Éxodo 15:26 - Qullan Arunaka DC

²⁶ Sarakïnwa: “Jumanakatix naya, Tatit Diosaman arunakapar sum ist'apxäta, munañaxsa lurapxäta, ukatsti kamachi arunakaxarusa, kamachinakaxarus phuqhapxarakïta ukapachaxa, janiw kawkïr mutuyäwinaktix egipcionakar apaykta ukanak apayanipkämati. Nayätwa jumanakar k'umarachir Tatitumaxa” sasa.

Aymar Bibliia 1986

²⁶ Saraquïnwa: “Jumanacatejj naya Tatitu Diosaman arunacajja suma ist'apjjäta, ucat munañajjarjam lurapjjaraquïta, uqhamarac camachinacajjarusa, leyinacajjarusa phokhapjjaraquïta ucqhajj janiw cawquïr usunactejj egipcionacar apaycta ucanacampejj t'akhesiyapcämati. Nayätwa jumanacar c'umarachir Tatitumajja” sasa.

Qullan Arunaca

²⁶ Saraquïnwa: “Jumanacatejj naya Tatitu Diosaman arunacajja suma ist'apjjäta, ucat munañajjarjam lurapjjaraquïta, uqhamarac camachinacajjarusa, leyinacajjarusa phokhapjjaraquïta ucqhajj janiw cawquïr usunactejj egipcionacar apaycta ucanacampejj t'akhesiyapcämati. Nayätwa jumanacar c'umarachir Tatitumajja” sasa.

Éxodo 15:26 Jak'a apnaqawi uñst'ayäwi

1 Reyes 11:33

Salomonax nayar apanukutuwa, sidonionakan Astarté sat diosaparuw yupaychxi; moabitanakan Quemós sat diosaparu; amonitanakan Milcom sat diosaparuw yupaycharaki. Jupan luratanakapasti nayan nayraqataxan janiw sumäkiti, janirakiw kamachinakaxsa, arsüwinakaxsa phuqkiti, kunjämtix David awkipax lurkän ukhama.

1 Reyes 11:38

Jumatix ist'itäta kunanaktix luram siskäma ukanakaru, luräwinakamas naya nayraqatan chiqapäni, ukatsti kamachinakaxsa, kamachi arunakaxsa phuqharakïta, kunjämtix David luqtirixax lurkäna ukhamxa, nayax jumampïyäwa, jumat saraqir reyinakarusti ch'aman sayt'ayä, kunjämatix Davidan saraqirinakapar ch'aman sayt'aykta ukhama; Israel marksti jumaruw katuyäma.

2 Reyes 2:21

ukatsti Eliseox uka uma jalsuru sarasin, jayxa akham sasaw wart'äna: —Tatitux akham siwa: “Nayaw aka uma q'umachta, aka umax janipuniw markachirinakar jiwaykxaniti, janirakiw uraqirus jan achur tukuykxaniti” —sasa.

2 Reyes 20:5

“Kutt'am, ukatsti markaxan jilïripa Ezequías reyir akham sanim: David nayra awkiman Tatit Diosapax akham siwa: ‘Nayax mayisitam ist'smawa, jachatamsa uñjaraksmawa. Jichhasti jumarux k'umaraptayämawa, ukatxa akat kimsa urut Tatitun utaparux sarxäta.

2 Reyes 22:2

Josías reyin luratanakapasti Tatitun nayraqatapan chiqapänwa; jupasti David nayra awkipan sarnaqäwiparjamaw arkäna.

Job 5:18

Jupatix chhuxriñchjchixa, uka chhuxriñchjatarux qullxatarakiwa, Diosatix nuwantchixa, uka usuchjatarux juyartayarakiwa.

Salmos 103:3

Tatituw taqpach juchanakaxat pampachitu, jupaw taqi usunakaxat k'umarachitu,

Salmos 147:3

Jupaw chuyma usuchjatanakarux waliptayi, chhuxrinakapsa k'umaracharaki.

Salmos 81:9

9 (10) Janiw yaqha markankir diosanakanïyätati, janiw yaqha markankir diosanakarux yupaychätati.

Éxodo 12:29

Chika arumasti Tatitux taqpach egipcionakan jilïr wawanakap jiwarayäna, reyi qunuñan qunt'ata faraonan jilïr tayna yuqall wawaparusa, carcelankirinakan jilïr yuqall wawanakaparusa, uywanakan nayrïr qallunakaparusa.

Éxodo 19:5

Ukhamasti, jumanakatix nayan arunakax sum ist'asin jaysapxitäta, arust'äwi lurataxsa phuqhapxarakïta ukaxa, jumanakax taqi markanak taypin nayan munat markaxäpxätawa, taqi uraqix nayankiwa.

Éxodo 19:6

Jumanakax nayar luqtir sacerdotenakäpxätawa, nayatak yaqhachat suma markarakïpxätawa.” Taqi ukanak israelitanakar yatiyam —sasa.

Éxodo 20:2

“Nayaw juman Tatit Diosamätxa, nayaw Egipto uraqit irpsunsma, t'aqhisiyat jikxataskäyät uka markata.

Éxodo 23:25

Tatit Diosamaruw yupaychäta, jupasti t'ant'amaru, umamaruw aski waxt'äwimp phuqt'ani. “Nayaw taqi usunak jumat apaqäma.

Isaías 55:3

Nayan ukar jutapxam, ukatsti ist'apxita, ist'apxita, ukatsti jakasipkätawa. Nayaw jumanakampix wiñay arust'äwi lurä, ukhamat kuntix Davidarux munasiñampi arskta uk phuqharakï.

