Éxodo 15:27 - Qullan Arunaka DC

²⁷ Uka qhipatsti, israelitanakax Elim sat chiqaruw puripxäna, uka chiqansti tunka payan uma jalsunaka, paqallq tunka palmera quqanakaw utjatayna, ukawjan jupanakax uma jak'an utjnuqtapxäna.

Aymar Bibliia 1986

²⁷ Ucat sarjjasinjja Elim sat chekaruw puripjjäna, ucansti utjänwa tunca payan uma jalsunaca, uqhamarac pakallk tunca palmera sat kokanaca, ucatsti uca uma jac'aruw carpanacapa sayt'ayasa utjnokapjjäna.

Qullan Arunaca

²⁷ Ucat sarjjasinjja Elim sat chekaruw puripjjäna, ucansti utjänwa tunca payan uma jalsunaca, uqhamarac pakallk tunca palmera sat kokanaca, ucatsti uca uma jac'aruw carpanacapa sayt'ayasa utjnokapjjäna.

Éxodo 15:27 Jak'a apnaqawi uñst'ayäwi

Salmos 23:2

suma ch'uxña ch'ijinakaruw samart'ayitu; q'uma uma thiyanakaruw awatitu,

Éxodo 16:1

Israelitanakax Elim chiqat mistuwayasin Sin sat wasararuw puripxäna, uka wasarasti Elim, Sinaí uka pä chiqanak taypinkiwa. Ukürkamasti Egiptot mistunipxatapax phaxsi chikatanixänwa.

Isaías 12:3

Jumanakas kusisipxarakïtawa, jupan qhispiyasiñapat kusisipxäta,

Ezequiel 47:12

Uka jawir thiyanakansti purapkatan muxsa achunak churir kunayman quqanakaw utjani. Uka quqanakan laphinakapasti janipuniw willirtkaniti, jan samart'asaw uka quqanakax achurakini. Sapa phaxsiw achunak churani, Tatitun utapat misturi umampi qarpatäpxatap layku. Uka achunakasti manq'añatakïniwa, laphinakapasti qullt'asiñatakirakïniwa.

Números 33:9

Mará chiqat sartawayasax Elim chiqaruw puripxäna, kawkhantix tunka payan uma jalsunakampi, paqallqu tunka palmera quqanakamp utjkatayna ukkharu, ukatsti ukawjan utjnuqtapxäna.

Apocalipsis 22:2

umanakapasti markan jach'a thakhip taypi sarakipäna. Purap jawir thiyan quqanakaw utjarakïna; sapa phaxsi achur quqanakänwa, maran tunka payan kuti achur quqanaka. Achunakapax wiñay jakañ chuririwa, laphinakapasti akapach markanakan usunakap qulliriwa.

Apocalipsis 7:17

qhapaq qunuñ taypinkki uka Corderow jupanakarux ovejanakarjam awatini, jakkir uma jalsunakaruw anakirakini, Diosasti taqi jachanakap nayranakapat phiskhurxani” sasa.