Génesis 17:1 - Qullan Arunaka DC

¹ Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam,

Aymar Bibliia 1986

¹ Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Qullan Arunaca

¹ Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Génesis 17:1 Jak'a apnaqawi uñst'ayäwi

Génesis 12:1

Mä urusti Tatitux Abram chacharux akham sänwa: “Uraqima, wila masinakama, awkiman utapsa apanukuwayxam, kawkïr uraqtix nayax uñacht'aykäm ukar sarxañamataki.

Génesis 12:7

Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

Génesis 16:16

Kunapachatix Ismael wawapax yurkän ukkhaxa, Abram chachax kimsaqallq tunka suxtan maranïnwa.

Génesis 18:1

Tatitux Abraham chacharux Mamré sat ch'umi jak'an wasitat uñstäna; Abrahamasti kawkhantix utjaskän uka punkun qunt'atäskänwa, niya chika ururakïnwa.

Génesis 18:14

¿Tatitutakisti kuna lurañas ch'amäspati? Akat mä mararuw tumpt'ir kutt'anï, ukkhatakisti Sarax wawanïxaniwa —sasa.

Génesis 24:40

Jupasti sarakituwa: “Nayax Tatitun thakhipan sarnaqawayta, jupaw mä angelap khithanini, saräwiman yanapañapataki, ukhamat wila masix taypita, awkixan wila masinakap taypit mä warmi wawaxatak irpaniñamataki.

Génesis 26:2

Ukampis Tatituw Isaacar uñstäna, ukat sarakïna: “Egiptor jan sarkamti. Jan ukasti, Guerar sat uraqir mä qawqha pachatak sarxam, kawkintix filisteonakan Abimélec reyipax jakki ukaru.

Génesis 28:3

Taqi ch'aman Tatit Diosaw jumar aski waxt'äwi churätam, walja wawanak jumar churarakïtam, ukhamat jumat walja markanak uñstañapataki.

Génesis 35:11

Tatitux saskakïnwa: “Nayätwa taqi ch'aman Diosaxa; wawanakamasa, wawanakaman wawanakapas waljapunïpan. Jumat mä jach'a markax mistuni, walja markanakasa, wawanakam taypinsti reyinakaw utjani.

Génesis 43:14

Taqi ch'aman Diosasti uka jaqirux suma chuyma churpan, jumanakar sumaki uñjañapataki, ukhamat mayni jilamaru, Benjaminarus antutaniñapataki. ¡Nayan jan wawani qhiparañaxatix wakischi ukaxa, ukhamäpanaya! —sasa.

Génesis 46:3

Ukat Diosax jupar sarakïna: —Nayax awkiman Diosapätwa. Egipto markar sarañ jan axsaramti, ukan nayax wawanakamaru mä jach'a markar tukuyä.

Génesis 48:15

Ukatsti aka arunakampiw Josear aski waxt'äwinak churäna: “Abraham achachilaxana, Isaac awkixan Diosapawa, yurïwixatpach irpaskitu.

Génesis 48:3

Josearusti akham sarakïna: —Taqi ch'aman Diosaw nayarux Canaán uraqinkir Betel markan uñstitu, ukatsti aka arunakampiw aski waxt'äwinak churitu:

Génesis 5:22

Henoc chachasti Tatit Diosan munañaparjamapuniw sarnaqäna. Matusalén wawapan yuritapatsti, Henoc chachax kimsa patak maranakampiw jakaskäna, yuqanakani, phuchhanakani kuna;

Génesis 5:24

Henoc chachan Tatit Diosan munañaparjam sarnaqatapatxa, mä uruw chhaqtxäna, Tatiturakiw juparux irpasxatayna.

Génesis 6:9

Noé chachan sarnaqäwipax akhamänwa. Noé chachax aski jaqïnwa, Diosar jaysasapuniw sarnaqirïna. Jaqinak taypinsti, jupa sapakiw Diosan munañaparjam sarnaqäna.

1 Reyes 2:4

Tatitusti kuntix nayar arsuwaykitu uk phuqharakini: “Wawanakamatix naya nayraqataxan chiqa kankañampi, taqi chuymampi, taqi jakañapampirak sum sarnaqapxani ukkhaxa, janipuniw wila masim taypit Israel markan reyi qunuñankañax tukuskaniti” sasa.

1 Reyes 3:6

Salomonasti ukxaruw säna: “Tatay, juman luqtirima David awkixarux wali suma chuymampiw uñjäyätaxa, jupax juma nayraqataman chiqa aski chuymampiw sarnaqäna, taqi kunan jaysarakïyätam. Ukat jumax wali khuyapayasiñampi jupar uñjaraktaxa, mayni yuqaparusa reyi qunuñaparuw qunt'asiytaxa, kamisatix jichhürun uñjaski ukhama.

1 Reyes 8:25

Ukhamasti Israelan Tatit Diosapa, kuntix David awkixa luqtirimaru arsktas uk phuqharakimaya: ‘Wawanakamatix naya nayraqatan askin sarnaqapxani, kunjämtix jumax nayraqataxan sum sarnaqkta ukhamxa, jumat saraqir mayni wawamax Israelan reyi qunuñapar qunt'asirix nayraqataxan utjapuniniwa’ sasa.

2 Reyes 20:3

“Tatay, achikt'assmawa, nayat amtasikitaya, nayax chiqa chuymampi, kunatix jumar kusisiyktam ukhamarjamaw luqtawaysma” sasa. Ukatsti jupax walpun jachäna.

