Éxodo 3:8 - Qullan Arunaca

⁸ Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Aymar Bibliia 1986

⁸ Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Qullan Arunaka DC

⁸ Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Éxodo 3:8 Jak'a apnaqawi uñst'ayäwi

Génesis 11:5

Ucampisa Tatitu Diosajj uca marca, uqhamarac cuna torrtejj lurasipcän uca uñjiriw sarakanïna,

Génesis 11:7

Parlanacap mayjt'ayir jichhajj sarakañäni, uqhamat jan jupanaccama cuna parlatanacapsa amuyasipjjañapataqui” sasa.

Génesis 15:13

Tatitusti ucapachajj saraquïnwa: —Jichhajj yatiñamajj waquisiwa; wawanacamajj yakha marcanacanwa jacapjjani, ucansti esclavöpjjaraquiniwa, pusi patac maranacaw ucanjja t'akhesiyatäpjjaraquini.

Génesis 15:14

Ucampisa nayaraquiw uca esclavo tucuyir marcarojj mutayä, ucatsti wawanacamajj librequiw mistunjjapjjani, uqhamarac walja kamir cancañampi phokt'ata.

Génesis 18:21

Jichhajj nayajj uñjiriw sarä chekpachapuniti jucha luratanacapajj sintïpacha janicha uc yatiñataqui, uqhamatwa yatiraquëjja.

Génesis 43:11

Ucatsti awquipajj saraquïnwa: —Uqham lurañapun waquischi ucqhajj lurapjjacchïtaya. Costalanacamar mä regalo uca jaketac apapjjam cunatejj orakesan achqui ucanacat mä juc'acama: Bálsamo, misq'i, perfume, mirra, nueces, almendra ucanaca.

Génesis 46:4

Nayaw jumampi chica Egiptor sarascä; naya quipcaraquiw wawanacamarojj ucat irpsunjjä. Uqhamarusa, jiwjjäta ucapachasti Joseajj jumamp chicäscaniwa —sasa.

Génesis 50:24

Mä urusti Joseajj jilanacaparojj sänwa: “Nayan jiwañajjajj jac'ancjjewa, ucampis Diosaw jumanacar yanapir jutani, ucatsti aca marcatjja apsuwayjjapjjaraquïtamwa, cawquïri oraktejj Abrahamaru, Isaacaru, Jacoboru, churañataqui arscäna ucaru” sasa.

1 Crónicas 1:15

heveonaca, araceonaca, sineonaca,

Nehemías 9:8

Jumasti uñjtawa jupajj jumar iyawsatama, uqhamarac jupampejj mä suma amtäwiruw mantapjjtajja; juman churañamataqui jupat sarakeri jakenacaru cananeonacana, hititanacana, amorreonacana, ferezeonacana, jebuseonacana, uqhamarac gergeseonacana orakenacapa. ¡Ucatsti jumajj phoktawa arsutamarojj, jumajj wiñay phokhañpuni yattajja, uca laycu!

Salmos 12:5

Tatitojj jupanacarojj siwa: “Jan cunan jakenacampi, jan yäkat jakenacampejj mutuyataw uñjasipjje, t'akhesiyataw uñjasipjjaraqui, ucat jupanacar yanapt'añatac sartasï, yanapt'ayasiñ munataparjamaw yanapt'ä” sasa.

Salmos 12:6

Tatitun arsutanacapajj chekpachawa, ninamp pakallk cuti k'omachat kollker uñtatawa.

Salmos 34:8

Yant'apjjam, uñjapjjaraquim, Tatitun munasir cancañapa, jupar take chuymamp maqhatirejj cusisiñan jakewa.

Salmos 91:15

Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

Éxodo 12:41

Uca pusi pataca quimsa tuncani marajj phokhasqui uca uruwa Tatitun take ejercitopajj Egipto marcat mistsuwayjjapjjäna.

Éxodo 12:51

Uca urpachawa Tatitojj Egipto marcata israelitanacarojj apsunïna mä ejercitöcaspas uqhama.

