2 Samuel 24:16 - Qullan Arunaca

¹⁶ Cunapachatejj angelajj Jerusalén marcaru niya t'unjañampïscän ucapachasti, Tatitojj chuymapan amtaraquïnwa uca jach'a jan wali luratapa, ucatwa angelarojj saraquïna: “¡Ucqhacamaqui, jan juc'ampi lurcjjamti!” sasa. Ucapachasti Tatitun angelapajj cawqhantejj jebuseo Arauna jakejj trigo jawk'cäna ucqhanwa jicjjatasiraquïna.

Aymar Bibliia 1986

¹⁶ Cunapachatejj angelajj Jerusalén marcaru niya t'unjañampïscän ucapachasti, Tatitojj chuymapan amtaraquïnwa uca jach'a jan wali luratapa, ucatwa angelarojj saraquïna: “¡Ucqhacamaqui, jan juc'ampi lurcjjamti!” sasa. Ucapachasti Tatitun angelapajj cawqhantejj jebuseo Arauna jakejj trigo jawk'cäna ucqhanwa jicjjatasiraquïna.

Qullan Arunaka DC

¹⁶ Kunapachatix Tatitun angelapax Jerusalén markar niya t'unjañampïskän ukapachasti, Tatitux chuymapan amthapisïna uka jach'a jan wali apayanitapata, ukat uka angelarux säna: “¡Ukkhakamaki, jan juk'ampi lurkxamti!” sasa. Ukapachasti Tatitun angelapax kawkhantix Arauna sat jebuseo jaqix trigo jawq'askän uka jak'ankaskänwa.

2 Samuel 24:16 Jak'a apnaqawi uñst'ayäwi

Génesis 10:16

Canaanatwa jebuseonacajj sarakapjje, amorreonacasa, gergeseonacasa,

Génesis 6:6

jupajj jaquir uscutapjja wal amtäna, walirac chuymapjja usuyasïna,

2 Samuel 24:18

Uca pachpa uruw Gad sat chachajj Davidan ucar saräna, ucatsti saraquïna mä altar sayt'ayañapataqui cawqhantejj Arauna jebuseo jakejj trigo jawk'cäna uca chekaru.

2 Samuel 5:8

Davidasti ucapachajj saraquïnwa: “Qhitinacatejj jebuseo jakenacaru nuwjcani ucanacasti uma canalanjam mantapjjpan, ucatsti juyqhunacampiru, cojonacampiru jiwaraypan, nayasti ucanacarojj walpun uñisiractjja.” Ucatwa uca säwejj jutaraqui, “Juyqhunacasa, cojonacasa janiw Tatitun utaparojj mantapcaspati” sasa.

1 Reyes 19:4

Ucatsti jupajj wasar tokeruw sarjjäna, ucatjja mä uru jornala sarasinjja mä retama ali thiyaruw kont'asïna. Jupasti jiwjjañacwa munäna aqham sasa: “¡Ucqhaquëjjpan Tata! ¡Nayarojj jacañajj apakjjeta, nayajj janiw ancha sumäcti awquinacajjata sipana!” sasa.

2 Reyes 19:35

Uca arumpachaw Tatitun angelapajja Asirian campamentopar sarasina jiwarayäna pataca quimsakallk tunca pheskani waranka jakenaca, ucatsti khepärmanthi alwasti takeniwa jiwatcama khantatipjjäna.

1 Crónicas 1:14

Canaán chachat jutirinacasti acanacänwa: jebuseonaca, amorreonaca, gergeseonaca,

2 Crónicas 3:1

Salomonajj Jerusalén marcanjja Tatitutaqui mä templo lurañyawa kalltäna, Moriah kolluna, cawqhantejj Tatitojj uñstcäna David awquiparu ucqhana, uqhamaraqui cawqharutejj Davidajj waquichcäna ucqharu, jebuseo Ornán chachajj trigo jawk'ascäna ucqharu.

2 Crónicas 32:21

Ucatsti Tatitojj mä ángel qhitanïna ucatsti tucjänwa take soldadonacaru, capitananacaru, uqhamarac asirianquiri reyin campamentopana jilïrinacaparusa. Ucatsti Senaquerib reyejj wali p'enkasiñampi phokt'atawa orakeparu cutt'awayjjäna. Ucatjja cunapachatï diosapana temploparu mantcäna ucqhawa jupan pachpa yokanacapajj jupar jiwayapjjäna.

Salmos 135:14

Tatituw marcaparojj chekapar uñjasqui, uywatanacapat qhuyapt'ayasiraqui.

Salmos 35:6

thaquipajj ch'amacäpan, llust'araquïpan, Tatitun angelapamp arctat uñjasipjjpan.

Salmos 78:38

Diosasti jupanacat qhuyapayasïnwa, ñankha luratanacap pampachäna, janiw jupanacarojj tucjcänti: walja cutiw k'apisiñap t'acurayasïna, janiw tipusiñapamp atipjayascänti;

Salmos 90:13

Tatay, uñtanjjapjjaquitaya, ¿cunapachcamarac apanucupjjetätasti? Aca uywatanacamat qhuyapt'ayasim;

Éxodo 12:13

‘Ucampis wilawa mä unanchäni jumanacajj cawquïr utancapcätatejj ucatjja. Nayasti wila uñjasinjja pasawayjjaquïwa, ucatsti janiw maynis jumanacatjja jiwcaniti, cunapachatejj egipcionacaru jiwaraycä ucqhajja.

