Génesis 17:3 - Qullan Arunaka DC

³ Ukapachasti Abram chachax ajanup uraqir puriñkamaw alt'äna, Diosasti ukchañkamax parlxayaskakïnwa:

Aymar Bibliia 1986

³ Ucapachasti Abramajj orakeruw alt'äna ajanupajj oraker puriñcama, Diosasti ucchañcamajj parljjayascaquïnwa:

Qullan Arunaca

³ Ucapachasti Abramajj orakeruw alt'äna ajanupajj oraker puriñcama, Diosasti ucchañcamajj parljjayascaquïnwa:

Génesis 17:3 Jak'a apnaqawi uñst'ayäwi

Génesis 17:17

Ukatsti Abraham chachax uraqir p'iqip puriyañkamaw alt'asïna, ukatsti akham sasaw larusïna: “¿Patak maran jaqisti wawanirakïspati? ¿Sarasti llätunk tunka maranirusti wawanirakïspati?” sasa.

Génesis 18:2

Abrahamax uñatatasin kimsa jaqiruw jupa nayräxan sayt'atäskir uñjäna. Uñjasinsti, mäkiw uka jaqinakar katuqir sarthapïna, killt'asisaw p'iqipsa uraqir puriñkam alt'äna,

1 Reyes 18:39

Ukham uñjasinsti, jaqinakax taqpachaniw p'iqip uraqir puriyañkam alt'asipxäna, akham sasa: —¡Israelan Tatitupaw chiqpach Diosaxa! ¡Jupaw chiqpach Diosaxa! —sasa.

Éxodo 3:6

Nayätwa nayra awkinakaman Diosapaxa. Abraham, Isaac, Jacob jupanakan Diosapätwa —sasa. Uk ist'asasti, Moisesax ajanup imantasïna, jupax Diosar uñkatañ wal axsarayasïna.

Ezequiel 1:28

uka qhanasti kürmir uñtatarakïnwa, kunapachatix kürmix jallu uruna qinay taypin uñstki ukhama. Tatitun qhapaq kankañapax ukhamar uñtataw nayar uñstitu. Uk uñjasasti, nayax uraqir puriñkamaw p'iqix alt'asirakta.

Ezequiel 3:23

Nayasti sartasin pampa tuqiruw sarta, ukan nayax Tatitun k'ajkir kankañap uñjta, kunjämatix Quebar jawir thiyan uñjkäyät ukhama. Uraqir puriñkamarakiw p'iqix alt'asta,

Ezequiel 9:8

Jupanakan ukham lurañapkamasti, nayax sapakiw uñjasxäyäta. Ukat uraqir p'iqixa puriyañkam alt'asta, t'aqhisiñatsa wali jach'at art'asirakta: “Tatay, ¿jumax Jerusalén markatakix wali phiñasitapunïtati, ukatti Israel uraqin mä juk'a jilt'ir jaqinakarus q'al tukjarakïtaxa?” sasa.

Daniel (hebreo) 10:9

Angelar parlir ist'asasti jan juk'a ch'amaniw thayjtawayta, uraqiruw liwitatta.

Números 14:5

Ukapachasti Moisesampi, Aaronampix israelitanak nayräxan ajanunakap uraqir puriyañkamaw alt'apxäna,

Números 16:22

Moisesampi, Aaronampisti ajanup uraqir puriñkamaw alt'apxäna, Tatiturux sapxarakïnwa: —Tatit Diosay, jumaw taqi jaqinakarus jakañ churtaxa, ¿mä sapa jaqin juchap laykukiti taqpach markatak q'apisïtasti? —sasa.

Números 16:45

45 (10) —Uka jaqinakat jithiqtapxam, jichhpachaw jupanakar t'unjä —sasa. Moisesampi, Aaronampisti p'iqinakap uraqir puriyañkamaw alt'asipxäna,

Mateo 17:6

Uk ist'asinsti, yatiqirinakapax axsarañat uraqir ajanup puriyañkamaw killt'asipxäna.

Josué 5:14

Uka chachasti sänwa: —Janiw kawkirïktsa. Nayax Tatitun ejercitopan jilïripätwa, ukat jutta —sasa. Ukat Josué chachax p'iqip uraqir puriyañkam alt'äna, juparusti jiskt'arakïnwa: —¿Kamsis Tatituxax naya luqtiripatakixa? —sasa.

Apocalipsis 1:17

Jupar uñjasasti, kayunakap nayraqataruw jiwatjam liwista. Ukampis jupax kupi amparapampi luqxatasaw nayar situ: “Jan axsaramti; nayätwa qalltasa tukuyasa,

Jueces 13:20

kunapachatix ninax altarat alayar makhatkän ukkhaxa, Manoa chachampi warmipampix angelarux nina lawra taypinjam alaxpachar makhataskiri uñjapxäna. Uk uñjasasti, jupanakax p'iqinakap uraqir puriyañkamaw alt'apxäna.