Éxodo 13:5

Cunapachatejj Tatitojj puriyapcätam cananeonacana, hititanacana, amorreonacana, heveonacana, jebuseonacan orakenacaparu; cawquïr oraktejj awquinacamaru churañataqui arscäna, cawqhantejj leches misq'is umjam jalasqui uca orakeru purisajja aca phajjsina fiesta lurañjja amtasipjjapunïtawa.

Éxodo 3:17

Ucatsti nayajj amttwa Egipto marcan t'akhesiñata khespiyasa, cananeonacana, hititanacana, amorreonacana, ferezeonacana, heveonacana, jebuseonacana, orakenacaparu apjjaña cawqhantejj lechesa, misq'isa umjama jalasqui uca orakeru’ sasa.

Éxodo 34:11

“Jumasti phokham cuntejj nayajj jichhüru siscsma uqhamarjama. Nayasti jumanacan nayrakatamatjja alisnucüwa amorreonacaru, cananeonacaru, heteonacaru, ferezeonacaru, heveonacaru, uqhamarac jebuseonacarusa.

Éxodo 5:23

Cunapachattejj faraonampi sutimat parlir sarcta uca urutjja jupajj juc'ampiw marcamarojj t'akhesiyi, ucampis jumajj janiw cunsa lurctati khespiyañataquejja —sasa.

Isaías 36:17

Ucatsti mä marcaruw apapjjätam, uca marcasti jumanacan marcamjamaraquiquiwa, trigos uvas achuraquiwa, ucan t'ant'a lurapjjäta vino apsupjjaraquïta.

Isaías 64:1

Alajjpach ch'iyjaraquisman, ucat apakaniraquisman, uqhamaraqui juman ucancatamampejja kollunacsa qhathatiyaraquisma,

Jeremías 11:5

Jumanacatejj nayaru ist'apjjetätajja, nayajj cuntejj nayra awquinacamar juramentompi arscta ucjja phokhäwa, mä orake churapjjäma sasa, uca orakesti cawqhancapctatejj jichhajj uca orakewa, cawqhantejj leches misq'is umjam jalasqui uca.” Nayasti saraquïyätwa: “Jïsa Tata” sasa.

Jeremías 2:7

Nayaw jumanacarojj aca suma orakeru irpanipjjsma, uqhamat achunacapa mank'apjjañamataqui, suma achunacapata mank'apjjañamataqui. Ucampis jumanacajj jutasinjja nayan orakejj-jja taquisipjjtawa, aca oraketsti ajjtasiyapjjaraquistawa, nayan orakejjata.

Jeremías 32:22

Israelarusti aca orake churaractajja, cawqhantejj leches misq'is umjam jalasqui uca orake, cunjämatejj nayra awquinacaparu arscäyätas uqhamarjama.

Ezequiel 20:6

Uca urusti nayajj jupanacarojj arsuraquïyätwa, uca Egipto oraket apsjjañataqui, cawquïri marctejj nayajj jupanacataqui thakcäyät ucaru irpsjjañataqui, cawqui marcantejj leches misq'is umjam jalasqui ucaru. ¡Take marcanacat sipansa juc'ampi suma marcäquejj ucaru!

Levítico 20:24

Nayasti sapjjsmawa, jumanacaw uca jakenacan orakenacapatjja dueñöpjjäta, naya quipcaraquiwa jumanacarojj uca oraker catuyapjjäma cawqhantejj lechesa, misq'isa umjam jalasqui uca orakena. “Nayätwa jumanacan Tatitu Diosamajja, jumanacarusti nayaw yakha marcanacat sipansa yakhachapjjsma.

Amós 2:10

Ucatsti, nayajj jumanacarojja Egipto marcatwa apsunipjjsma, pusi tunca mararaquiw wasarana irpnakapjjsma jupanacan orakepa jumanacaru churañataqui.

Números 13:18

Sum uñjanipjjam cunjämätaynas uca marcajj, uqhamarac ucan jaquir jakenacas ch'amani jakenacati jan ucajj t'uqha jakenacaquicha; juc'aniquiti jan ucajj waljanïpjjataynacha take ucanaca.

Números 13:19

Uñjapjjam marcanacapajj carpanacat lurataquiti, jan ucajj suma perkanacampi sayt'ayatacha take ucanaca, uqhamarac cawqha orakentejj jacapqui ucajj sumati janich sumäqui take ucanaca.

