muspharkay kankañampiw qullan utapanki!

Isaías 6:1

Rey Oziasax jiwkän uka maraxa, Tatituruw uñjta, mä jach'a qunuñan qunt'ata; isipas jupan utapar phuqhantatänwa.

Isaías 66:1

Tatitux siwa: “Alaxpachax nayan qunuñaxawa, uraqisti kayunakaxan takt'añapawa. Nayan samart'añaxatakix janiw khitis mä uta nayatak lurkaspati.

Jeremías 14:21

¡Sutiman jach'ätap laykukisay nanakat khuyapt'ayasipxita; kawkha markankkitix suma k'ajkir qunuñamaxa, uka markarux janikiy jisk'achañampi uñjamti! ¡Kuna arust'äwtix jumax nanakampi lurkta uk amtt'asikimaya, janikiy uka arust'äwir phuqhañ armt'asimti!

Jeremías 3:17

Ukapachasti Jerusalén markax Tatitun qunuñapa satäniwa; taqi markanakaw ukan tantacht'asipxani, ukatsti nayaruw jach'añchapxitani, janirakiw chuymanakapan jan wali amtatanakapar arkxapxaniti.

Ezequiel 1:26

Uka patansti, mä k'ajkir suma qalat lurat qunuñäkaspas ukham uñjta, uka qunuña patansti jaqir uñtata mayniw qunt'atäskäna.

Ezequiel 43:7

akham sasa: “Aka chiqax nayan qunuñaxawa, kayunakaxan takt'asiñapawa; aka chiqan nayax israelitanak taypin wiñayatak jakarakï. Janipuniw jupanakasa, reyinakapasa nayan qullan sutix juk'ampi jisk'achaykxapxaniti, jan taqi chuyma arkatanakapampi, jiwat reyinakapar yupaychatanakapampi.

Mateo 25:31

“Kunapachatix Jaqin Yuqapax munañan kankañampi, taqpach angelanakapampi jutkan ukapachax, qhapaq qunuñaparuw qunt'asini.

Hebreos 12:2

Jesusaruy uñtañäni, iyawsañasax jupat juti, juparakiw uka iyawsañas askir tukuyi. Jesusasti cruzan mutüna, uka p'inqa tukuñ jiwañar jan yäqasa, jupax t'aqhisiñ qhipat kusisiñ utjañap yatïna; ukatsti Diosan kupïxaparuw qunt'asïna.

Hebreos 4:16

Ukhamasti munasir Dios Awkisarux iyawsañasampi jak'achasiñäni, jiwasat khuyapt'ayasiñapataki, munasiñapan wakisir urun yanapt'añapataki.

Apocalipsis 3:21

Jan walt'añanakar atipjirinakarux, qhapaq qunuñaxan nayamp chik qunt'asiyä, kamisatix nayax atipjasin Awkixampi chik qhapaq qunuñapan qunt'askta ukhama.