Éxodo 15:25 - Qullan Arunaka DC

²⁵ Ukat Moisesax Tatitur yanap mayïna, Tatitusti juparux mä ali uñacht'ayäna. Moisesasti umaruw uka ali jaquntäna, umasti muxsaw tukxäna. Ukhamaw Tatitux israelitanakan iyawsañanakap uka chiqan yant'äna, mä kamachi churarakïna, jupanakan sum sarnaqapxañapataki.

Aymar Bibliia 1986

²⁵ Ucampis Moisesajj Tatituruw mayïna, ucatsti Tatitojj juparojj mä koka uñacht'ayi. Ucat Moisesasti uca kokampiw umar jakontäna, umajj mojjsaw tucuwayjjäna. Uqhamaw Tatitojj uca chekanjja iyawsañanacap yant'äna, uqhamarac churaraquïnwa leyinaca jupanacan suma sarnakapjjañapataqui.

Qullan Arunaca

²⁵ Ucampis Moisesajj Tatituruw mayïna, ucatsti Tatitojj juparojj mä koka uñacht'ayi. Ucat Moisesasti uca kokampiw umar jakontäna, umajj mojjsaw tucuwayjjäna. Uqhamaw Tatitojj uca chekanjja iyawsañanacap yant'äna, uqhamarac churaraquïnwa leyinaca jupanacan suma sarnakapjjañapataqui.

Éxodo 15:25 Jak'a apnaqawi uñst'ayäwi

2 Reyes 2:21

ukatsti Eliseox uka uma jalsuru sarasin, jayxa akham sasaw wart'äna: —Tatitux akham siwa: “Nayaw aka uma q'umachta, aka umax janipuniw markachirinakar jiwaykxaniti, janirakiw uraqirus jan achur tukuykxaniti” —sasa.

2 Reyes 4:41

Ukat Eliseox säna: —Mä juk'a jak'u apanirapipxita —sasa. Ukatsti phukhur jak'u jach'intasin säna: —¡Jichhax jaqinakar manq'añ churapxam! —sasa. Jaqinakasti manq'apxänwa, janiw kuna jan walis phukhun utjkänti.

2 Reyes 6:6

Eliseosti jiskt'änwa: —¿Kawkharus jalanti? —sasa. Maynisti kawkharutix hachax jalantkatayna uka chiq uñacht'ayäna. Ukat Eliseox mä lawa khuchhuqasin ukawjar jaquntäna, hachasti uma pataruw tuysunïna.

Salmos 50:15

Llakitäkät ukkhax nayar jawsita; nayasti qhispiyämawa, jumax jach'aruw aptarakitäta” sasa.

Salmos 66:10

Diosay, jumaw yant'arux puriyapxista, ¡qullqirjamaw q'umachsupxista!

Salmos 81:7

7 (8) T'aqhisiñaman jawsista, nayasti qhispiysmawa; q'ixuqir qinay taypitpach nayax jaysansma; Meribá uma jalsu jak'an yant'sma.

Salmos 91:15

Nayar art'asitan ukapachaxa, mayisitaparux jaysäwa. Jupamp chikaw t'aqhisiñankä, llakisiñat irpsü, jach'aruw aptä;

Salmos 99:6

Moisesampi Aaronampix jupan sacerdotenakapänwa; Samuel profetax jupan luqtiripänwa. Jupanakax Tatituruw yanap mayipxäna, Tatitusti mayitanakaparux ist'änwa.

Éxodo 14:10

Israelitanakax faraonampir egipcionakampir jak'achasinir uñjasax wal axsarayasipxäna, ukat Tatitur art'asipxäna.

Éxodo 16:4

Ukat Tatitux Moisesar säna: —Nayax alaxpachat t'ant'a jalluyanï, jaqinakax sapüruw apthapisipxani, qawqhatix uka urutak wakiski ukhamarjama. Ukhamat nayax uñjä arunakaxar jaysirïpxatapsa, jan jaysirïpxatapsa.

Éxodo 17:4

Moisesasti Tatituruw yanap mayïna, juparusti sänwa: —¿Kamacharakï aka jaqinakampisti? Niyapuniw qalamp k'upjas jiwayapxitu —sasa.

Éxodo 20:20

Moisesasti israelitanakarux sarakïnwa: —Jan axsarapxamti. Diosax jumanakar yant'iriw juti, jupar axsartasapun sarnaqapxañamataki, ukhamat jucha jan lurapxañamataki —sasa.

Proverbios 17:3

Qurisa, qullqisa ninamp yant'atawa; jaqin chuymanakapsti Tatituw yant'i.

Jeremías 15:1

Tatitux sarakituwa: “Moisesampi, Samuelumpis nayan nayraqataxar uñstanisipkpan, ukkhas janipuniw nayax aka jaqinakat khuyapayaskiristti. Nayan nayraqataxat mistupxpan, jayar sarapxpan.

Jeremías 9:7

7 (6) Ukatpï naya, taqi ch'aman Tatitux sistxa: ¿Kunsa jichhax markaxampix luriristxa? Jan ukasti q'umachatäñapatak ninar uskuñakiw wakisxi.

Ezequiel 47:7

uka jawir thiyanakansti walja quqanak uñjta.

Ezequiel 47:8

Ukat sarakitu: “Aka jawirax inti jalsu tuqiruw sari, Jordán jawirar puriñkama, ukatsti Mar Muerto sat jach'a qutaruw mantxani. Uka qutar purkani ukkhasti, uka qutan umanakapax muxsa umaruw tukxani.

1 Corintios 1:18

Criston cruzan jiwatapat yatiyäwixa, chhaqhañar sarir jaqinakatakix luqhi kankañäkaspas ukhamawa; ukampis jiwas qhispiyat jaqinakatakix aka yatiyäwix Diosan ch'amapawa.

Deuteronomio 13:3

3 (4) ukapachasti jan jumanakax jupanakar ist'apxamti; Tatit Diosamaw uka tuqit jumanakar yant'añ munasipktam, jumanakax taqpach chuymampiti, taqpach jakañamampit jupar munapxta uk yatiñataki.

Deuteronomio 8:16

Ukatsti wasaran maná sat manq'a manq'ayapxtam, janiw nayra awkinakamas uka manq'a uñt'apkataynati, ukhamat jumanakar yant'añataki, llamp'u chuymanïñ yatiqapxañamataki, ukasti jumanakan askimatakirakïnwa.

Deuteronomio 8:2

Tatit Diosamax wasaranjam pusi tunka mara sarnaqayasa irpanipktam taqi uka thakhit amtasipxam, jumanakar t'aqhisiyañataki, yant'añataki, amtäwinakam uñt'añataki, kamachi arunakap phuqhirjamäpxtati janicha uk yatiñataki.

Jueces 2:22

Tatitusti ukampix israelitanakaruw yant'añ munäna, Diosan thakhipan sarapxaspati, kunjämtix nayra awkinakapax sarapkatayna ukhama, jan ukax janicha.

Jueces 3:1

Tatitux aka markanak Canaán uraqiru qhiparayäna, kawkïr israelitanakatix Canaán uraq katuntasiñatak nuwasipkän ukkhax, janïr yuripkatayna ukanakar yant'añataki.

Jueces 3:4

Tatitux uka markanakampiw israelitanakar yant'añ munäna, jupanakax Moisés tuqi nayra awkinakapar churata kamachi arunakar ist'apxaspati janicha uk yatiñataki.