2 Corintios 6:7 - Qullan Arunaka DC

⁷ ukatsti Diosan chiqa arunakap jupan ch'amapampi parlapxatax laykuraki, kunatix chiqapäki uk arsupxta, ukampipuniw sayt'asipxarakta.

Aymar Bibliia 1986

⁷ ucatsti Diosan cheka arunacap jupan ch'amapampi parlapjjatajj laycuraqui, cunatejj chekapäqui ucampipuniw nuwantapjjta, uqhamarac sayt'asipjjaracta.

Qullan Arunaca

⁷ ucatsti Diosan cheka arunacap jupan ch'amapampi parlapjjatajj laycuraqui, cunatejj chekapäqui ucampipuniw nuwantapjjta, uqhamarac sayt'asipjjaracta.

2 Corintios 6:7 Jak'a apnaqawi uñst'ayäwi

Salmos 119:43

Janikiy lakaxat chiqa arunak apaqistati, nayax arunakamaruw chuymax uchta.

Éxodo 14:22

Ukatsti israelitanakax waña uraqinjam quta makhatapxäna. Uma jaljtatasti pä jach'a pirqar uñtatänwa, mayax kupi tuqina, mayasti ch'iqa tuqina.

Proverbios 3:16

Kupi amparampix walja maranak jakañ churi, ch'iqa amparampisti qamir yänakampi, aytat kankañamp churaraki.

Isaías 11:5

Chiqapar uñjañampi, chiqa kankañampi isthapitäniwa.

Isaías 59:17

Atipjañampisti mä jark'aqasiñampjamaw isthapisi, qhispiyasiñampix p'iqipar mä cascompjamaw asxatasi, phuqsusiñampisti mä isimpjamaw isthapisi, phiñasiñapampisti mä jach'a isimpjamaw llawuntasi.

Marcos 16:20

Ukatsti yatiqirinakapax qhispiyasiñ arunak taqi tuqin yatiyapxäna; pachpa Tatituw jupanakarux yanapaskäna, kunayman muspharkañanak lurayasa, ukhamat arunakapan chiqätap uñacht'ayäna.

Hechos 11:21

Tatitun ch'amapax jupanakampïnwa, ukat waljaniw Tatitur iyawsapxäna, taqi jan wali luräwinakap apanukusa.

1 Corintios 1:24

ukampis Diosan jawsatanakatakix judiöpas janis judiöpkpan, jupanakatakix Cristox Diosan ch'amapawa, yatiñ kankañaparakiwa.

2 Corintios 13:4

Chiqpachansa pisi ch'aman jaqjamaw ch'akkatat uñjasïna, ukampis Diosan ch'amap laykuw jakaski. Uka kipkarakiw nanakax jupankasax pisi ch'ama kankañanïpxta, ukampis jupampi mayakïxasax Diosan ch'amap laykuw jakapxta, ukhamat jumanakar yanapt'añataki.

2 Corintios 2:17

Janiw nanakax Diosan yatiyäwi arunakap aljas sarnaqapkti, kunjämtix waljaninakax lurapki ukhama; jan ukasti, taqi chuymaw Diosan nayraqatapan yatiyapxta, Cristompi mayakïtanakax layku.

2 Corintios 4:2

Janiw kunatsa p'inqasipkti, janirakiw kunsa jamasanakan lurapkti; janiw jan wali amtañanakampi sarnaqapkti, janirakiw Diosan arunakapsa maysar q'iwipkti. Jan ukasti, kunatix chiqäki ukak arsupxta, ukhamat taqinimpis Diosan nayraqatapan askit uñt'ayasipxta.

2 Corintios 7:14

Nayax jumanakat kusisitax Titor yatiyta, uk sasax janiw pantjaskti. Jan ukasti, kuntix jumanakar sapkäyäsma ukax chiqawa, Titor sapkta ukas chiqarakiwa: nanakax jumanakat wal kusisipxta.

Efesios 1:13

Cristonkasaw jumanakax suma yatiyäwin chiqpach arunakap ist'apxtaxa, qhispiyasiñ suma arupa, iyawsañat katxarusipxtaxa, ukatsti Cristox arsuwaykistu uka Qullan Ajay katuqapxaraktaxa.

Efesios 3:20

Jichhasti Diosax jach'añchatäpan, jupax ch'amaniwa kuntix mayktan, lup'karaktan ukanakat sipan juk'ampi lurañataki, jiwasanakan luraski uka ch'amapat yuspagaratäpan.

Efesios 4:21

chiqpachansa jumanakax jupat yatiyäwi ist'apxtaxa, ukat jumanakax kunjämtix jupax munki ukham jakañ yatiqapxtaxa, Jesusankki uka chiqa kankañaparjama.

Colosenses 1:5

kawkïr suyt'äwitix jumanakatak alaxpachan imatäski uka layku. Uka tuqitsti niyaw ist'apxta kunapachatix Diosan suma yatiyäwi arunakapax arsutäkän ukkhatpacha,

1 Tesalonicenses 5:8

ukampis jiwasanakax urunkirjamax amuyasiñasapuniwa. Iyawsäwimpi, munasiñampix mä qhawampjam uskuntataw jark'aqasiñasa, qhispiyasiñ suyt'äwimpisti mä cascompjamaw asxatasiñasa.

2 Timoteo 2:15

Kunäkipansa, Diosan nayraqatapan suma irnaqirjam uñstañatak ch'amachasim, jan kunat p'inqa tukur irnaqir jaqjama, Tatitun chiqa arunakap yatichirjama.

2 Timoteo 4:7

Taqi kunan Diosar jaysañ laykux walpun ch'amachasiwayta, jichhasti jikxatawaytwa; jalañaxan tukuyäwiparuw purta, janipuniw iyawsañax chhaqhayasiwaykti.

Hebreos 2:4

Ukhamarus Diosax unañchanakampi, muspharkañ luräwinakampiw uñacht'ayistu, ukatsti Qullan Ajay tuqiw kunayman lurañanak munañaparjam churistu.

Santiago 1:18

Jupax ukham munatap laykux jiwasarux chiqa arunakap tuqiw jakañ churistu, jupan luräwipan nayrïr achupäñasataki.