2 Samuel 24:15 - Qullan Arunaka DC

¹⁵ Ukhamasti, Tatitux mä jach'a usu taqpach Israel markxar apayanïna, ukärmanthit qalltasina, kimsïr urukama; ukatsti Dan markata, Beerseba markakamax paqallq tunka waranqa jaqinakaw jiwaräna.

Aymar Bibliia 1986

¹⁵ Uqhamasti Tatitojj mä jach'a usu apayanïna take Israel marcaru, ucärmanthi alwat kalltasina, cunürutejj tucusiñapäcäna ucacama, uqhamasti Dan sisqui uca marcata, Beerseba marcacamasti pakallko tunca waranka jakenacaw jiwarapjjaraquitaynajja.

Qullan Arunaca

¹⁵ Uqhamasti Tatitojj mä jach'a usu apayanïna take Israel marcaru, ucärmanthi alwat kalltasina, cunürutejj tucusiñapäcäna ucacama, uqhamasti Dan sisqui uca marcata, Beerseba marcacamasti pakallko tunca waranka jakenacaw jiwarapjjaraquitaynajja.

2 Samuel 24:15 Jak'a apnaqawi uñst'ayäwi

2 Samuel 24:2

Ukat reyix ejercitopan jach'a jilïripa Joab chachar säna: —Israel uraqin utjir taqpach ayllunakapar muytanim, Dan chiqata Berseba chiqakama, ukatsti markachirinakar jakthapim, qawqha jaqinakas utjatayna uk nayan yatiñaxataki —sasa.

1 Crónicas 21:14

Ukhamasti Tatitux Israel markarux mä jach'a usu apayanïna, ukatsti paqallq tunka waranq israelita jaqinakaw jiwaräna.

1 Crónicas 27:24

Joab chachasti jakthapiñ qalltäna, ukampis janiw tukuykänti, ukaw Israel markarux jan walt'añ apanïna. Ukat taqpach jakthapitax David reyin qillqatapan jan uñstkiti.

1 Crónicas 27:4

Payïr tamarux payïr phaxsin uñjañax wakt'äna: jilïripax ahohíta Dodai chachänwa.

Isaías 37:36

Uka arumasti Tatitun angelapax sarasin pataka kimsaqallq tunka phisqani waranqa jaqinaka asirionakan campamentopan jiwarayäna, qhipärmanthisti taqiniw jiwarat uñjasipxäna.

Habacuc 3:2

Tatay, kuntix juma tuqit ist'ktxa, ukhamarak taqi luräwinakamatsa, ukasti nayatakix wali muspharkañawa. Kunja jach'a luräwinaktix khä urunakan lurkäyäta ukanakxa, jichhax jakawinakaxan lurakimaya, ukhamat nanakax uka luräwinakam uñt'apxañaxataki. Phiñasiñaman jikxataskasasa, khuyapt'ayasiñam uñacht'ayapxita.

Números 25:9

Ukkhakamasti jiwaratanakax pä tunka pusin waranqa jaqinakänwa.

Mateo 24:7

Mä jach'a markax yaqha jach'a markampiw nuwasini, mä markasti yaqha markampiw ch'axwani, ukapachaw manq'at pist'añanaka, kunayman usunaka, uraq khathatinakax taqi chiqan utjani.

Apocalipsis 6:8

Uñtasinsti mä q'illu caballo uñjarakta. Uka caballor lat'xatatäkän ukan sutipasti “Jiwaña” satänwa, jupan qhipapsti manqha pachan jilïripaw arkäna. Ukatsti panpachaniw munañanïñ kankañ katuqapxäna, akapach uraqin jaqinakar chikatan chikatapar jiwayañataki, nuwasiñanak tuqi, mach'anak tuqi, usunak tuqi, qhuru animalanak tuqi.

1 Samuel 6:19

Tatitusti Bet-semes chiqan utjasir paqallq tunka chachanakaruw jiwarayäna, Tatitun arcap uñantapxatap layku. Uka markankirinakasti ukham uñjasax walpun jachapxäna.