Génesis 17:1 - Qullan Arunaca

¹ Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Aymar Bibliia 1986

¹ Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Qullan Arunaka DC

¹ Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam,

Génesis 17:1 Jak'a apnaqawi uñst'ayäwi

Génesis 12:1

Mä urusti Tatitu Diosajj Abramarojj aqham sänwa: “Orakem apanucuwayjjam, familianacamsa, uqhamarac awquiman utapsa, cawquïr oraktejj nayajj uñacht'aycäm ucar sarjjañataqui.

Génesis 12:7

Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Génesis 16:16

Abramasti quimsakallko tunca sojjtani maranïnwa Ismaelajj nascän ucqhajja.

Génesis 18:1

Tatitusti Abrahamarojj Encinas de Mamre sat chekanwa wasitat uñstäna; Abrahamasti carpa puncun kont'atäscänwa, niya cheka ururaquïnwa.

Génesis 18:14

¿Utjaspati Tatitutaquisti cuna lurañas jupataqui wali ch'amätapa? Mara aca horasaw visitir cutt'aniraquï, ucqhataquisti Sarajj mä yokall wawanïniwa —sasa.

Génesis 24:40

Jupasti saraquituwa: ‘Nayajj Tatitun thaquipan sarnakawayta, juparaquiw mä angelap qhitanini, saräwiman yanapañapataqui, uqhamat mä warmi wawajjatac irpaniñamataqui, familiajj taypita, awquejjan familiapata.

Génesis 26:2

Ucanwa Tatitojj uñstäna, saraquïnwa: “Jan Egiptor saramti jan ucasti cawqharutejj nayajj ‘Kheparam’ siscäma ucqharuw kheparäta,

Génesis 28:3

Take ch'amani Diosaw jumaru bendicïtam, wawanacamsa waljaniru tucuyaracpan, uqhamat jumatjja walja marcanaca mistuñapataqui.

Génesis 35:11

Yakha suti uchasinjja, Diosajj sascaquïnwa: “Nayätwa take ch'amani Diosajja, wawanacamasa, wawanacaman wawanacapasa waljapunïpan. Jumatwa mistuni mä marca, uqhamarac walja marcanaca, wawanacamatsti reyinacaw mistuni.

Génesis 43:14

Take ch'aman Diosasti uca jakerojj suma chuyma churpan jumanacar sumaqui uñjañapataqui, uqhamata mayni jilamaru, Benjaminarus libre antutaniñapataqui. Ucampisa, ¡nayan jan wawanïñajjatejj waquischi ucqhajj, uqhamäpanaya! —sasa.

Génesis 46:3

Diosasti juparojj saraquïnwa: —Nayajj Diosätwa, awquiman Diosapätwa. Egiptor sarañjja jan ajjsaramti, ucanwa nayajj wawanacamarojj mä jach'a marca tucuyä.

Génesis 48:15

Ucat Josearojj aca arunacampiw bendiciraquïna: “Cawquïri Diosarutejj, Abraham, uqhamarac Isaac awquejjajj ist'apcäna, cawquïri Diosatejj nacïwejja urutpach imquitu,

Génesis 48:3

Josearusti saraquïnwa: —Take ch'amani Diosaw nayarojj Luz sisqui uca marcan uñstitu, Canaán orakena, ucatsti aca arunacampiw bendiciraquitu:

Génesis 5:22

Enocasti Diosan munañaparjamapuniw sarnakäna. Matusalenan nacitapatsti, Enocajj quimsa pataca maranacampwa jacascäna, yokanacani, phuchanacani cuna.

Génesis 5:24

Enocajj Diosan munañaparjam sarnakatapatjja, mä uruw chhaktjjäna, Diosaraquiw juparojj irpasjjatayna.

Génesis 6:9

Acaw Noen sarnakäwipajja. Noesti wali suma jakënwa, Diosar jaysasapuniw sarnakaraquirïnjja. Jakenac taypinsti jupa sapaquiw Diosan munañaparjamajj sarnakäna.

1 Reyes 2:4

Uqhamaraqui Tatitojj phokhañapataqui cuna arsüwtejj nayampi lurcäna, cunapachatï wawanacajjajj sum sarnakapjjani, uqhamarac jupan nayrakatapana cheka cancañampi sarnakapjjani, take chuymampi, uqhamarac take jacañapampiraqui ucqhajja, janipuniw familiajj taypita tucuscaniti Israelan trononcañapajja.

1 Reyes 3:6

Salomonasti ucjjarojj sänwa: “Jumajj David awquejjarojj wali suma chuymampiwa uñjayätajja, jupajja sirvïyätamwa juman nayrakatamanjja jumampiwa sarnakäna cheka lurañampi, cheka chuymampi uca laycu. Ucataracwa jumajja wali suma chuymampiraqui juparu uñjaraquïyätajja, uqhamaraquiw mayni yokaparusa tronoparu kont'asiyaractajja, cunjämatejj jichhajja lurasqui uqhama.

1 Reyes 8:25

Jichhasti Israelana Tatit Diosapa, phokharaquimaya cuntejj arscäyäta David awquejja sirvirimaru aqham sasa: ‘Janiw faltcätamti mä wawamasa nayan nayrakatajjanjja Israelan tronoparu kont'asiñataqui, wawanacamatejj thaquejjana sarnakapjjani, uqhamarac nayan nayrakatajjansa asquina sarnakapjjaraquini, cunjämatejj jumajj nayan nayrakatajjana sarnakta uqhama ucajja’ sasa.

2 Reyes 20:3

“Nayajj achict'assmawa, Tatay, amtastati cunjämsa nayajja suma cheka chuymampi sirviyäsma uca, cunatejj jumataqui asquïqui ucanac lurasina” sasa. Ucatsti jupajj walipuniw jachäna.

