2 Corintios 6:9 - Qullan Arunaka DC

⁹ Jan uñt'at jaqinakarjamaw uñjapxitu, wali uñt'atäpkta ukasa. Nanakax niy jiwirpachjamäpxtwa, ukampis jakasipkaktwa; jawq'japxituwa, ukampis janiw jiwayapkituti.

Aymar Bibliia 1986

⁹ Horasasti jan uñt'at jakenacarjamaraquiw uñjapjjetu, ucampis wali uñt'atäpjjtwa; horasajj jiwañar purirjamaraquiw uñjasipjjtjja, ucampis jacasipcaractwa; mutuyataw uñjasipjjta, ucampis janiw jiwayatäpcti.

Qullan Arunaca

⁹ Horasasti jan uñt'at jakenacarjamaraquiw uñjapjjetu, ucampis wali uñt'atäpjjtwa; horasajj jiwañar purirjamaraquiw uñjasipjjtjja, ucampis jacasipcaractwa; mutuyataw uñjasipjjta, ucampis janiw jiwayatäpcti.

2 Corintios 6:9 Jak'a apnaqawi uñst'ayäwi

Hechos 17:18

Yaqhipanakax epicúreo, ukhamarak estoico sat yatiñan jaqinakänwa, jupanakasti Pablompiw jiskhintasipxäna. Mayninakax sapxänwa: —¿Kunxatarak aka jaqist parlisti? —sasa. Yaqhipanakasti sapxarakïnwa: —Yaqha markankir jan uñt'at diosanakat parlir jaqjamakiwa —sasa. Jupanakax Jesusan suma yatiyäwipampita, jiwatat jaktatapampit Pablon arsutap laykuw ukham sapxäna.

Hechos 19:26

Jichhasti jiwasax uñjtanwa, ist'apxaraktanwa, uka Pablo jaqix Éfeso markankirinakaru, taqpach Asia suyunkirinakampiruw parlatapamp mayjt'ayi. Jupax siwa: ‘Jaqinakan lurat diosanakax janiw chiqa diosäkiti’ sasa; uksti walja jaqinakaw iyawsapxi.

Hechos 25:19

Juparusti Diosar iyawsañ tuqitak juchañchapxäna, Jesús sat mä chachan jiwasin jiwatanak taypit jakti sasa sarnaqatapat juchañchapxarakïna.

Hechos 25:26

Ukampis marka apnaqir jach'a jilïrixar aka jaqxat qillqañatakix janiw kunjäm sañaxas utjkituti, ukat jumanak nayraqatar jupar irpsuyanta, taqit sipansa juma Agripa reyi nayraqataru, juman jiskt'añamataki, ukhamat yatï jach'a jilïrir kunjäm qillqañsa.

Romanos 15:19

jach'a ch'aman unañchäwinak tuqi, muspharkañ luräwinakap tuqi, Diosan Qullan Ajayun ch'amap tuqiraki. Ukhamat Criston suma yatiyäwi arunakap arsuñ phuqta, Jerusalenat qalltasa Iliria chiqanakkama.

Romanos 8:36

Kamisatix Qillqatan siski: “Juma laykuw jiwañar katuyat uñjasipxta; khariñ ovejanakarjamaw uñjapxitu” sasa.

1 Corintios 11:32

kunapachatix Tatitux juchañchkistu ukkhaxa, yatiqañasatakiw mutuyistu, jan jiwasax akapachankir jaqinakampi chika juchañchatäñasataki.

1 Corintios 15:31

Jilatanaka, sapüruw nayax jiwañ jak'an jikxatasta. Ukasti chiqapunïskiwa, nayasti chuymaxan wal kusista jumanakan Cristor iyawsapxatamata.

1 Corintios 4:9

Nayan amuyataxat Diosax nanak apostolunakarux qhiparjamakiw uchapxitu, jiwañatak juchañchat jaqinakjamäpxtwa. Angelanakansa, taqi jaqinakansa, uñch'ukitäñatakiw tukupxta.

2 Corintios 11:6

Parlataxax jan sumäkchi ukasa, yatiñanak tuqin janiw ukhamäkti; aksti jumanakarux taqi luräwinakaxan uñacht'ayapxsma.

2 Corintios 4:2

Janiw kunatsa p'inqasipkti, janirakiw kunsa jamasanakan lurapkti; janiw jan wali amtañanakampi sarnaqapkti, janirakiw Diosan arunakapsa maysar q'iwipkti. Jan ukasti, kunatix chiqäki ukak arsupxta, ukhamat taqinimpis Diosan nayraqatapan askit uñt'ayasipxta.

2 Corintios 5:11

Ukalayku, Tatitur axsartañ wakisitap yatisaxa, jaqinakar amuyt'ayañatakiw ch'amachasipxta. Diosax nanakar sum uñt'apxitu, ukhamarakiw jumanakan nanakar sum uñt'apxañam munta.