Éxodo 3:8 - Qullan Arunaka DC

⁸ Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Aymar Bibliia 1986

⁸ Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Qullan Arunaca

⁸ Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Éxodo 3:8 Jak'a apnaqawi uñst'ayäwi

Génesis 11:5

Ukampisa Tatitux uka marka uñjiriw saraqanïna, ukhamarak jaqinakan torre lurasipkatap uñjiri,

Génesis 11:7

Ukhamasti parlanakap mayjt'ayir saraqañäni, ukhamat jupanakkama jan kuna parlatanakapsa amuyasipxañapataki” sasa.

Génesis 15:13

Tatitusti ukapachax sarakïnwa: —Jichhax yatiñamaw wakisi, wawanakamax yaqha markan jakapxani, ukansti irnaqañampi t'aqhisiyatäpxaniwa, pusi patak maraw ukan t'aqhisiyatäpxani.

Génesis 15:14

Ukampis nayarakiw t'aqhisir jaqir tukuyir markarux mutuyä, ukatsti wawanakamax qhispiyataw mistunxapxani, walja qamir yänakampi phuqt'ataw jutxapxarakini.

Génesis 18:21

jichhax nayax khayar uñjiriw sarä, kunjämtix sapkitäna uka jucha luratanakapax chiqpachapunit sintïpacha janich uk yatiri. Ukhamat yatirakï —sasa.

Génesis 43:11

Ukat awkipax ukxar sarakïna: —Ukham wakischi ukax jilamar irpapxakchïtaya, uka jaqin ukar jank'ak kuttapxarakim. Ukampis akham lurapxam: Costalanakamar mä waxt'äwi uka jaqitak aparapipxam. Kunatix uraqisan utjki ukanakat mä juk'akama: Bálsamo, misk'i, q'apkir qullanaka, mirra, nueces, almendra ukanaka.

Génesis 46:4

Nayaw jumamp chika Egiptor saraskä; naya kipkarakiw wawanakamarux ukat irpsunxä. Ukhamarusa, jiwxäta ukapachax, Joseax jumamp chikäskaniwa —sasa.

Génesis 50:24

Mä urusti Joseax jilanakaparuw säna: “Jiwañaxax jak'ankxiwa, ukampis Diosaw jumanakar yanapt'ir jutani, ukatsti aka markat irpsuwayxapxätamwa, kawkïr uraqtix Abrahamampiru, Isaacampiru, Jacobumpir churañatak arskäna uka uraqiru” sasa.

1 Crónicas 1:15

heveo, araceo, sineo,

Nehemías 9:8

Jumasti jupan jumar iyawsatam uñjtaxa, ukat jupampix mä suma arust'äwi lurtaxa; jupat saraqiri jaqinakaru cananeonakana, hititanakana, amorreonakana, ferezeonakana, jebuseonakana, gergeseonakan uraqinakap churañataki. ¡Jumasti arsutamarux phuqhapuntawa!

Salmos 12:5

5 (6) Tatitux jupanakarux siwa: “T'aqhin jakir jaqinakampi, jan yäqat jaqinakampix mutuyata, t'aqhisiyataw uñjasipxi. Jupanakar yanapt'añatakiw sartasï, yanapt'ayasiñ munataparjamaw yanapt'ä” sasa.

Salmos 12:6

6 (7) Tatitun arsutanakapax chiqpachawa; ninampi paqallq kuti q'umachat qullqir uñtatawa.

Salmos 34:8

8 (9) Yant'apxam, uñjapxarakim, Tatitux suma jaqiwa. ¡Jupar taqi chuymamp makhatirix kusisiñaniwa!

Salmos 91:15

Nayar art'asitan ukapachaxa, mayisitaparux jaysäwa. Jupamp chikaw t'aqhisiñankä, llakisiñat irpsü, jach'aruw aptä;

Éxodo 12:41

ukatsti kunürutix pusi patak kimsa tunkan marax phuqhaskäna uka uruw Tatitun taqpach ejercitopax Egipto uraqit mistsuwayxäna.

