2 Samuel 24:16 - Qullan Arunaka DC

¹⁶ Kunapachatix Tatitun angelapax Jerusalén markar niya t'unjañampïskän ukapachasti, Tatitux chuymapan amthapisïna uka jach'a jan wali apayanitapata, ukat uka angelarux säna: “¡Ukkhakamaki, jan juk'ampi lurkxamti!” sasa. Ukapachasti Tatitun angelapax kawkhantix Arauna sat jebuseo jaqix trigo jawq'askän uka jak'ankaskänwa.

Aymar Bibliia 1986

¹⁶ Cunapachatejj angelajj Jerusalén marcaru niya t'unjañampïscän ucapachasti, Tatitojj chuymapan amtaraquïnwa uca jach'a jan wali luratapa, ucatwa angelarojj saraquïna: “¡Ucqhacamaqui, jan juc'ampi lurcjjamti!” sasa. Ucapachasti Tatitun angelapajj cawqhantejj jebuseo Arauna jakejj trigo jawk'cäna ucqhanwa jicjjatasiraquïna.

Qullan Arunaca

¹⁶ Cunapachatejj angelajj Jerusalén marcaru niya t'unjañampïscän ucapachasti, Tatitojj chuymapan amtaraquïnwa uca jach'a jan wali luratapa, ucatwa angelarojj saraquïna: “¡Ucqhacamaqui, jan juc'ampi lurcjjamti!” sasa. Ucapachasti Tatitun angelapajj cawqhantejj jebuseo Arauna jakejj trigo jawk'cäna ucqhanwa jicjjatasiraquïna.

2 Samuel 24:16 Jak'a apnaqawi uñst'ayäwi

Génesis 10:16

Canaán jaqit saraqirinakasti, jebuseo, amorreo, gergeseo,

Génesis 6:6

jupasti jaqir luratapxa wal amtäna. Chuymapsa walirak usuyasïna,

2 Samuel 24:18

Uka pachpa uruw Gad profetax Davidan ukar saräna, ukat jupar sarakïna: “Makhatam, ukatsti Tatitutak mä altar sayt'ayam, kawkhantix Arauna jebuseo jaqix trigo jawq'askän ukawjaru” sasa.

2 Samuel 5:8

Uka urusti Davidax akham satayna: “¡Jebuseonakar katuntirinakax uma canalanjam mantapxpan, ukatsti juykhunakampiru, kayu wixchunakampir jiwaraypan, nayax jupanakar walpun uñista!” sasa. Ukat uka säwix utjaraki: “Janiw juykhunakasa, kayu wixchunakasa Tatitun utaparux mantkaniti.”

1 Reyes 19:4

Ukatsti jupax wasar tuqin mä uru sarnaqasinxa, retama ali thiyaruw qunt'asïna. Jupasti jiwxañak munxäna, sarakïnwa: “¡Tatay, ukkhakamakïxpan! ¡Jakañax apaqxita, janiw nayax nayra awkinakaxat sipan ancha askïkti!” sasa.

2 Reyes 19:35

Ukatsti uka arumpachaw Tatitun angelapax sarasin asirio ejerciton soldadonakapar jiwarayäna, pataka kimsaqallq tunka phisqan waranqa jaqinaka, qhipärmanthi willjtasti taqiniw jiwarat qhantatipxäna.

1 Crónicas 1:14

Canaán chachat saraqirinakax akanakänwa: jebuseo, amorreo, gergeseo,

2 Crónicas 3:1

Salomonax Jerusalenan Tatitun utap lurayañ qalltäna, Moria qulluna, kawkhantix Tatitux David awkipar uñstkatayna ukkharu, kawkharutix Davidax wakichkatayna ukawjaru, jebuseo Ornán chachax kawkhantix trigo jawq'askän ukawjaru.

2 Crónicas 32:21

Tatitusti mä angelaruw khithanïna, ukaw asiriankir reyin taqpach soldadonakaparu, ejercitopan jilïrinakapar tukjäna. Senaquerib reyisti p'inqapuniw uraqipar kutt'awayxäna. Ukatsti diosapan utapar mantkäna ukkhaxa, jupan pachpa yuqanakapaw ukan jupar jiwayapxäna.

Salmos 135:14

Tatituw markaparux chiqapar uñjaski; uywatanakapat khuyapt'ayasiraki.

Salmos 35:6

¡Thakhipax ch'amakäpan, llust'arakïpan, Tatitun angelapamp arktat uñjasipxpan!

Salmos 78:38

Diosasti jupanakat khuyapayasïnwa, ñanqha luratanakap pampachäna, janiw jupanakarux tukjkänti; walja kutiw q'apisiñap t'akurayasïna, janiw phiñasiñapampi atipjayaskänti.

Salmos 90:13

¡Tatay, uñtanxapxakitaya! ¿Kunapachkamarak apanukupxitätasti? ¡Aka uywatanakamat khuyapt'ayasim!

