Génesis 17:2 - Qullan Arunaka DC

² nayasti jumampix mä arust'äwi lurä; wawanakamax waljanipunïniwa —sasa.

Aymar Bibliia 1986

² ucatsti nayajj jumampejj mä amtäwi lurä; wawanacamasti waljanipunïniwa.

Qullan Arunaca

² ucatsti nayajj jumampejj mä amtäwi lurä; wawanacamasti waljanipunïniwa.

Génesis 17:2 Jak'a apnaqawi uñst'ayäwi

Génesis 12:2

Wawanakamampisti mä jach'a marka tukuyäma, aski waxt'äwinakampiw phuqt'äma, sutimsa jach'aruw aptarakï, mayninakatakisti askirakïniwa.

Génesis 13:16

Nayaw jupanakarux waljanir tukuyä, uraq laq'ar uñtata. Kunjämatix laq'ax jan jakt'kayäkixa, ukhamarakiw wawanakamax jan jakt'kayäni.

Génesis 15:18

Uka pachpa uruw Tatitux Abram chachampix mä amtäwir mantäna, sarakïnwa: —Wawanakamaruw aka uraq churä, Egipto jawirata, Éufrates sata jach'a jawirkama.

Génesis 15:5

Ukatsti Tatitux Abram chacharux anqaruw irpsu, ukat saraki: —Alaxpach sum uñtam, ukatsti jakt'añjamächi ukkhaxa, taqi warawaranak jakt'am. Jïsa, ukhamäniw juman wawanakamaxa —sasa.

Génesis 22:17

jumar aski waxt'äwinak churañataki. Wawanakamarusti alaxpacha warawaranakjam waljanirupuniw tukuyä, quta thiyan utjir ch'allar uñtata. Ukhamarus jupanakax uñisirinakaparux atipjapxapuniniwa,

Génesis 28:3

Taqi ch'aman Tatit Diosaw jumar aski waxt'äwi churätam, walja wawanak jumar churarakïtam, ukhamat jumat walja markanak uñstañapataki.

Génesis 9:9

“Ist'apxam, nayaw jumanakampi, wawanakamampix mä arust'äwi lurä,

2 Reyes 13:23

Ukampis Tatitux jupanakat khuyapayasïnwa, yanapt'arakïnwa, jupan Abraham, Isaac, Jacob ukanakampi suma arust'äwi luratap layku, ukat jupax Israel markarux q'al tukjañsa, jupan nayraqatapat jaqunukuñsa jan munkänti. Jichhakamas Tatitux israelitanakar imaskakiwa.

1 Crónicas 16:16

Abrahamampi arust'äwi luratasa, Isaacampi juramento luratasa,

Salmos 25:14

Tatitux arkirinakapampix sum parlasi, jupanakarusti arust'äwir mantatap uñt'ayi.

Romanos 9:4

Jupanakax Israelat saraqir wawanakawa, Diosasti jupanakarux wawanakapat uñt'asïna, wali ch'aman kankañapampiw jupanak taypinkäna, jupanakarusti arust'äwi arunakapa, Moisesan kamachipa, jupar yupaychaña, arsutanakamp kun churäna.