2 Corintios 6:8 - Qullan Arunaka DC

⁸ Yaqhip urunakax jach'ar aptatäpxtwa, yaqhip urunakasti ñanqhachatäpxtwa; yaqhip urux nanakat sum parlapxi, yaqhip urusti jan walirak nanakat parlapxi. Chiqap parlapkta ukasa, k'ari jaqinakarjamaw uñjapxitu.

Aymar Bibliia 1986

⁸ Horasajj jach'ar aptatäpjjtwa, horasasti jisc'achatäpjjaractwa. Horasajj jan walinac nanacjjat parlapjje, horasasti walinacraqui; horasajj c'ari jakenacarjamaw uñjapjjetu, ucampis chekwa parlapjjta.

Qullan Arunaca

⁸ Horasajj jach'ar aptatäpjjtwa, horasasti jisc'achatäpjjaractwa. Horasajj jan walinac nanacjjat parlapjje, horasasti walinacraqui; horasajj c'ari jakenacarjamaw uñjapjjetu, ucampis chekwa parlapjjta.

2 Corintios 6:8 Jak'a apnaqawi uñst'ayäwi

Mateo 10:25

Mä yatiqiritix yatichiripjamäxchixa, ukampix kusisitakïxañapawa, mä uywatatix uywiripjamäxchixa, ukampix kusisitakïxañapawa. Utanirutix Beelzebú sas sutichapxchixa, juk'amp jan walinak utankirinakarux sapxani.

Mateo 22:16

Ukatsti Jesusan ukaruw khithapxäna mä qawqha fariseonakampi, Herodesan arkirinakampi, akham sañapataki: —Yatichiri, yatipxtwa chiqa arsur jaqïtama, taqi kunan Diosar jaysañxat yatichatama, kuns jaqix yatichäwimat saskpan ukar juman jan yäqatamsa.

Mateo 27:63

sapxarakïnwa: —Tata, jakaskän ukkhax kuntix uka k'ari jaqix siskäna uk amtasipxta, jupasti sänwa: “Kimsürut jaktawayxä” sasa.

Marcos 12:14

Jupanakasti purinisinxa sapxänwa: —Yatichiri, yatipxtwa chiqa arsur jaqïtama, kuns jaqix yatichäwimata saskpan ukar juman jan yäqatamsa, ukampis jumax taqi kunan Diosar jaysañxat yatichtaxa. Jichhax sapxita: ¿Cesarar qullqi churañax wakisiti, jan ukax janicha? ¿Churapxiristti jan ukax janicha? —sasa.

Juan 7:12

Jaqinak taypin walpun jupat parlapxäna. Mayninakax sapxänwa: “Suma jaqiwa” sasa; mayninakasti sapxarakïnwa: “Janiw wali jaqïkiti, jaqirux sallqjiwa” sasa.

Hechos 10:22

Jupanakasti ukxaruw sapxäna: —Cornelio capitanaw khithanipxitu. Jupax aski jaqiwa, Diosar axsartas sarnaqir jaqirakiwa, judío jaqinak taypin sumat uñt'ata, taqinin munatawa. Diosan mä angelapaw jupar uñstasin satayna: “Utamar Pedro irpayanim, jupax siskätam uk sum ist'äta” sasa.

Hechos 16:39

Ukat taripirinakax Pablompiru Silasampiruw sumachapxäna. Carcelat jupanakar irpsusinsti, markat sarxapxañapatakiw achikt'apxarakïna.

Hechos 22:12

“Uka markansti mä chachaw utjäna, Ananías sata. Jupasti Dios chuyma jaqïnwa, Moisesan kamachip jaysirirakïnwa; Damasconkir judío jaqinakax jupar wali sumat uñt'apxäna.

Hechos 24:5

Aka jaqix markar jan walt'ayir jaqiwa. Taqi chiqan judionakarux ch'axwayi, pitthapiraki, nazareno sat tamankirinakan p'iqichiripawa.

Hechos 28:22

Ukampis nanakax juman amuyum ist'añ munapxirista; taqi chiqan aka machaq tamat jan walinak arsupxatap nanakax yatipxta —sasa.

