2 Samuel 24:17 - Qullan Arunaka DC

¹⁷ Davidasti angelar jaqinak tukjir uñjasaxa, Tatituruw säna: —¡Nayaw jucha lurta! ¡Nayaw juchanïtxa! ¿Aka jaqinakasti kuna juchanirakisti? ¡Nayasti achikt'asiraksmawa, mutuyäwimax nayampitaki, wila masinakaxampitakïpan! —sasa.

Aymar Bibliia 1986

¹⁷ Cunapachatejj Davidajj uca marcaru ñankha lurir angelaru uñjcän ucapachasti saraquïnwa Tatiturojja: —¡Nayaw jucha lurtjja! ¡Nayaw juchanïtjja! Ucampisa ¿cunsa aca jan juchaninacajj lurapjje? ¡Nayasti achict'asiracsmawa, mutuñamajj nayjjaru, uqhamaraqui familiajj-jjaru puriñapa! —sasa.

Qullan Arunaca

¹⁷ Cunapachatejj Davidajj uca marcaru ñankha lurir angelaru uñjcän ucapachasti saraquïnwa Tatiturojja: —¡Nayaw jucha lurtjja! ¡Nayaw juchanïtjja! Ucampisa ¿cunsa aca jan juchaninacajj lurapjje? ¡Nayasti achict'asiracsmawa, mutuñamajj nayjjaru, uqhamaraqui familiajj-jjaru puriñapa! —sasa.

2 Samuel 24:17 Jak'a apnaqawi uñst'ayäwi

Génesis 18:23

Jupar mä juk'ampi jak'achasisax jiskt'änwa: —¿Jan juchani jaqinakarux jucharar jaqinakamp chik t'unjarakïtati?

Génesis 44:33

Ukat jichhax jumar achikt'assma, nayaw juman t'aqhisiyat luqtirimat aka wayna lanti qhiparä. Jupasti jilanakapamp chika sarxpan.

2 Samuel 12:13

Davidasti Natán nayraqatan juchanïtap uñt'asïna, sarakïnwa: —Nayax Tatit nayraqatan jucha lurta —sasa. Natanasti ukxaruw sarakïna: —Tatitux janiw juchamat mutuykätamti, janiw jiwkarakïtasa.

2 Samuel 24:10

Davidasti taqi jaqinak jakthapiyasax chuymapan jan wali luratap amuyasïna, ukat Tatitur arsusxäna: “Tatay, nayax uk lurasax mä jach'a jucha lurta, ukampis Tatay, juchaxat pampacht'itaya, jan amuyt'asir jaqjamaw uk lurta” sasa.

2 Samuel 7:8

Ukhamasti, David luqtirixarux saskakim, naya, taqi ch'aman Tatituw jupar sista: ‘Nayaw jumarux uywa awatkirit irpsunsma, oveja taman qhipap sarañatsa irpaqaraksma, Israel markaxan jilïripäñamataki;

1 Reyes 22:17

Ukat Micaiasax säna: “Nayax israelitanakar taqpachaniruw qullunakan ananukutäskir uñjta, jan awatirin ovejanakar uñtata. Tatitusti siwa: ‘Akanakax janiw awatirinïpkiti; sapa maynis sumankañampik utaparkam kutt'pan’ ” sasa.

Job 42:6

Ukatpï jichhax laq'a taypina, qhilla taypin qunt'ata taqi arsutanakaxat chuym liq'istxa.

Job 7:20

Jucha lurataxatix utjchi ukasti, jaqinakan uñjiripa, ¿kuna ñanqharak lursmasti? ¿Kunatarak nayamp katxatasistasti? ¿Jumatakix mä jathi q'ipjamätcha?

Salmos 32:5

Jucha lurataxatsti, jan akch'as imaqasaw arsusta; juchanakax jumar arsusiñatakiw amtta, Tatay, jumasti juchanakaxat pampachistawa.

Salmos 44:11

11 (12) Khariñ ovejanakarjamaw amparapar katuyapxista; Diosar jan uñt'ir markanak taypiruw anatatapxista;

Salmos 74:1

Diosay, ¿kunatarak apanukt'asipxistasti? ¿Kunatarak q'apisiñamasti tamamankir ovejanakatak nakhisti?

Salmos 78:71

ovej tamanakan qhipap sarañat irpaqanïna, Jacobun markapar awatiñapataki, Israel markan awatiripäñapataki.

Éxodo 10:16

Faraonasti jank'akiw Moisesampiru, Aaronampir jawsayanïna, jupanakarusti akham säna: —Nayax jumanakan Tatit Diosamatakiw juchachasta, jumanakatakis juchachasiraktwa,

Isaías 6:5

Nayasti sarakïyätwa: “¡Ay, kunakïkan nayatakixa, jichhax jiwapunïwa! Nayraxampiw taqi ch'amani Tatitu Reyirux uñjta, nayasti jucharar jaqïtwa, jucharar jaqinak taypin jakarakta” sasa.

Jonás 1:12

Jonasasti jupanakarux sänwa: —Qutar jaquntapxita, ukat mathapinakax t'akurxani, nayaw juchanïtxa aka jach'a thayan jumanakxar jutañapataki —sasa.

Zacarías 13:7

Taqi ch'aman Tatitux siwa: “¡Sartasim espada, ajllit reyixaru jiwayam! ¡Munat awatirixar jiwayam, ukhamat markaxax ovejanakar uñtat aywitatani, nayasti saraqirinakaparux q'ala tukjarakï!

Números 16:22

Moisesampi, Aaronampisti ajanup uraqir puriñkamaw alt'apxäna, Tatiturux sapxarakïnwa: —Tatit Diosay, jumaw taqi jaqinakarus jakañ churtaxa, ¿mä sapa jaqin juchap laykukiti taqpach markatak q'apisïtasti? —sasa.