Éxodo 3:10 - Qullan Arunaka DC

¹⁰ Ukhamasti wakichasimaya, nayax faraonan ukaruw khithäma Israel markaxar Egiptot irpsuniñamataki —sasa.

Aymar Bibliia 1986

¹⁰ Uca laycu jumajj sarjjarum, nayasti faraonan ucaruw qhithäma Israel marcajja, Egiptot apsuniñamataqui.

Qullan Arunaca

¹⁰ Uca laycu jumajj sarjjarum, nayasti faraonan ucaruw qhithäma Israel marcajja, Egiptot apsuniñamataqui.

Éxodo 3:10 Jak'a apnaqawi uñst'ayäwi

Génesis 15:13

Tatitusti ukapachax sarakïnwa: —Jichhax yatiñamaw wakisi, wawanakamax yaqha markan jakapxani, ukansti irnaqañampi t'aqhisiyatäpxaniwa, pusi patak maraw ukan t'aqhisiyatäpxani.

Génesis 15:14

Ukampis nayarakiw t'aqhisir jaqir tukuyir markarux mutuyä, ukatsti wawanakamax qhispiyataw mistunxapxani, walja qamir yänakampi phuqt'ataw jutxapxarakini.

Salmos 105:26

Diosasti Moisesampiru, Aaronampiruw khithäna, luqtiripat ajlliskatayna jupanakaru,

Salmos 77:20

21 (22) Markamarux ovej tamar uñtat irpäyätaxa, Moisesampin Aaronampin amparap tuqi.

Éxodo 12:40

Israelitanakax Egipto markan pusi patak kimsa tunkan maraw jakapxatayna,

Éxodo 12:41

ukatsti kunürutix pusi patak kimsa tunkan marax phuqhaskäna uka uruw Tatitun taqpach ejercitopax Egipto uraqit mistsuwayxäna.

Éxodo 33:12

Moisesasti Tatituruw säna: —Jumax “aka marka irpam” sasaw mayista, ukampis janiw khititix nayamp chik sarkani uk siskistati. Sarakistawa: “Jumar uñt'smawa, munasiñaxaw jumatak utjitu” sasa.

Éxodo 33:13

Ukampis uka arsutanakamatix chiqächi ukaxa, amtäwinakam yatiyita, ukhamat jumar alkatañaxataki, juman khuyapayasiñam nayatak utjaskatap yatiñaxataki. Jan armasimti, aka markax juman markamawa —sasa.

Éxodo 6:26

Jupanakaw Aaronampi, Moisesampixa, jupanakaruw Tatitux jawsäna Egipto markat israelitanakar mä jach'a ejercitor uñtat irpsunipxañapataki.

Oseas 12:13

13 (14) Tatitux mä profeta tuqiw Egiptot Israel markarux irpsunïna. ¡Mä profeta tuqirakiw juparux sum uñjarakïna!

Miqueas 6:4

Nayaw Egipto markat irpsunsma, t'aqhisiñat qhispiyanisa; nayaw Moisesaru, Aaronaru, Mariarus khithanta, jumar irpsuniñapatakiw khithanta.

Hechos 7:34

Nayax qhanpach uñjta wawanakaxar Egipton t'aqhisipxatapa. Jupanakan jachatanakap ist'arakta, ukat nayax jupanakar qhispiyir saraqanta. Ukhamasti, wakichasimaya, jumarux Egipto markaruw khithäma’ sasa.

Hechos 7:36

Moisesaw nayra awkinakasarux Egipto uraqit irpsunïna, muspharkay luräwinaka, unañchäwinak uka uraqin lurasina, ukhamarak Mar Rojo qutana, wasarana, pusi tunk mara sarnaqäwina.

Hechos 7:6

Diosax Abrahamar sarakïnwa: “Wawanakaman wawanakapax jaya jaqinakjamaw yaqha markan jakapxani. Ukansti jupanakax uywat jaqïpxaniwa, pusi patak maraw jupanakar t'aqhisiyapxarakini.

Hechos 7:7

Ukampis nayaw kawkïr markatix jupanakar t'aqhisiykani uka markarux juchañchaskä, jupanakasti uka markat mistunxapxaniwa, ukatsti aka chiqan nayar yupaychapxitani” sasa.

Jueces 6:14

Tatitusti jupar uñkatasin säna: —Qawqhatix ch'amamax utjki ukampi israelitanak qhispiyir saram, madianitanakan t'aqhisiyatäñata. Nayaw jumarux khithasksma —sasa.

1 Samuel 12:6

Samuelusti markarux saskakïnwa: —Tatituw Moisés, Aarón tuqi Egipto markat jumanakan nayra awkinakamarux irpsunïna.

1 Samuel 12:8

Kunapachatix Jacobumpi, wawanakapampix Egipto markar sarapkän ukkhaxa, egipcionkirinakasti jupanakarux t'aqhisiyapxänwa, jumanakan nayra awkinakamasti Tatituruw arnaqasipxäna, Tatitusti Moisesampiru, Aaronampiruw khithanïna, jupanakaw nayra awkinakamarux Egiptot irpsunïna, ukatsti jupanakarux aka uraqiruw utjnuqtayäna.