Éxodo 12:23

Tatitusti egipcionacaru jiwarayir jutasinsti, uta puncuna wila uñjasinjja pasawayaquiniwa uca utjja, uqhamatwa Tatitojj jani jiwjja utanacamaru mantayancaniti jiwayañataquejja.

Éxodo 32:14

Ucampis Tatitojj jakenacar cun lurañataquitejj amtas arscäna ucjja janiw lurcjjänti armasjjänwa.

Éxodo 9:28

Chhijchhimpi, khejjokhejjonacampisti walipuniw purintjje, jichhasti Diosaruy mayipjjam uca nina chhijchhimpi, khejjokhejjonacampi apakañapataqui, nayasti antutjjapjjämawa sarjjapjjañamataqui, janiw jarq'jjäpjjämati —sasa.

Isaías 27:8

Diosajj marcaparojj jaya marcar apayasaw mutuyi, may phust'asaquiraquiwa apanucu, cunjämtejj thayajj inti jalsu toket phust'anejj uqhama.

Isaías 57:16

Janiraquiw marcajjarojj juchañchcapunïtejja, janiraquiw wiñayataquis colerascäti, uqhama lurasasti cawquïri jakenactejj nayajj uscta jupanacajj ch'ama chhaktayasipjjaspa naya nayrakatanjja.

Jeremías 26:19

“¿Uqhamasti Ezequías reyisa, uqhamaraqui Judá marcanquir jakenacasa Miqueasarojj jiwayapjjaraquïnti? Ucatsipana take cuntejj lurapcäna ucanacajj mayjänwa: Reyejj Tatituruw ajjsartäna, ucatsti qhuyapt'ayasita sasaw mayisiraquïna. Ucatsti Tatitojj janiw apayancjjänti cuna jach'a t'akhesiñtejj apayaniñataqui arscatayna ucjja. ¿Uqhamasti jiwasajj aca jakerojja jiwayascaquiñäniti, ucatsti t'akhesiscaquiraquiñäniti uqham luratasatjja?” sasa.

Jeremías 42:10

‘Jumanacatejj aca oraken kheparaña munasipcsta ucajj, nayajj jumanacarojj jach'aruw aptapjjäma; janiw tucjapcaraquïmati, jan ucasti nayaw ayruntapjjäma, janiraquiw jiq'inucupcämati, uca jan walt'añanaca apayanitajjatsti walpun amtaracta.

Amós 7:3

Ucatsti Tatitojj amtäwipjja jaytjjewa, ucatjja saraquiwa: “¡Ucajj janiw uqhamäcjjaniti!” sasa.

Amós 7:6

Ucatsti Tatitojj amtäwipjja jaytjjewa ucatjja saraquiwa: “¡Ucas janiraquiquiw uqhamäcjjaniti!” sasa.

Habacuc 3:2

“Cuntejj jumat ist'tjja, take luräwinacamata, ucasti wali muspharañaraquiw nayataquejja. Jichhasti luraraquimay jacäwinacajjana, cunj jach'a luräwinactejj qhä urunacan lurcäyätajja, uqhamat nanacajj uñt'apjjañajjataquiraqui. Jichhasti qhuyapt'ayasiñama uñacht'ayapjjeta, colerasiñaman jicjjatascasasa.

Zacarías 9:7

Lacapatsti apakaraquïwa wilamppach aychjja mank'apqui ucjja, laca ch'aqhanacapatsa jan mank'añ mank'anacsa. Ucampisa uca jakenacatjja yakhepanacajj nayatac khepaririw utjapjjanejja; Judá marcanquirinacaraquiw tucunejja, Ecrón marcasti Jebuseonacjamäpjjaraquiniwa.

Marcos 14:41

Quimsïri cutin jutasinsti saraquïnwa: —Jichhacuch icjjapjjam, samarapjjaraquim, uqhamaquïpan, horasajj purinjjewa, Jaken Yokapasti juchararanacan amparapar catuyatäjjaniwa.

Hechos 12:23

Ucspachaw Tatitun angelapajj Herodesar usuntayäna, Diosan sutip jan jach'achatap laycu. Ucatsti jisc'a lak'onacan mank'antataw Herodesajj jiwjjäna.

1 Corintios 10:10

Janiraqui jumanacajj jupanacjam Dios contrajj parlapjjamti. Uqham lurapjjatapatsti jupanacarojj jiwayir angelaw jiwarayäna.

2 Corintios 2:6

Cuna mutuyäwtï uca jakeru jumanacajj tantachasïwiman churapcta ucajj phokhataquiwa.

Josué 15:63

Ucampis Judá tribun wawanacapajj janiw Jerusalén marcan jebuseo jakenacarojj jakonucuñ puedcänti, jichhürcamas jupanacajj jacasipcaquiwa Judá tribun wawanacapampi chica.

Jueces 1:21

Ucampis Benjamín sat tribunquirinacasti janiw Jerusalén marcatjja jebuseos satanacajj uca marcan jacapcäna ucanacarojj alisnucupcänti. Uca laycuwa jichhürcamajja jebuseonacampi, Benjamín sat tribunquirinacampejj mayaqui Jerusalén marcanjja jacasipqui.

Jueces 19:11

Ucampis uywatapajj, levitarojj sänwa: —¿Waliquispati jichha arumajja jebuseonacan marcapana ict'awaysna ucajja? —sasa.

1 Samuel 15:11

“Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.