Éxodo 12:13

“ ‘Ukampis juma israelitanakax janiw axsarapxañamäkiti; punkunakar wilampi jawsupkäta ukaw nayatak mä chimpüni. Nayasti uñjasinxa, sarakipawayxakïwa, janiw jilïr wawanakamarux kamachkäsa,

Éxodo 12:23

Tatitux egipcionakar jiwarayir sarakipkani ukapachasti, uta punkun wila uñjasinxa, uka uta sarakipawayxakiniwa, Tatitux janiw jumanakat maynin jiwañapsa munkaniti.

Éxodo 32:14

Tatitusti markapar t'unjañ amtkatayna ukxa armasxänwa.

Éxodo 9:28

Chhijchhimpi, qhixu qhixunakampix walpun purintxi, ukhamasti janiw juk'amp jark'xapxämati. Nanakatak Tatitut mayirapipxita, nayasti sarxapxañamatak antutxapxämawa —sasa.

Isaías 27:8

Tatitux jaya markar apayasaw markapar mutuyi, mä jach'a thayjam phust'asaw apanuku, kunjämtix inti jalsu thayax phust'anki ukhama.

Isaías 57:16

Janiw markaxarux juchañchkäti, janirakiw wiñayatakis phiñaskäti, naya pachpaw jumarux lurassma, janirakiw juman ch'ama laq'ayasiñamsa munkti.

Jeremías 26:19

“Miqueas profetax ukham siskchïna ukasa, juparux janiw jiwayapkänti. Jan ukasti, reyisa, markankirinakasa taqiniw Tatit nayraqatan llamp'usipxäna, Tatitusti jupanakarux pampacharakïnwa. Ukampis jiwasatix Jeremías profetar jiwayañänixa, Tatitux ukham luratasat mutuyistaniwa” sasa.

Jeremías 42:10

‘Jumanakatix aka uraqin qhiparañ munapxstaxa, nayax jumanakarux jach'aruw tukuyapxäma; janiw tukjapkämati, jan ukasti nayaw mä quqarjam ayruntapxäma, janirakiw jik'inukupkämati, uka jan walt'añanak apayanitaxatsti walpun amtarakta.

Amós 7:3

Ukatsti Tatitux uka amtäwip phuqhañ suyt'xiwa, ukat saraki: —¡Janiw kuna mutuyañsa apayankxäti! —sasa.

Amós 7:6

Tatitusti uka amtäwip phuqhañ suyt'xiwa, ukatsti sarakiwa: —¡Janirakiw uka ninsa apayanipkämati! —sasa.

Habacuc 3:2

Tatay, kuntix juma tuqit ist'ktxa, ukhamarak taqi luräwinakamatsa, ukasti nayatakix wali muspharkañawa. Kunja jach'a luräwinaktix khä urunakan lurkäyäta ukanakxa, jichhax jakawinakaxan lurakimaya, ukhamat nanakax uka luräwinakam uñt'apxañaxataki. Phiñasiñaman jikxataskasasa, khuyapt'ayasiñam uñacht'ayapxita.

Zacarías 9:7

Lakanakapatsti manq'apki uka wilararpach aychsa apaqäwa, laka ch'akhanakapatsa jan manq'añ manq'anak apaqarakïwa. Ukampis uka jaqinakatxa yaqhipanakax nayatak qhipaririw utjani; Judá markankiriw tukupxani, Ecrón markasti jebuseo jaqinakjamäpxarakiniwa.

Marcos 14:41

Kimsïr kuti kuttanisinsti sarakïnwa: —¿Ikisipkaktati? ¡Sartapxam! Jaqin Yuqapar katuntir qhuru jaqinakax niyaw akankxapxi, nayar katuntiriw jutapxi.

Hechos 12:23

Ukspachaw Tatitun angelapax Herodesar usuntayäna, Diosäkaspas ukham amuyasitap layku, jupasti laq'unakan manq'antataw jiwxäna.

1 Corintios 10:10

Janirak Diosatakix arusipxamti, kunjämtix jupanakat yaqhipanakax arusipkän ukhama, ukat jiwayir angelax jupanakar jiwarayäna.

2 Corintios 2:6

Kuna mutuyäwtix uka jaqir jumanakax churapkta ukampix phuqhatakiwa.

Josué 15:63

Ukampis Judá ayllut saraqir wawanakax janiw Jerusalén markan jakapkän uka jebuseo jaqinakarux jaqunukurjamäpkänti, ukat jebuseo jaqinakax Jerusalén markan jichhürkam jakasipki, Judá ayllut saraqir wawanakapamp chika.

Jueces 1:21

Benjamín ayllunkirinakasti, janiw Jerusalén markata ukan jakiri jebuseo jaqinakarux alisnukurjamäpkänti. Ukat jichhürkama jebuseonakampi, Benjamín ayllunkirinakampix Jerusalén markan jakasisipki.

Jueces 19:11

uywatapax levitaruw säna: —¡Jichha arumax jebuseonakan markapan ikt'awaysna, ukax walïspati! —sasa.

1 Samuel 15:11

—Saúl chachar reyit utt'ayataxat walpun amtasta, jupasti nayat jithiqtituwa, janirakiw arsutanakaxsa phuqkiti —sasa. Uk ist'asasti Samuelux wali mayjt'asïna, uka arum paqarirakiw Tatituru achikt'asïna.