Éxodo 3:9 - Qullan Arunaka DC

⁹ Israelitanakan arnaqasitanakap ist'ta, kunjämtix egipcionakax jupanakar t'aqhisiyki ukanaksa uñjaraktwa.

Aymar Bibliia 1986

⁹ Jichhasti, israelitanacan arnakasipjjatanacapsti nayajj ist'twa. Uqhamarac uñjaractwa egipcionacajj cunjämtejj t'akhesiyapqui ucanacsa.

Qullan Arunaca

⁹ Jichhasti, israelitanacan arnakasipjjatanacapsti nayajj ist'twa. Uqhamarac uñjaractwa egipcionacajj cunjämtejj t'akhesiyapqui ucanacsa.

Éxodo 3:9 Jak'a apnaqawi uñst'ayäwi

Génesis 16:11

Usur jaqïtawa, ukatsti mä yuqall wawa wawachasïta, juparusti Ismael sasaw sutichäta, Tatitun juman t'aqhisitam ist'atap layku.

Génesis 31:12

Ukat angelax sarakitu: “Wal uñch'ukim, kawkïr urqunakatix qachunakar katupki ukanakax allqanaka, ch'ixinaka ukhamkamakiwa, nayax sum amuyarakta kuntix Labanax lurktam ukxa.

2 Reyes 13:4

Ukat Joacaz reyix Tatitur mayïna, Tatitusti mayisitap ist'änwa, kunjäm jan waltix Siria markankir reyix israelitanakar t'aqhisiykän ukanak uñjatap layku.

2 Reyes 20:5

“Kutt'am, ukatsti markaxan jilïripa Ezequías reyir akham sanim: David nayra awkiman Tatit Diosapax akham siwa: ‘Nayax mayisitam ist'smawa, jachatamsa uñjaraksmawa. Jichhasti jumarux k'umaraptayämawa, ukatxa akat kimsa urut Tatitun utaparux sarxäta.

Nehemías 9:9

Jumax uñjtawa, kunjämsa nayra awkinakaxax Egipto markan t'aqhisipkäna ukxa, Mar Rojo quta jak'an jachatanakapsa ist'araktawa.

Salmos 12:5

5 (6) Tatitux jupanakarux siwa: “T'aqhin jakir jaqinakampi, jan yäqat jaqinakampix mutuyata, t'aqhisiyataw uñjasipxi. Jupanakar yanapt'añatakiw sartasï, yanapt'ayasiñ munataparjamaw yanapt'ä” sasa.

Salmos 9:14

14 (15) Ukhamat Jerusalén punkunakanxa, taqi jaqinakar Tatitur yupaychapxam sä, nayar qhispiyatamat kusisitaxsa yatiyarakï.

Éxodo 1:11

Ukat egipcionakax lurayir jaqinak uchapxäna israelitanakar wali ch'ama irnaqañanak lurayañataki. Jupanakarusti Pitón, Ramsés sat markanak lurayapxäna. Egiptonkir faraón reyix uka markanakaruw juyranakap imayäna.

Éxodo 1:22

Faraón reyisti taqpach markaparuw säna: “Israelitanak taypintix yuqall wawanakax yurchixa, jawirar jaquntanipxam, ukampis imilla wawanakax jakaskpan” sasa.

Éxodo 1:8

Ukat qhipa maranakatsti, Egipto markan yaqha reyiw utt'asxäna, jupasti janiw Josearux uñt'kataynati, uka reyisti markaparux akham säna:

Éxodo 2:23

Jaya maranak qhipatsti Egiptonkir reyix jiwxänwa. Ukampis israelitanakax t'aqhisisipkakïnwa, t'aqhisiyat jaqinakäpxatapat jachasipkakïnwa. Ukat Diosax jachatanakap ist'äna,

Éxodo 2:25

Diosasti israelitanakar t'aqhisir uñjasinxa, jan walt'añankapxatap amuyäna.

Éxodo 3:7

Ukampis Tatitux saskakïnwa: —Nayax sum uñjta, kunjämtix markaxax Egipton t'aqhiski ukxa. Uka wali munañan jaqinakan t'aqhisiyat uñjasis arnaqasitanakapsa ist'araktwa, jupanakan t'aqhisitanakap nayax sum yatta.

Eclesiastés 4:1

Ukatsti aka uraqin kunjämtix t'aqhisiyapki ukanak uñjta. Ukat t'aqhisiyatanakan jachatanakap uñjarakta, ukampis janiw khiti chuymacht'iripas utjkiti; t'aqhisiyirinakapax ch'amampiw apnaqapxi, ukampis janiw jupanakar khiti chuymachirix utjkiti.

Eclesiastés 5:8

8 (7) Mä markantix jan kunanir t'aqhisiyiri, chiqa aski lurañar mayjt'ayir uñjsta ukaxa, jan muspharamti, mä jilïrin yaqha jilïripaw utji, ukat juk'amp jilïriw jupanak paninxarux utjaraki.

Amós 4:1

Samariankir qamir warminaka, aka arunak ist'apxam, jumanakax wajchanakaruw jachayapxtaxa, jan kunaniruw t'aqhisiyapxtaxa, chachanakamarusti, machañatak vino mayipxtaxa.

Deuteronomio 26:7

Ukapachasti nanakax awkinakaxan Tatit Diosaparuw mayipxäyäta nanakar yanapt'añapataki, Diosasti mayisitanakax ist'apxituwa, pist'añan sarnaqatanakaxsa, wali irnaqatanakaxsa, wali t'aqhisitanakaxsa uñjarakiwa.

1 Samuel 9:16

“Qharürux Benjamín uraqit mä jaqiruw khithanïma, jumasti juparuw Israel markaxa apnaqañapatak utt'ayäta. Jupaw filisteonakan amparapat qhispiyani, nayax t'aqhisitanakap uñjasin markaxat khuyapt'ayastwa, arnaqasitanakapax nayakamaw purini” sasa.