Jeremías 17:12 - Qullan Arunaca

¹² Jiwasan templosajja mä suma tronowa, kalltatpacha wali jach'aru aptata.

Aymar Bibliia 1986

¹² Jiwasan templosajja mä suma tronowa, kalltatpacha wali jach'aru aptata.

Qullan Arunaka DC

¹² Jiwasan templosax qullan qunuñawa, qalltatpach wali jach'ar aptata.

Jeremías 17:12 Jak'a apnaqawi uñst'ayäwi

Salmos 103:19

Tatitojj alajjpachan reyi konuñap utt'ayasi, ch'aman cancañapajj alajjpach acapach apnake.

Salmos 96:6

aytat cancañampi, lliphipquir khanampiw nayrakatapanqui, ch'amampi, muspharcay cancañampiw kollan utapanqui.

Isaías 6:1

Rey Uziasajj jiwjjän uca marajja, Tatituruw uñjta mä jach'a alto tronon kont'ata; mantopan puntanacapaquiraquiw templorojj phokhantäna.

Isaías 66:1

Tatitusti siwa: “Alajjpachajj nayan konuñajjawa, orakesti cayunacajjan tact'asiñaparaquiwa. ¿Cawquirurac mä uta utacharapipjjetasma? ¿Cawquirurac samart'añataqui lurarapipjjetasma?

Jeremías 14:21

¡Sutiman jach'ätap laycuquisaya, nanacatjja qhuyapt'ayasipjjeta, cawqhancquitejj suma c'ajquiri konuñamajja, uca marcarusti janiquiy jisc'achañampi uñjamti! ¡Cuna arust'äwtejj jumajj nanacampi lurcta ucjja amtasimaya, uca arust'äwsti janiquiy armaraquimti!

Jeremías 3:17

Ucapachaw Jerusalenajj Tatitun tronopa satänejja; take marcanacaw ucaru tantacht'asipjjani, ucatsti nayaruw jach'añchapjjaraquitani, janiraquiw chuymanacapan jan wali amtatanacaparojj arccjjapjjaniti.

Ezequiel 1:26

Uca patansti, mä konuña uñjaracta safiror uñtata, uca konuña patansti mayniw kont'atäscaraquïna mä jaker uñtata.

Ezequiel 43:7

aqham sasa: “Aca chekajj nayan tronojjawa, cawqharutejj cayunacajjajj tact'qui uca chekawa; aca chekanwa nayajj israelitanac taypin wiñayataqui jacaraquëjja. Janipuniw jupanacasa, reyinacapasa nayan kollan sutejja juc'ampi jisc'achaycjjapjjaniti, uqham jan take chuyma nayaru arcatanacapampejja, cunjämatejj reyinacapar amtañataqui lantinacapa lurasipjjänjja uqhama, cunapachatejj uca reyinacapajj jiwarjjapjjän ucapacha.

Mateo 25:31

“Cunapachatejj Jaken Yokapajj reyjama jutcani ucapachajja, angelanacapampi muyuntataw jupajj kont'asini tronoparojja take ch'aman cancañapampi.

Hebreos 12:2

Jesusaruy uñtañäni, jupatwa iyawsañasajj juti, juparaquiw uca iyawsañasjja phokhachani. Jesusasti crusanwa t'akhesi, jan uca casta jiwañaru p'enkasisa. Jupajj yatisïnwa uca t'akhesitapatjja khepürunjja cusisiñ jicjjatañapata; ucatsti Diosan tronopan cupëjjaparuw kont'asi.

Hebreos 4:16

Uca laycuw iyawsañasampi jac'achasiñasa munasir Dios Awquisan tronoparojja, jiwasat qhuyapt'ayasiñapataqui, uqhamarac munasiñapata jiwasar yanapt'añapataqui, p'ist'ayasctan uca horasanacana.

Apocalipsis 3:21

Qhitinacatejj atipjcani ucanacarojja, nayamp chicwa kont'asiyä tronojjana, cunjämatejj nayajj atipjtjja ucatsti Awquejjampi chicajj tronopan kont'asctjja uqhama.