Números 13:27

Moisesarusti sapjjänwa: —Sarapjjtwa cawquïri orakerutejj qhitapquista ucaru. Chekpachansa uca oraketjja lechempi misq'impejj umjamaw jalasqui, aca achunacaw ucanjja achuraqui,

Juan 3:13

Janiw qhitis alajjpacharojj maqhatquiti, jan ucasti qhititejj alajjpachat sarakanqui ucaquiwa, ucasti Jaken Yokapawa, [alajjpachancaraquiwa].

Juan 6:38

Nayasti janiw alajjpachat munañajj lurasir jutcti, jan ucasti qhitanquitu ucan munañap luririw jutta.

Deuteronomio 1:25

Ucatsti uca oraken achunacapwa jupanacajj jiwasar uñacht'ayañatac apanipjjäna aqham sasa: ‘Wali sumawa cawquïri oraktï Diosajj churquistu ucajj’ sasa.

Deuteronomio 1:7

Jichhasti take yänacam apthapisipjjam; sarapjjam amorreonacan kollunacaparu, uqhamaraqui take jupanacancquis uca orakenacarusa: Arabá sat chekaru, kollu orakenacaru, pampanacaru, Néguev sat chekaru, jach'a kota thiyan orakenacaru, cananeonacan orakeparu, Eufrates sat jach'a jawircama.

Deuteronomio 27:3

take cawquïri yatichäwinactejj churapcsma ucanac ucaru kellkañataqui. Ucsti lurapjjam cawqhantejj leches, misq'is umjam jalasqui uca oraker mantañataqui, cawquïrtejj Tatitu Diosamajj churapcätam, cunjämatejj jumanacan awquinacamaru arsuwaycän uqhama.

Deuteronomio 28:11

Diosaw munasiñap uñacht'ayätam, walja wawanac jumar churasina, uqhamaraqui jilarquir orakenacamar achuyasa, cunjämtï awquinacamar arupampi arsusina churä siscatayna uqhamarjama.

Deuteronomio 6:3

Uca laycu ist'apjjam israelit jakenaca, ch'amañchasipjjaraquim uca arunac phokhañataqui. Uqhamatwa cusisita sarnakapjjäta, ucatsti mä jach'a marcaw uca oraken tucupjjaraquïta, cawqhantï leches misq'is umjam jalasqui, cunjämatï awquinacaman Diosapajj arupampi arsuwaycän uqhama.

Deuteronomio 7:1

“Jumanacan Tatitu Diosamaw puriyapjjätam cawquïri oraktï catuntapcäta ucaru, ucatsti jumanacan nayrakatamatjja pakallko wali jach'a ch'amani marcanacaruwa jakonucuni: hititanacaru, gergeseonacaru, amorreonacaru, cananeonacaru, ferezeonacaru, heveonacaru, uqhamarac jebuseonacarusa.

Josué 5:6

Cunjämatï israelit jakenacajj pusi tunca maranaca wasaran sarnakapjjänjja ucatsti cawquïri jakenacatï nuwasiñataqui ajllitäpcän uca jakenacajj, Egipto marcat mistunisajj takeniw thaquin jiwarjjapjjäna. Uca jakenacasti janiw Diosarojj ajjsartapcänti, ucatwa Diosajj jupanacarojj jan uñjaycänti cawquïri oraktï churapjjämaw siscatayna uca orakjja, uqhamaraqui cawquïri orakentï leches misq'is umjam jalcän uca orake.

Josué 9:1

Cawquïri reyinacatï Jordán jawirat inti jalanta token jacapcäna, uqhamaraqui kollu tokenacana, pampa tokenacana, jach'a Mediterráneo sat kota lacansa, Líbano tokecama; hitita sat reyinaca, amorreonaca, cananeonaca, ferezeonaca, heveonaca, jebuseonaca, ucanacajj yatipjjänwa take cunanacatejj lurascäna ucanaca.

Josué 9:7

Ucatsti israelit jakenacajj jupanacarojj sapjjänwa: —Inas jumanacajj aca jac'anacan jacasipcsta; ¿Cunjämaraqui jumanacampi mä suma amtäwiru mantsnasti? —sasa.