Éxodo 12:51

Ukürpachaw Tatitux Egipto uraqit israelitanakarux mä ejercitor uñtat irpsunïna.

Éxodo 13:5

aka pachpa phaxsinarak amtasin uruyapxäta, kunapachatix Tatitux leches misk'is umjam jalaski uka uraqir puriyapkätam ukapacha, cananeonakana, hititanakana, amorreonakana, heveonakana, jebuseonakan uraqinakaparu; kawkïr uraqtix jumanakar churañatak nayra awkinakamar arsuwaykatayna uka uraqiru.

Éxodo 3:17

Ukat nayax Egipto markan t'aqhisiñat jumanakar qhispiyañ amtta, ukatsti cananeonakana, hititanakana, amorreonakana, ferezeonakana, heveonakana, jebuseonakan uraqipar irpxaña, lechesa, misk'isa umjam jalaski uka uraqiru’ ” sasa.

Éxodo 34:11

“Jichhür sapksma ukhamarjam phuqhapxam, nayasti jumanakan nayraqatamat jaqunukü: amorreonakaru, cananeonakaru, heteonakaru, ferezeonakaru, heveonakaru, jebuseonakaru.

Éxodo 5:23

Nayax faraonamp juman sutimxar parlir jutkta uka urutpach jupax markamar juk'amp t'aqhisiyi; jumasti markamar qhispiyañatakix janiw kuns lurktati —sasa.

Isaías 36:17

Ukatsti mä markaruw apapxätam, uka markasti jumanakan markamjamarakiwa, trigos uvas wal achuraki, ukan t'ant'a lurapxäta, ukhamarak vino apsupxarakïta.

Isaías 64:1

Alaxpach jist'arasma, ukat saraqanisma, juman ukankatamampix qullunaksa khathatiyarakisma,

Jeremías 11:5

Jumanakatix nayar ist'apxitätaxa, nayax kuntix nayra awkinakamar juramentompi arskta uk phuqhapunïwa, mä suma uraqi churapxäma, kawkhantix walja suma manq'añanakax utjki uka uraqi. Uka uraqisti kawkhankapktatix jichhax uka uraqiwa.” Nayasti saraktwa: “Ukhamapunïpanay Tata” sasa.

Jeremías 2:7

Nayaw jupanakarux aka suma uraqir irpanta, ukhamat suma achunakapat manq'apxañapataki. Ukampis jumanakax jutasinxa nayan uraqix takisipxtawa, aka uraqixatsti axtasiyapxarakistawa.

Jeremías 32:22

Israelarusti aka uraqi churaraktaxa, kawkhantix lechesa misk'isa umjam jalaski uka uraqi, nayra awkinakapar arsutamarjama.

Ezequiel 20:6

Uka urusti nayax Egipto uraqit jupanakar irpsxañatakiw arsurakta, jupanakatak thaqkäyät uka markar irpsxañataki, leches misk'is umjam jalaski uka markaru. ¡Taqi markanakat sipan juk'ampi suma markäki ukaru!

Levítico 20:24

Nayasti sapxsmawa, kawkïr uraqtix nayax churapkäma uka jaqinakan uraqinakapax jumanakankxaniwa. Uka uraqisti wali suma uraqipuniwa, manq'añanakamas jan tukuskayapunïniwa. “Nayätwa jumanakan Tatit Diosamaxa, jumanakarusti nayaw yaqha markanakat sipan mä suma marka yaqhachapxsma.

Amós 2:10

Nayaw jumanakarux Egipto markat irpsunipxsma, pusi tunka maraw wasaran irpnaqapxsma amorreonakan uraqipsa jumanakaruw churapxsma.

Números 13:18

Uka markax kunjämätaynas uk sum uñjanipxäta, ukan jakir jaqinakax ch'aman jaqinakati, jan ukax t'ukha jaqinakakicha; juk'anikiti jan ukax waljanïtaynacha taqi ukanak uñjanipxäta.

