Éxodo 3:9 - Qullan Arunaca

⁹ Jichhasti, israelitanacan arnakasipjjatanacapsti nayajj ist'twa. Uqhamarac uñjaractwa egipcionacajj cunjämtejj t'akhesiyapqui ucanacsa.

Aymar Bibliia 1986

⁹ Jichhasti, israelitanacan arnakasipjjatanacapsti nayajj ist'twa. Uqhamarac uñjaractwa egipcionacajj cunjämtejj t'akhesiyapqui ucanacsa.

Qullan Arunaka DC

⁹ Israelitanakan arnaqasitanakap ist'ta, kunjämtix egipcionakax jupanakar t'aqhisiyki ukanaksa uñjaraktwa.

Éxodo 3:9 Jak'a apnaqawi uñst'ayäwi

Génesis 16:11

Usur jakëtawa, ucatsti mä yokall wawa wawachasiraquïta, Ismael sasaw suticharaquïta, Tatitojj t'akhesitam ist'atap laycu.

Génesis 31:12

Ucatsti angelajj saraquituwa: ‘Wal uñch'uquim, take orkonacajja, cawquïrinacatï kachunacar catupqui ucanacajj rayt'atanaca, ch'ejjenaca, uqhamcamaquiwa, nayasti sum amuyaracta cuntejj Labanajj lurctam ucjja.

2 Reyes 13:4

Ucatjja Joacaz reyejj Tatituruw oracionan mayïna, Tatitusti oracionaparojj ist'änwa, uñjaraquïnwa cunjäm jan waltejj Siria marcanquir reyejj israelitanacaru t'akhesiycäna ucanaca.

2 Reyes 20:5

“Cutt'am, ucatsti marcajjana jilïri Ezequías reyiru aqham sam: ‘Nayra David awquimana Tatit Diosapajja aqham siwa: ‘Nayajj oracionamjja ist'smawa, uqhamarac jachatamsa uñjaracsmawa. Jichhasti jumarojj c'umaraptayämawa, ucatjja acat quimsa urut Tatitun temploparu saräta.

Nehemías 9:9

Jumajj uñjtawa cunjämsa nayra awquinacajjajja Egiptona t'akhesipjjäna ucjja, uqhamarac ist'aractawa llaquisiñ horasan parlasitanacapjja Mar Rojo sat kota jac'ana.

Salmos 12:5

Tatitojj jupanacarojj siwa: “Jan cunan jakenacampi, jan yäkat jakenacampejj mutuyataw uñjasipjje, t'akhesiyataw uñjasipjjaraqui, ucat jupanacar yanapt'añatac sartasï, yanapt'ayasiñ munataparjamaw yanapt'ä” sasa.

Salmos 9:14

Uqhamat jumar jach'añchäma, khespiyatamatsti Sión puncunacan cusisï.

Éxodo 1:11

Ucatsti egipcionacajj lurayirinacwa israelitanac taypiru uchapjjäna wali ch'ama irnakañanaca lurayapjjañapataqui. Israelitanacarusti Pitón, uqhamarac Ramsés sat marcanacwa lurayapjjäna ucaru Egiptonquir Faraón reyejja juyranacapa imañapataqui.

Éxodo 1:22

Faraón reyejja take marcaparuw säna: “Take israelitanacan yokall wawanacapajj nasqui ucanacarojja jawirar jakontanipjjam, ucampis imilla wawanacasti jacascpan” sasa.

Éxodo 1:8

Ucat khepa maranacasti Egipto marcanjja yakha reyiw utt'asjjäna, jupasti janiw Josearojj uñt'cänti, ucatsti marcaparojj sänwa:

Éxodo 2:23

Jaya maranaca pasatatsti Egiptonquir reyejj jiwjjänwa. Ucampis israelitanacajja t'akhesisipcaquïnwa, ucatsti jupanacajja Diosansa ist'cayawa mayisipjjäna.

Éxodo 2:25

Ucatsti Diosajj israelitanacar t'akhesir uñjasinjja, amuyänwa jan walt'añancapjjatapa.

Éxodo 3:7

Ucat Tatitojj saraquïnwa: —Nayajja sumwa uñjta, cunjämtejj marcajjajja, Egipton t'akhesipqui ucjja. Uqhamarac uca wali munañani jakenac causa arnakasipjjatanacapsa ist'aractwa, ucampis nayajj sum yatta jupanacan t'akhesitanacapjja.

Eclesiastés 4:1

Ucatsti uñjaractwa aca oraken maynir t'akhesiyapqui ucanacsa. Ucatjja uñjaractwa t'akhesiyatanacan jachapjjatapa, ucampis janiw qhiti chuymachiris utjquiti; t'akhesiyirinacapajj ch'amampiw apnakapjje, ucampis janiw t'akhesiyatanacar qhiti chuymachiris utjquiti.

Eclesiastés 5:8

Mä marcantï uñjsta pobreru t'akhesiyiri, uqhamarac cheka asqui lurañaru mayjt'ayirsa, jan muspharamti ucatjja, jilïrjjarusti imt'asquiwa mayni juc'amp jupat jilïri, ucatsti uca paninjjarusti mayni jupanacat juc'ampi jilïriraquiw imt'ascaraqui.

Amós 4:1

Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Deuteronomio 26:7

Ucapachasti nanacajj awquinacajjan Tatitu Diosaparuw mayipjjäyäta jupan yanapt'añapataqui, ucatsti Diosajj ist'apjjetuwa nanacan mayisitanacajjarojja, uqhamaraquiw uñjaraquïna pist'añan sarnakatanacajjsa, wali inakatanacajsa, wali t'akhesit sarnakatanacajjsa.

1 Samuel 9:16

“Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.