Jeremías 17:13 - Qullan Arunaka DC

¹³ Tatay, jumaw Israelan suyt'añapätaxa. Taqi jumar apanukuristi p'inqachjatäniwa. Taqi jumat jayarst'iristi thayan apat laq'jamaw chhaqtxani, juma, suma jalir umjam Tatitur apanukutapata.

Aymar Bibliia 1986

¹³ Tata, jumaw Israelan suyt'añapätajja. Take jumar apanucuristi p'enkachjataraquïniwa. Take jumat jayarst'iristi lak'aru kellkat sutjamaquiw chhaktjjani, juma, suma jalir umar apanucutap laycu.

Qullan Arunaca

¹³ Tata, jumaw Israelan suyt'añapätajja. Take jumar apanucuristi p'enkachjataraquïniwa. Take jumat jayarst'iristi lak'aru kellkat sutjamaquiw chhaktjjani, juma, suma jalir umar apanucutap laycu.

Jeremías 17:13 Jak'a apnaqawi uñst'ayäwi

Salmos 22:4

4 (5) Nayra awkinakaxax jumaruw alkatasipxäyätam, jupanakarusti qhispiytawa;

Salmos 69:29

29 (30) Naya usuntata, llakit jaqirusti, Diosaxay, waytakitaya, qhispiyarakita.

Salmos 71:5

Tatay, jumaw nayan suyt'añaxätaxa, wayna kankañaxatpach alkatañaxätasa.

Salmos 73:27

Jumat jayarst'irinakax jiwapxaniwa; arsutam jan phuqhirinakarusti t'unjätawa.

Salmos 97:7

Akapach diosanakar yupaychirinakax jisk'achjatäpxiwa, uka diosanakat jach'achasirinakas aynacht'apxiwa. ¡Taqpach diosanakaw nayraqatapan qunqurt'asipxi!

Proverbios 10:7

Aski jaqix suma amtatäniwa; ñanqha jaqirusti mäkiw armatäxi.

Proverbios 14:14

Jan amuyt'asir jaqix sarnaqatapampix kusisitakiwa, aski jaqisti, suma aski luratanakapat kusisi.

Isaías 1:28

ukampis nayar saykatirinakampiru, juchararanakampirux akch'a akch'a tukjä, nayar apanukurinakasti jiwarapxaniwa.

Isaías 66:5

Tatitun arunakap ist'apxam, khitinakatix arunakap phuqhapkta ukanaka: “Jumanakan yaqhipa marka masinakamaxa, khitinakatix jumanakar uñisipktam, nayan sutix aytasipxatam layku arknaqapktam, ukanakasti sapxiwa: ‘Tatitux jach'a kankañap uñacht'aypan; jumanakarusti k'uchik uñjañ munapxsma’ sasa. Ukampis jupanakax mä p'inqa jisk'achjataw uñjasipxani.

Jeremías 14:8

Israelan suyt'äwipa, jan walt'añanakan nanakar qhispiyiri, ¿kunatsa nanakatakix mä jaya jaqïkasmas ukham tukta, thakhi sarir jaqix mä jayp'uki ikt'awayi ukhama?

Jeremías 17:17

Janiy nayatakix axsarkañ tukumti, jan walt'añanakaxansti nayan arxatirixätawa.

Jeremías 17:18

Uñisirinakaxar mä p'inqa uñjasiyam, nayarusti jan ukham tukuyistati; jupanakax axsarañatsa wal khathatipxpan, nayarusti jan axsarayistati. Jupanakxar t'aqhisiñanak apayanim, mäpit jupanakar q'al tukjam.

Jeremías 17:5

Tatitux sarakiwa: “Ñanqhachatäpan jaqinakar alkatasirixa, ñanqhachatäpan pachpa ch'amapar alkatasirixa, ñanqhachatäpan nayat jayarst'ir jaqixa.

Jeremías 19:4

Israelitanakax nayarux apanukupxituwa, aka uraqsti yaqha uraqiruw tukuyapxaraki, aka chiqan yaqha diosanakar inciensonak luqtasipxaraki, uka diosanaksti janiw jupanakax uñt'apkänti; janirakiw nayra awkinakapasa, Judá uraqinkir reyinakas uñt'apkänti; aka chiqanarak jan juchan jaqinakarus jiwarayapxi.

Jeremías 2:13

“Markaxax pä jach'a juchanak luri: Naya suma jakañ umarusti, apanukuwayapxituwa, ukatsti jupanakax pachpa phuch'unakap allisipxi, uka phuch'unakaparusti umax janiw sayt'karakiti.

Jeremías 2:17

Taqi akanakasti nayar apanukutam laykuw ukham t'aqhisiyapxaraktam, naya, Tatitu Diosamaru, jumar irpiriru apanukutamata.

Jeremías 50:7

Uñisirinakapasti jupanakar uñjasax p'inqachjapxänwa, ukatsti sapxarakïnwa: ‘Janiw nanakan juchaxäkiti, jupanakaw Tatitu nayraqatan jucha lurasipki, taqi kunsa churir Tatit tuqi, nayra awkinakapan suyt'äwipäkän uka Tatit nayraqatana’ sasa.