Números 13:19

Markanakapax chhujllanakat luratakiti, jan ukax, suma pirqanakampi sayt'ayatacha, kawkha uraqintix jakapki ukax suma laq'ati, jan ukax janicha,

Números 13:27

Moisesarusti sapxänwa: —Khithapkista uka uraqiruw nanakax sarapxta. Chiqpachapuniw uka uraqin lechesa, misk'isa umjam jalsuski, uñjam, aka achunakaw uka uraqin achuraki.

Juan 3:13

Janiw khitis alaxpacharux makhatkiti, jan ukasti khititix alaxpachat saraqanki ukakiw makhati, ukasti alaxpachankir Jaqin Yuqapawa.

Juan 6:38

Nayasti janiw alaxpachat munañax lurasir jutkti, jan ukasti, khithankitu uka Awkixan munañap luririw jutta.

Deuteronomio 1:25

Ukatsti jupanakax uka uraqin achunakap jiwasar uñacht'ayir apanipxäna, akham sapxarakistu: ‘Tatit Diosasax churkistu uka uraqix wali sumawa’ sasa.

Deuteronomio 1:7

Jichhasti taqi yänakam apthapisxapxam, ukatsti amorreonakan qullunakaparu, jupanak jak'an utjir uraqinakar sarapxam: Arabá wasararu, qullu chiqanakaru, qhirwanakaru, Négueb pampanakaru, quta thiyanakaru, cananeonakan uraqiparu, Líbano uraqiru, Éufrates sat jach'a jawirar puriñkama.

Deuteronomio 27:3

churapksma taqi uka yatichäwinak ukar qillqañataki. Uka uraqir mantapkäta ukspachaw lurapxäta, Tatit Diosamax churapkätam, kawkhantix lechempi, misk'impix umjam jalaski uka uraqir mantasina, nayra awkinakamar arsuwaykän ukhamarjama.

Deuteronomio 28:11

Diosax munasiñap uñacht'ayätam, walja wawanak jumar churasa, vacanakaman qallunakapar jiltayasa, uraqinakamar jilarkir achuyasa, kunjämtix awkinakamar churañatak juramentomp arskatayna ukhamarjama.

Deuteronomio 6:3

Ukhamasti israelit jaqinaka, ukhamarjam sarnaqapxam, uka arunak phuqhañatak ch'amañchasipxam. Ukhamat kusisita sarnaqapxäta, ukatsti mä jach'a markaw uka uraqin tukupxarakïta, kawkhantix lechesa, misk'is umjam jalaski uka uraqina, kunjämatix nayra awkinakaman Tatit Diosapax arupampi arsuwaykän ukhama.

Deuteronomio 7:1

Moisesasti saskakïnwa: “Tatit Diosasaw churapkätam uka uraqir puriyapxätam, ukatsti jumanakat sipan paqallqu wali jach'a ch'amani markanakaruw jaqunukuni: hititanakaru, gergeseonakaru, amorreonakaru, cananeonakaru, ferezeonakaru, heveonakaru, jebuseonakaru.

Josué 5:6

Israelitanakax pusi tunka mara wasaran sarnaqañkamax Egipto markat mistunkän uka nuwasir chachanakax taqiniw jiwarxapxatayna. Uka chachanakax janiw Tatiturux jaysapkänti, ukat Tatitux jupanakar kawkïr uraqtix nayra awkinakapar churapxämaw siskatayna uka uraqi jan uñjaykänti, lechesa misk'isa umjama jalaski uka uraqi.

Josué 9:1

Hititanakana, amorreonakana, cananeonakana, ferezeonakana, heveonakana, jebuseonakan reyinakapax kunatix luraskatayna ukanak yatipxäna. (Uka reyinakax Jordán jawirat inti jalanta tuqina, qullu tuqinakana, pampa tuqinakana, jach'a Mediterráneo quta irananakana, Líbano chiqanakan jakapxäna.)

Josué 9:7

Israelitanakasti uka heveo jaqinakarux sänwa: —Inas jumanakax aka jak'anakan jakasipksta; ¿kunjämarak jumanakampi mä suma amtäwiru mantsnasti? —sasa.