Job 1:1

Uz sat chiqan mä chachaw utjäna Job sutini. Jupasti aski, chiqa jaqïnwa, Diosar axsartirïnwa; ñanqha lurañatsa jithiqtatarakïnwa.

Job 11:7

¿Jumasti amuytati Tatitun amtäwinakap uñt'aña, taqi munañ kankañap yatiñkam puriñsa?

Salmos 115:3

Diosasax alaxpachankiwa; kuntix jupax munki uk luri.

Salmos 116:9

Aka uraqin jakkasax Tatitur jaysasapun sarnaqä.

Salmos 25:14

Tatitux arkirinakapampix sum parlasi, jupanakarusti arust'äwir mantatap uñt'ayi.

Éxodo 6:3

Nayaw Abrahamaru, Isaacaru, Jacobur uñstta, taqi ch'aman Dios sat sutimpi. Ukampis nayax janiw TATITU sat chiqpach sutixampi uñt'ayaskti.

Proverbios 10:9

Jan kuna manunïki uka jaqixa, janiw kunarus axsarkiti; jan wal sarnaqir jaqisti, jan waliw tukusiraki.

Isaías 38:3

“Tatay, nayax achikt'assmawa, kunjämtix taqi chuymaxampi jumar arksma uk amtasimaya, kunjämarutix jumax munkta ukhamarjam lurkta uksa amtasirakimaya” sasa. Ukatsti Ezequiasax walpun jachäna.

Jeremías 32:17

‘Tatay, jumaw jach'a ch'amamampi alaxpachsa, akapachsa lurtaxa. Janiw jumatakix kunas jan lurasirjamax utjkiti.

Daniel (hebreo) 4:35

35 (32) Jupa nayraqatan taqi akapachankir jaqinakax janiw kunäkisa; jupax munañaparjamaw apnaqi, alaxpachansa, akapachansa. Janiw khitis ch'amapar saykatirjamax utjkiti, janirakiw khitis jupar jiskt'karakispati ¿kunatsa ukham lurta?’ sasa.

Miqueas 6:8

Tatitux niyaw sistam, kunsa lurasma askïñatakixa, kunsa jupax jumat suyixa: askïñama, taqinirus chiqap uñjañam muni, Tatit Diosamarus alt'at chuymamampi yupaychañama.

Números 11:23

Ukampis Tatitux Moisesar sänwa: —¿Janis nayax ch'amanïkirista ukhamti amuyista? Jichhaw uñjäta, arsutaxax phuqhasiniti, janich phuqhaskani uka —sasa.

Números 24:16

Tatitun arunakap ist'irin arunakapawa, Alaxpachankirin amtäwip uñt'irin arunakapawa; Taqi ch'amanin unañchäwinakap uñjirin arunakapawa, ajayunkkasin unañchäwinak uñjirin arunakapawa.

Mateo 19:26

Jesusasti jupanakar uñtasin säna: —Jaqinakatakix taqi kunas wali ch'amawa, ukampis Diosatakix janiw ch'amäkiti —sasa.

Mateo 5:48

Jumanakax askïpxam, kunjämatix alaxpachankir Awkimax askïki ukhama.

Lucas 1:6

Jupanakax Diosan nayraqatapan aski jaqïpxänwa, Tatitun arsutaparjama, kamachiparjam phuqhasaw jan khitinsa juchañchat sarnaqapxäna.

Hechos 23:1

Pablox Jach'a Tantachäwinkir uka jilïrinakar uñkatasin säna: —Israelit jilatanaka, nayax Dios nayraqatan q'uma chuymampiw jichhürkam jakasiwayta —sasa.

Hechos 24:16

Ukat nayax Diosan nayraqatapansa, jaqinakan nayraqatapansa, q'uma chuyman jakasiñpun ch'amachasta.

Efesios 3:20

Jichhasti Diosax jach'añchatäpan, jupax ch'amaniwa kuntix mayktan, lup'karaktan ukanakat sipan juk'ampi lurañataki, jiwasanakan luraski uka ch'amapat yuspagaratäpan.

Deuteronomio 10:17

Jumanakan Tatit Diosamax diosanakan Diosapawa, tatitunakan Tatitupawa; jach'a ch'amani, axsarkay Diosawa, janiw jaqir yaqha yaqha uñjkiti, janirakiw churäwinakampi alayaskiti.

Deuteronomio 18:13

Jumanakasti Diosampix chiqa chuymampipuniw sarnaqapxäta.

Deuteronomio 30:20

Tatit Diosamar munasipxam, jupar ist'apxam, suma iyawsañamp arkapxarakim, ukankiw jumanakan jakañamaxa, Tatitux Abrahamaru, Isaacaru, Jacob nayra awkinakamar churañ amtkatayna uka uraqin walja maranak jakañamasa.”

Filipenses 4:13

Criston ch'amapampix taqi kunaruw saykatirista.

Hebreos 12:28

Diosax kawkïr marktix churkistu ukax janiw unxtayatäkaspati. Taqi ukat yuspagarañäni, Diosarux taqi amuyusampi yupaychañäni, ukhamarak taqi axsart'añampi, ukaw juparux kusisiyi.

Hebreos 7:25

Ukat jupa tuqi Diosar jak'achasirinakarux wiñayatak qhispiyaspa, jupanakatak Diosar mayiñatakix jupax wiñayatakiw jaki.