Ezequiel 13:9

K'ari unañchäwinak uñjiri profetanakaru, k'ari profecía arunak parliri profetanakarus mutuyäwa. Israel markaxan tantachasïwinakapansti janiw kuna parlañanakapas utjkaniti; sutinakapasti janiw israelitanak taypin qillqatäkaniti, janirakiw israelitanakan uraqinakaparus mantapkaniti. Ukapachaw jumanakax nayan Tatitütax yatipxäta.’

Ezequiel 16:63

Jumasti amtasisax wal p'inqasïta, jisk'achjataw amuyasïta, janiw arsuskarakïtasa, nayax jumar uka jan wali luratanakam pampachkäma ukapachaxa. Naya, Tatituw uk arsta.’ ”

Ezequiel 36:32

Naya, Tatituw uk arsta: ‘Yatipxam israelita jaqinaka, janiw jumanakan ukanak katuqañamatak lurkti, jan ukasti, luräwinakamat jumanak pachpa p'inqasiñanakamatakiw lurta’ sasa.

Daniel (hebreo) 12:2

Amay imäwin ikiskirinakat, waljaniw sartapxani: mayninakax wiñay jakañataki, mayninakasti wiñay p'inqachatäñataki, t'aqhisiyatäñatakiraki.

Joel 3:16

16 (16) Uka urun Tatitux Sión qulluta, Jerusalenatpach art'atap ist'asiyani, ukkhasti, alaxpachas, akapachas khathatiniwa. Ukampis israelitanakarux Tatitun markapätapatxa, arxataniwa.

Zacarías 13:1

“Khä urun mä uma jalsuw jist'artani, ukan Davidat saraqir wila masinakapasa, Jerusalén markan jakirinakasa juchanakapa, q'añu luratanakap jariqasipxañapataki.

Zacarías 9:12

ukatsti suyt'äwi chuyman phuqt'ataw kutt'anxapxani, suma uyuchrantat markanakaru. Sapxsmawa, nayasti taqi t'aqhisitanakamatxa aski waxt'äwinakampi phuqt'apxäma, kusisiñanakxa pä ukkhampi katuqapxarakïta.

Lucas 10:20

Ukampis jan kusisipxamti ñanqha ajayunakan jumanakar jaysapxatam laykuxa, jan ukasti sutinakamax alaxpachan qillqantatäxatapat kusisipxam —sasa.

Juan 4:10

Jesusasti juparux sänwa: —Jumax janiw yatktati kuntix Diosax churañ munktam uka, janirakiw yatktati khitïtsa nayax uka. Yatisma ukkhasti, jumaw nayarux uma mayitasma, nayasti jakkir uma churirisma —sasa.

Juan 4:14

nayax churkä uka umat umiristi, janiw mayampis pharjayaskxaniti. Kawkïr umtix nayax churkä ukax, jupa pachpan wiñay jakañatak jalsur uma phuch'uruw tukuni —sasa.

Hechos 28:20

Ukat jichhax jumanakar jawsayapxsma, jumanakamp jikisisin parlt'asiñataki. Jiwas israelitanakan suyt'äwiw utjkistu, uka suyt'äwi laykuw aka cadenanakamp ñach'antat uñjasta —sasa.

1 Timoteo 1:1

Munat Timoteo: Jumaruw aruntansma. Naya Pablox, Jesucriston apostolupätwa, Qhispiyir Diosampi, jiwasan suyt'äwisa Tatit Jesucristompiw aka qillqat jumar yatiyir khithanipxitu. Timoteo, nayatakix jumax iyawsäwin chiqpach wawaxätawa. Ukat Dios Awkisaru, Tatit Jesucristosarux mayta jumar munañapataki, taqi kunan yanapañapataki, samarañapsa churañapataki.

Apocalipsis 20:15

khitinakan sutinakapatix wiñay jakañ qillqatan jan qillqatäkän ukanakax, ukar jaquntataw uñjasipxäna.

Apocalipsis 21:6

Ukatsti sarakituwa: “Taqi kunas luratäxiwa. Nayätwa qalltasa, tukuyasa. Umat pharjatarusti nayax inakiw jakañ churir jalsu umat churä.

Apocalipsis 22:1

Ukatsti angelax jakañ churir mä suma q'uma jawir uñacht'ayitu. Uka jawirasti Diosampina, Corderompin qhapaq qunuñapat mistunïna, qhispir uñtat suma ch'uwarakïnwa;

Apocalipsis 22:17

Qullan Ajayumpi Corderon esposapampisti sapxiwa: “Jutam” sasa. Ist'irïki ukasti sarakpan “Jutam” sasa. Umat pharjayasiristi, jutpan; um muniristi, jakañ umat inak umt'arakpan.

Apocalipsis 7:17

qhapaq qunuñ taypinkki uka Corderow jupanakarux ovejanakarjam awatini, jakkir uma jalsunakaruw anakirakini, Diosasti taqi jachanakap nayranakapat phiskhurxani” sasa.