Jeremías 17:11 - Qullan Arunaka DC

¹¹ Sallqjañampi qamiriptirinakaxa, uka qamir yänakap q'al apt'asipxani, walïkasinsa, jan kunaniw uñjasipxani.

Aymar Bibliia 1986

¹¹ Jan chekapa lurasa kamiriptiristi, yakha c'awnanacjjaru tokori p'isakjamawa. Walt'casinwa kamir cancañapjja apanucuwayani, tucuyarusti take ucanacjjarojj mä lokhequiraquïniwa.

Qullan Arunaca

¹¹ Jan chekapa lurasa kamiriptiristi, yakha c'awnanacjjaru tokori p'isakjamawa. Walt'casinwa kamir cancañapjja apanucuwayani, tucuyarusti take ucanacjjarojj mä lokhequiraquïniwa.

Jeremías 17:11 Jak'a apnaqawi uñst'ayäwi

Job 20:21

juk'ampsa munaskakïnwa, ukatpï kusisiñapax juk'atakikïnixa.

Salmos 49:13

13 (14) Ukhamaw ch'amapar alkatirinakax tukusipxi; ukhamaw jupa pachpa jach'añchasirinakan tukuyapaxa.

Salmos 55:23

23 (24) Diosaxay, k'arinakampi, jaqi jiwayirinakampix janiw jakañapat chikatsa jakapkaniti; jumaw jupanakarux mik'ay manqhar jaquntäta, ukampis nayax jumarukiw katuyassma.

Proverbios 13:11

Mäki jikxatat qamir yänakax, mäkiw tukusxi, juk'at juk'at jikxatir jaqisti qamiriptiwa.

Proverbios 15:27

Walja yänak munapayirix pachpa utapankirinakaruw tukji, qullqi chilltañar uñisiristi, jakaniwa.

Proverbios 21:6

K'arimpi jikxatat yänakax, jiwq'ir uñtataw chhaqtawayxi; jiwar puriyir sipitarakiwa.

Proverbios 23:5

Qamir kankañax mä juk'atakikiwa; pakanakar uñtataw akatjamat chhaqtawayxi, chhiqhanakapas tukuskaspa ukhama.

Proverbios 28:16

Jan amuyt'ani mark apnaqirix, t'aqhisiyaña, lunthatasiñak lup'iski, ukanak jan luriristi, jaya maranakaw jakani.

Proverbios 28:20

Chiqa aski jaqix jach'añchataw uñjasini; jank'aki qamiriptañ munir jaqisti, juchap uñt'asini.

Proverbios 28:22

Juk'ampst'ir jaqix mäkiw qamiriptañ muni, jan kunan uñjasiñ uru puriniñap janiw amuykiti.

Proverbios 28:8

Jila jalaqtampi qullqi mayt'as qamir yänak waljaptayir jaqix, jan kunan jaqinakat khuyapayasir jaqitakiw waljaptayaski.

Jeremías 22:13

“¡Joacín, ay kunakïkan jumatxa, ñanqhanak lurasa, jan chiqapar uñjasaw utanakamsa, reyi utanakamsa utachastaxa, yaqhanakarusti qullqi jan churasakiw irnaqaytaxa!

Jeremías 22:17

“Ukampis jumax jan wali lurañanakampi jikxatatanakamatak llakistaxa; jan juchanirux jiwaytawa, markamankirinakarus ch'ama lurañanakampiw t'aqhisiyaraktaxa.”

Jeremías 6:13

“Taqinisa, jisk'as jach'asa, lunthatasiñampi jikxatañatak lup'isipki; profetanakasa, sacerdotenakasa, taqiniw lunthatasiñar katuyasipxi.

Jeremías 8:10

Ukatpï jichhax, warminakapsa yaqha chachanakar katuyäxa, uraqinakapsa yaqhanakaruw katuyarakï. Jisk'a jaqinakasa, jach'a jaqinakasa, lunthatasiñak amtasipki; profetanakasa, sacerdotenakasa taqiniw lunthatasiñar katuyasipxi.

Amós 3:10

Tatitux akham siwa: “Janiw jupanakax chiqa lurañ yatipkiti, reyi utanakapan ch'amamp lunthatat yänak imapxi.”

Miqueas 2:9

Warminakarusti munat utanakapsa aparapxtawa, wawanakarusti kuna askinaktix nayax churkta ukanakatsa, wiñayatakiw jark'apxta.

Miqueas 7:3

Ñanqhanak lurañatakisti kust'atapunïpxiwa; marka apnaqirinakan yanapirinakapasti qullqik munasipki, taripirinakasti qullqxa chilltayasipxakiwa, munañaninakasti kuntix munapki ukarak lurapxi, markarux jan walirupuniw irpapxaraki.

Sofonías 1:9

Uka urunsti yaqha diosanakar arkirinakarux mutuyarakïwa, uywiripan utap lunthatat yänakampi, sallqjañampi phuqt'ayirinakarusa” sasa.

Zacarías 5:4

Taqi ch'amani Tatituw arsu: ‘Nayaw aka ñanqhachäwi apayanta, lunthataskis ukan utaparu, ukhamaraki k'ari juramento nayan sutix aytasis lurki ukan utapampir mantañapataki. Uka ñanqhachäwisti ukankaniwa jan mä lawasa, mä qalas qhiparañapkama.’ ”

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

Mateo 23:13

“¡Kamachi yatichirinaka, fariseonaka, k'ari chuymaninaka; kamacht'apkakïta!, jumanakasti yaqhanakan jan mantañapatak alaxpach punku jist'antapxtaxa; janiw jumanakas mantapktati, janirakiw yaqhanakarus mantayapktati.

Lucas 12:20

Diosasti juparux sänwa: ‘Pisi amuyt'an jaqi, jichha arumpachaw jiwxäta; kuntix imasiskta ukasti ¿khititakirakïnisti?’ sasa.

1 Timoteo 6:9

Qamirir tukuñ munirinakax kunayman yant'anakaruw jalt'apxi, pisi t'axmar amuyun sipitaparuw jalt'apxi, ukaw jaqir aynacht'ayi, juchañchäwir puriyaraki.

Tito 1:11

Ukanakarux amukt'ayañaw wakisi, taqpach wila masinakaruw mayjt'ayapxi, kunatix jan walïki ukanak yatichasina, jan wali chuymampi qullqi jikxatasiñ laykuki.

2 Pedro 2:14

Mä warmirus janiw aliqak uñtapkiti, janirakiw jucha lurañampis sist'asipkiti. Pisi amuyt'aninakarusti jucharuw puriyapxi; wali mich'äpxiwa; ñanqha jaqinakäpxapuniwa.

2 Pedro 2:3

Uka k'ari yatichirinakan qullqir sinti munapxatap laykuxa, k'ari yatichäwinakampix jumanakat q'al taqi kunsa apsupxätam; ukampis Diosax nayratpach jupanakar juchañchxi, janirakiw mutuyäwit qhispipkaniti.