Isaías 57:18

Sarnaqäwip uñjtwa, ukampis nayaw qullxatä, samarañ churarakï, chiqpachansa samarataw uñjasxani. Llakitanakarusti nayaw chuymachä,

Jeremías 11:7

Kunapachatix nayax awkinakamar Egiptot irpsunkäyäta ukapachax, nayaruk jaysapxita sarakïyätwa, ukatpacha jichhakamas uk saskakipuntwa.

Jeremías 17:24

“ ‘Naya, Tatituw ak arsta: Chiqpachapun ist'apxita, sábado urun janipun kuna q'ipinaksa markan punkunakap chiqa apantapxamti; uka ursti nayar luqtanipxita, janirak uka urun kuna irnaqañsa lurapxamti.

Jeremías 30:17

K'umar sarnaqasiñ kuttayxäma, chhuxrinakam nayaw qullt'xäma, uñisirinakamax qawqhas parlaskpan: ‘Apanukut marka’ sasa. Naya, Tatituw uk arsta.”

Jeremías 33:6

Ukampis akat qhiparux sumankañsa, samarañsa kuttayxapxämawa, ukatsti jan khitin kun sataw sarnaqasxapxäta.

Jeremías 7:23

Ukampis jupanakarux nayar ist'apxañapatakiw mayta; ukhamat nayax jupanakan Diosapïrista, jupanakasti nayan markaxarakïspa sasa. Ukatsti sarakïyätwa kunjämtix nayax siskta ukarjam sarnaqapxañapa, ukhamat taqi kunas sumak sarañapataki.

Jeremías 8:22

¿Janit kuna qullas Galaad chiqan utjkpacha? ¿Janit ukan khiti qullt'iris utjkpacha? ¿Kunatarak markaxasti jan qullt'atäpachasti?

Ezequiel 18:5

“Aski jaqisti kunatix chiqapäki, askïki uk luri:

Oseas 11:3

Ukampis nayaw Israel markarux irpnaqäyäta, sarnaqañsa yaticharakïyäta; ukampis jupanakax janiw amuyasipkänti nayan jupanakar uñjaskataxa.

Oseas 6:1

Taqin jutapxam, Tatitun ukar kutkatxañäni. Jupaw usuchjistu, juparakiw k'umarachxistani; chhuxriñchjistuwa, juparakiw qullt'xistani.

Levítico 26:13

Nayätwa jumanakan Tatit Diosamaxa, nayaw jumanakarux Egiptot irpsunipxsma ukan jan juk'amp t'aqhisiyat sarnaqasipkañamataki; kuna t'aqhisiñatix jumanakxankkäna uksa nayaw apaqapxsma, ukatsti p'iqis waytat sarnaqayapxsma.

Levítico 26:3

“Jumanakatix nayan kamachinakaxarjam sarnaqapxäta, arunakaxsa phuqhapxarakïta ukasti,

Números 12:13

Moisesasti Tatituruw achikt'asïna, akham sasa: “Dios Tatay, Mariar k'umarachakimaya” sasa.

Deuteronomio 12:25

Janipun wila manq'apxamti, ukat jumanakas wawanakamas suman jakapxäta, Diosan nayraqatapan suma luräwinak chiqap uñacht'ayapxatamata.

Deuteronomio 12:28

“Ist'apxam, phuqhapxarakim, taqi kuntix sapksma uka arunaka, ukhamat jumanakasa, wawanakamas sum sarnaqapxañamataki, kunatix Diosan nayraqatapan askïki, chiqäki ukanak luratamata.

Deuteronomio 13:18

18 (19) jumanakatix Tatit Diosamar jaysapxäta, jichhürun churapksma uka kamachi arunakarjam phuqhapxäta, arunakaparjam sarnaqapxarakïta ukapacha, jupan nayraqatapan chiq sarnaqasa.

Deuteronomio 28:27

“Tatituw jumar egipcionakarjam llixti usunakamp mutuyätam, p'usu usunakampi, sarna usunakampi, jasi jasi usunakampi, janiw uka usunakat waliptkätati.

Deuteronomio 28:58

“Jumatix jach'a ch'amani Tatit Diosaman sutipar jan yäqkäta, janirak aka qillqatan yatichäwinakaparjamas sarnaqkäta ukkhaxa,

Deuteronomio 28:60

Ukatsti Egipto markar mutuykäna, jumar ukataq axsarayir uka pachpa mutuyäwiw jumxar jutani, janiw samart'aykätamsa.

Deuteronomio 32:39

Jichhax amuyasipxam, naya sapakïtwa Diosaxa. Janiw nayat sipan yaqha diosanakax utjkiti. Nayaw jakañ churta, nayarakiw jakañ apaqta; nayaw usuchnuqta, nayarakiw k'umarachta. ¡Janiw khitis utjkiti ch'amaxat qhispirixa!

Deuteronomio 5:1

Moisesasti Israel markar tantachthapisin säna: “Israelankir jaqinaka, sum ist'apxam kawkïr kamachinaka, kamachi arsutanaktix jichhürun yatiyapkäma ukanaka. Sum p'iqinakamar yatiqapxam, ukatsti taqi sarnaqäwiman ukarjam sarnaqapxarakim.

Deuteronomio 7:15

Tatitusti taqi usunaka, mutuñanaka jumanakat apaqapxätam, Egipto markar apaykän uka usunak apanukuni; ukampis Tatitux taqi uka usunakampiw uñisirinakamar t'aqhisiyani.