Job 1:1

Uz sat chekan mä chachaw utjäna Job sutini. Jupasti asqui, cheka jakënwa, Diosarus ajjsartiriraqui; ñankha lurañatsa jithektataraqui.

Job 11:7

“¿Jumasti amuytati Diosan jach'a amtäwinacapar mantaña, ucatsti cunäquitejj jupajj uca yatiñsa?

Salmos 115:3

Diosasajj alajjpachanquiwa, cuntejj jupajj munqui uc luri.

Salmos 116:9

Tatitun nayrakatapan sarnakä, wiñay jacañ oraken jacä.

Salmos 25:14

Tatitojj arquirinacapampejj sum parlasi; jupanacarusti arusjäwir mantatap uñt'ayi.

Éxodo 6:3

Nayawa uñsttjja Abrahamaru, Isaacaru, Jacoboru, take ch'aman Dios sat sutimpi. Ucampis nayajja jupanacarojj TATITU sat cheka sutejjampejj janiw uñt'ayascti.

Proverbios 10:9

Jan cuna manunïqui ucajj, janiw cunarus ajjsarquiti; jan wal sarnakeristi, jan waliwa tucusiraqui.

Isaías 38:3

“Tata, nayajj achict'assmawa, amtasimaya cunjämtejj take chuymajjampi jumar sirvcsma uca, cunjämarutejj jumajj muncta uqhamarjamaw sirvsma” sasa. Ezequiasasti walpun jachäna.

Jeremías 32:17

‘Tata, jumaw jach'a ch'amamampi alajjpachsa, acapachsa lurtajja. Janiw jumataquejj cunas jan lurasirjamajj utjquiti.

Daniel (hebreo) 4:35

Jupa nayrakatanjja janiw cunäquisa take acapachanquiri jakenacajja; jupaw munañaparjama luraraqui, alajjpachansa uqhamaraqui acapachansa. Janiw qhitis ch'amapa toke sayt'asirejj utjquiti, ni jisct'caraquispasa cunatsa uqham luri sasajja.’

Miqueas 6:8

Jake, Tatitojj sistamwa, cunatejj asquïqui ucjja, uqhamarac cuntejj jupajj jumatjja suyqui ucsa; jumajj chekapäqui uc luram, qhuyapayasiriraquim, uqhamarac Tatit Diosamarus alt'at chuymamampirac jaysam.

Números 11:23

Ucampis Tatitojj sänwa: —¿Amuytati nayajj janis ch'amanïquirista uqhama? Jichhaw uñjäta phokhasiniti janich phokhasini arsutanacajjajj ucjja.

Números 24:16

Cunapachatejj ajayuncqui ucqhajj juc'ampi sum uñji; yatiraquiw cuntejj alajjpachanquir Diosajj yatqui ucsa; arunacsa catokaraqui, uñacht'äwinacsa, jach'a ch'amani Dios toketjja.

Mateo 19:26

Jesusasti jupanacar uñtasinjja sänwa: —Jakenacataquejj take acanac lurañajj wali ch'amawa, ucampis Diosataquejj janiw ch'amäquiti —sasa.

Mateo 5:48

Asquïpjjamaya, cunjämatejj alajjpachanquir Awquimajj asquïqui uqhama.

Lucas 1:6

Dios nayrakatanjja panpachaniw asqui jakëpjjäna, uqhamaraquiw Diosan camachi arunacapsa, leyinacapsa phokhapjjerïna. Uqhamata jupanacarojj janiw qhitis, ni cunats juchañchañïrjamäcänti.

Hechos 23:1

Pablojj uca jach'a jilïrinacar uñcatasinjja sänwa: —Jilatanaca, jichhürcamajj nayajj k'oma chuymampiw jacasiwayta Dios nayrakatanjja —sasa.

Hechos 24:16

Ucatwa ch'amañchasipunta Diosan nayrakatapansa, jakenacan nayrakatapansa, k'oma chuymanïñpuni jacasiña.

Efesios 3:20

Jichhajj Diosajj jach'añchatäpan, jupajj ch'amaniwa cuntejj mayctan, lup'caractan ucanacata juc'ampi lurañataqui, ch'amap toke jiwasanac taypina luratapata.

Deuteronomio 10:17

Jumanacan Tatitu Diosamasti diosanacansa Diosapawa, uqhamaraqui munañaninacansa munañanipawa; jupawa wali jach'a Diosajja, wali ch'amani, ajjsarcaña, take jakerus quipcaqui uñjaraqui, janiraquiwa kollkempis alayasquiti.

Deuteronomio 18:13

Jumanacasti Tatitu Diosampejj cheka chuymampipun sarnakapjjam.

Deuteronomio 30:20

Tatitu Diosamarusti munapjjam, ist'apjjaraquim, suma iyawsañampi arcapjjaraquim, jacañajj jupat jutatap laycu, jumanacan walja maranac jacapjjañamataqui, cawquïri oraktï Tatitu Diosajj arupampi arsusin Abrahamaru, Isaacaru, uqhamarac Jacob awquinacamaru churä siscatayna ucanjja.”

Filipenses 4:13

Criston ch'amapampejj take cunaruw saycatirista.

Hebreos 12:28

Ucampis cawquïr marctejj Diosajj churquistu ucajj janiw onjjtcaspati. Ucat jichhajj yuspagarañäni, take amuyusampi yupaychañäni uqhamarac take ajjsart'añampi, ucaw Diosarojj cusisiyi.

Hebreos 7:25

Ucatwa wiñay khespiyañataqui ch'amanejja qhitinacatejj jupa toke Diosarojj jac'achasipqui ucanacarojja. Jupasti wiñay jake jupanacatac Diosat mayiñataqui.