Hechos 4:21

Uka jilïrinakasti axsarañ churasaw apostolunakar khithanukxapxi. Markar axsarasin janiw kunjämatsa jupanakar mutuyañ jikxatapkänti, kunatix luraskatayna ukat Diosar taqin yupaychapxatap layku.

Hechos 5:13

Yaqhanakax janiw jupanakamp chikachasiñ munapkänti, ukampis markax jupanakar wal munasïna.

Hechos 6:3

Ukhamasti jilatanaka, jumanak taypit paqallq chachanak ajllipxam. Uka chachanakasti sarnaqäwinakapan aski chachanakäñapawa, Qullan Ajayump phuqt'ata, suma amuyt'irinakaraki, jupanakaruw uka lurañanak churañäni.

Romanos 3:8

Ukhamïpansti, ¿aski utjañapatakisti, jan wali lurañat wakisispasti? Yaqhipanakax nayar aynacht'ayañatakix ukkham yatichi sapxituwa; ukampis uka jaqinakan juchañchatäñapaw wakisi.

2 Corintios 1:18

Ukampis Diosax yatiskiwa, nanakax janiw jumanakar “jïsa, janiwa” sasax parlapksmati.

2 Corintios 11:21

Akanak arsutaxax p'inqasiykchitu ukasa, chiqpachansa nanakax jumanakatakix sinti alt'at chuymaniw tukupxäyätxa, uka jaqinakjama jumanakaru lurañatakixa. Ukampis mayninakatix jach'achasiñ munchixa, nayas jach'achasiñ munaraktwa, ukax luqhi lurañäskpasaya.

2 Corintios 12:16

Jumanakax yatipxtawa, janiw nayar qullqi churañ layku jumanakan llakisipxañam munkäyätti. Ukampis yaqhipanakax nayat sapxiwa: “Amtañampiw ukar jalt'ayasin sallqjistu” sasa.

2 Corintios 4:2

Janiw kunatsa p'inqasipkti, janirakiw kunsa jamasanakan lurapkti; janiw jan wali amtañanakampi sarnaqapkti, janirakiw Diosan arunakapsa maysar q'iwipkti. Jan ukasti, kunatix chiqäki ukak arsupxta, ukhamat taqinimpis Diosan nayraqatapan askit uñt'ayasipxta.

1 Tesalonicenses 2:3

Yatichäwinakaxanxa janiw pantjatäpkäyätti, janirakiw khitirus jan wali amtäwinakampi, sallqjañ amtäwimpis parlapkti.

1 Timoteo 3:7

Tatitur jan iyawsapki uka jaqinak taypin aski jaqit uñt'atäñapawa, jan p'inqachat uñjasiskañapataki, janirak supayan sipitaparus jalt'askañapataki.

1 Timoteo 4:10

Ukatakiw jisk'achatäkasas irnaqañatak ch'amachastan, jakkir Diosarus katuyasiraktan, jupasti taqinin Qhispiyiripawa, ukat juk'ampi jupar iyawsapki ukanakan Qhispiyiripawa.

Hebreos 13:13

Ukhamasti Jesusampi chikay campamento anqäxar mistuñäni, ukatsti kunjämtix jupax t'aqhisiwayki uka kipkarak t'aqhisiñäni.

1 Pedro 4:14

Cristo laykutix jumanakar jan wali arunakamp tuqipxätamxa, kusisiñanïpxtawa, Diosan Ajayupax jumanakampïskiwa.

3 Juan 1:12

Demetrio jilatan chiqa sarnaqatapat taqiniw arsupxi. Nanakas uka pachparakiw arsupxta, jumasti nanakan chiqa arsutanakax sum yattaxa.

Apocalipsis 3:9

Uñjätawa, kuntix supayan tamapankasipki uka k'ari jaqinakampi lurkä uka. Jupanakax judío jaqjamaw tukupxi, ukampis chiqpachan janiw judío jaqinakäpkiti. Juma nayraqatan jupanakar killt'asiyä, nayan jumar munasitax yatipxañapataki.