2 Corintios 6:7 - Qullan Arunaca

⁷ ucatsti Diosan cheka arunacap jupan ch'amapampi parlapjjatajj laycuraqui, cunatejj chekapäqui ucampipuniw nuwantapjjta, uqhamarac sayt'asipjjaracta.

Aymar Bibliia 1986

⁷ ucatsti Diosan cheka arunacap jupan ch'amapampi parlapjjatajj laycuraqui, cunatejj chekapäqui ucampipuniw nuwantapjjta, uqhamarac sayt'asipjjaracta.

Qullan Arunaka DC

⁷ ukatsti Diosan chiqa arunakap jupan ch'amapampi parlapxatax laykuraki, kunatix chiqapäki uk arsupxta, ukampipuniw sayt'asipxarakta.

2 Corintios 6:7 Jak'a apnaqawi uñst'ayäwi

Salmos 119:43

Janiquiy lacajjat cheka arunac apakestati, nayajj arunacamaruw chuymajj uchta.

Éxodo 14:22

Ucatwa israelitanacajja kotjja maqhatapjjäna waña orakenjama. Ucampis uma jaljtatasti pä perkjamänwa mayajja cupi tokena, mayasti ch'eka tokena uqhama.

Proverbios 3:16

Cupi amparampisti walja maranac jacañwa churi, ch'eka amparampisti kamirïñampi, jach'achatäñampwa churaraqui.

Isaías 11:5

Chekaparu uñjaña cancañampi, suma chuymampi isthapitaw sararaquini.

Isaías 59:17

Atipjañampisti hierro chalecompjamaw isthapisi, khespiyasiñampejj p'ekepar mä cascompjamaw uchasi, phoksusiñampisti mä isimpjamaw isthapisi, colerasiñapampisti mä mantompjamaw llawuntasiraqui.

Marcos 16:20

Ucatsti discipulonacapajj khespiyasiñ arunac take token yatiyapjjäna. Pachpa Tatituraquiw jupanacarojj yanapascäna, cunayman muspharcañanac lurayasa, arunacapan chekätap uñacht'ayañataqui.]

Hechos 11:21

Tatitun ch'amapasti jupanacampïnwa. Ucatwa walja jakenacajj Tatitur iyawsapjjäna, take jan wali luräwinacap apanucusa.

1 Corintios 1:24

Ucampis qhitinacarutejj Diosajj jawsqui, judiöpasa, jan judiöpasa ucanacataquejj Cristojj Diosan yatiñ cancañapawa, ch'amaparaquiwa.

2 Corintios 13:4

Chekpachansa mä pisi ch'ama jakjam ch'accatatänwa, ucampis Diosan ch'amapampiw jichhajj jacasqui. Uqhamaraquiw nanacajj jupjam pisi ch'amanjamäpjjtjja, ucampis jupampi chicäjjasinjja Diosan ch'amapanwa jacjjapjjtjja jumanacar sirviñataqui.

2 Corintios 2:17

Nanacajj janiw Diosan arunacapjja mä alaquip lurañar uñtata churapcti, cunjämatejj yakhepanacajj lurapjje uqhama. Diosan arunacapjja take chuymaw yatiyapjjta, Diosan qhitatanacapjama, Dios nayrakatan parlasa, Cristonquir jakenacjamaraqui.

2 Corintios 4:2

Cunatejj jamasan lurasqui, uqhamarac cunatejj p'enkäqui ucanacjja apanucupjjtwa. Janiw jan wali amtañanacampi sarnakapcti janiraquiw Diosan arunacapsa maysar k'ewipcti. Cunatejj chekäqui ucacwa parlapjjtjja, uqhamataracwa takenimpis waliquiw sayasipjjaractjja Dios nayrakatanjja.

2 Corintios 7:14

Uqhamatwa jan nayajj mä p'enka uñjascti cunapachatï Titorojj jumanacatjj: “Wal cusista” siscäyät uca toketjja. Take cuntï jumanacar sapcäyäsma ucajj chekäscapuniwa. Uqhamaraquiw Titorojj cuntï jumanacat sapcäyät ucajj cheka uñstawayi, jumanacat cusisipjjatanacajjajja.

Efesios 1:13

Cunapachatejj jumanacajj Tatitun khespiyasiñ arunacap ist'apjjta ucqhajja, Cristorojj iyawsapjjtawa, juparuw mayachasjjapjjaractajja uqhamarac Diosanquirinacjamajj Kollan Ajayumpi sellatäjjapjjaractawa cawquïrtejj jupajj qhitaniñatac arsuwaycäna ucampi.

Efesios 3:20

Jichhajj Diosajj jach'añchatäpan, jupajj ch'amaniwa cuntejj mayctan, lup'caractan ucanacata juc'ampi lurañataqui, ch'amap toke jiwasanac taypina luratapata.

Efesios 4:21

jumanacatejj chekpachan juparu ist'apjjsta uqhamarac jupamp yatichatäpjjsta Jesusan asqui luräwinacaparjama ucajja.

Colosenses 1:5

cuna suyt'äwtï jumanacajj suyasipcta uca laycu, ucasti jumanacataquejj alajjpachan imatäsquiwa. Uca suyt'äwsti jumanacajj catokapjjaractawa Diosan khespiyasiñ arunacap ist'apjjatam laycu.

1 Tesalonicenses 5:8

Ucampis jiwasanacajj urunquirjamajja, amuyasiñasapuniwa. Jarc'akasiñasawa iyawsañampi, uqhamarac munasiñampi, khespiyasiñataqui suyt'añajj mä cascjamawa p'ekesaru imantañapajja.

2 Timoteo 2:15

Cunäquipansa, mä suma irnakerjama Diosan nayrakataparu uñstam, jan cunatsa p'enkasiñani, chekaparu Tatitun arunacap parlasinaraqui.

2 Timoteo 4:7

Nayajj suma nuwasïwjja nuwastwa, tucuyäwcamaw jalaracta, iyawsañsti janiraquiw chhakaycti.

Hebreos 2:4

Uqhamarusa, Diosaraquiw khanañcharaqui unañchanacampi, muspharcañ jach'a luräwinacampi, walja milagronacampi, uqhamarac cunayman toket churquistu uca Kollan Ajayu toke, munañaparjama.

Santiago 1:18

Jacañwa churistu cheka arunacap toke, uqhamata jiwasajj nayräwiri achunacjamäñasataqui, cuntï jupajj lurqui ucanjja. Jupasti uqhamäñasracwa muni.