2 Corintios 6:6 - Qullan Arunaka DC

⁶ Taqi ukanaksti q'uma jakäwinakaxampi, kunatix chiqäki uk uñt'atanakaxampiw uñacht'ayapxta, ukhamarak llamp'u chuymanïpxataxampi, khuyapayasirïtanakaxampi, chiqa kankañ uñt'atanakaxampi, Qullan Ajayux nanakampïtap layku, chiqpach munasiñanïpxatax layku,

Aymar Bibliia 1986

⁶ Take ucanacsti uñacht'ayapjjaractwa suma sarnakatanacajjampi, cunatejj chekäqui uc uñt'apjjatanacajjampi, llamp'u chuymanïpjjatajjampi, suma chuymanïpjjatajjampi, uqhamarac Kollan Ajayojj nanacampïtap laycu chekpach munasiñanïpjjatajj laycuraqui,

Qullan Arunaca

⁶ Take ucanacsti uñacht'ayapjjaractwa suma sarnakatanacajjampi, cunatejj chekäqui uc uñt'apjjatanacajjampi, llamp'u chuymanïpjjatajjampi, suma chuymanïpjjatajjampi, uqhamarac Kollan Ajayojj nanacampïtap laycu chekpach munasiñanïpjjatajj laycuraqui,

2 Corintios 6:6 Jak'a apnaqawi uñst'ayäwi

Ezequiel 33:31

Ukhamaw markaxax jutasin juman nayraqataman qunt'asipxi, kunjämtix arunakam ist'añatakix lurapxirïkäna ukhama. Ukampis janiw uka arunakarjam sarnaqapkiti. Munasiña q'uchunakäkaspas ukhamak q'uchupxi, jupanakan chuymanakapasti qullqin qhipap sarañankiwa.

Romanos 12:9

Maynit maynikamax chiqpach chuymampi munasipxam, ñanqha lurañ apanukupxam, ukatsti aski lurañar katuyasipxam.

Romanos 15:19

jach'a ch'aman unañchäwinak tuqi, muspharkañ luräwinakap tuqi, Diosan Qullan Ajayun ch'amap tuqiraki. Ukhamat Criston suma yatiyäwi arunakap arsuñ phuqta, Jerusalenat qalltasa Iliria chiqanakkama.

1 Corintios 12:8

Yaqhipanakarux Qullan Ajay tuqiw yatiñ kankañampi arsuñapatak churi; yaqhipanakarusti uka pachpa Ajay tuqiw taqi kun yatiñampi arsuñ churi.

1 Corintios 13:4

Munasiñanïñax llamp'u chuymanïñawa; khuyapayasirïñawa; janiw uñisisiñäkiti, janiw jach'achasiñäkiti,

1 Corintios 2:16

Qillqatan siwa: “¿Khitirak Tatitun amuyup uñt'aspasti? ¿Khitirak Tatitur yatichaspasti?” sasa. Ukampis jiwasanakax Criston amuyupanïpxtanwa.

1 Corintios 2:4

ukatsti kunapachatix Diosan arunakap yatiyapksma ukkhaxa, janiw yatiñ arunakampi iyawsayañ munapkäyäsmati, jan ukasti, Ajayun uñacht'ayata, Diosan ch'amapampiw iyawsayapxsma,

2 Corintios 1:23

Janis amtataxarjam Corintor sarksta ukasa, jumanakat khuyapayasisaw jan jutkti, uksti Diosaw yatiski.

2 Corintios 11:11

¿Kunatarak ukham parlañaxasti wakisisti? ¿Janich jumanakar munasipksmaxa? ¡Diosaw jumanakar munasitax yati!

2 Corintios 11:4

Jumanakax wali sum katuqapxtaxa khitinakatix yaqha Jesusxat parlasis purinipki ukanakaruxa, kawkïr Jesusattix nanakax parlapksma ukat sipana. Ukhamarakiw yaqha ajaysa sum katuqapxtaxa kuntix nanakat katuqapkäyätas uka Ajayut sipansa, ukatsti yaqha arunak sum katuqapxaraktaxa qhispiyasiñ arunak churapksmas ukat sipan juk'ampi.

2 Corintios 11:6

Parlataxax jan sumäkchi ukasa, yatiñanak tuqin janiw ukhamäkti; aksti jumanakarux taqi luräwinakaxan uñacht'ayapxsma.

2 Corintios 12:15

Nayax taqi chuymaw qawqhatix utjkitu ukamp sarnaqaskä, naya pachpas jumanakan askimatakiw katuyasï. Nayax jumanakar walpun munasipxsma, ¿kunatarak jumanakasti juk'ak munasipxistasti?

2 Corintios 13:10

Aka qillqatsti jumanakar janïr tumpir jutkasaw apayanipxsma, kunapachatix purinkä ukkhax jan munañanïñax kankañampi qhuru tukuñaxataki, uksti Tatituw churitu, janiw jumanakar tukjañatakiti, jan ukasti ajayu tuqin jumanakar ch'amañchañatakiw churitu.

2 Corintios 2:10

Ukhamasti jumanakatix khitirus pampachapxät ukaxa, nayas juparux pampacharakïwa. Nayatix kuna utjipansa pampachstxa, jumanakat khuyapt'ayasisaw Criston nayraqatapan pampachta.

2 Corintios 2:4

ukampis kunapachatix uka qillqat apayanipksma ukkhax wali llakt'ata, mayjt'ataw jikxatasïyäta, llakisiñatsa jacharakïyätwa. Ukampis janiw llakisipxañamatak apayanipksmati, jan ukasti, kunja jach'äkitix munasiñaxax jumanakatak uk yatipxañamatakiwa.

2 Corintios 3:3

Ukax qhanakïskiwa, uka qillqatax jumanakäpxtawa, pachpa Criston qillqantata, nanak tuqi churataraki; uka qillqatax janiw tintampi qillqatäkiti, jan ukasti jakkir Diosan Ajayupampi qillqatawa; uka qillqatax janiw sillp'a qalanakar qillqatäkiti, jan ukasti, jaqinakan chuymanakapar qillqatawa.

2 Corintios 4:6

Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.

2 Corintios 7:2

¡Chuymanakamaruy uskt'asipxita! Janiw khitirus jan chiqapar uñjapkti; janirakiw khitirus kuna jan walsa lurapkti; khitirus inaki irnaqayasipkti.

Gálatas 3:2

Jichhax sapxitaya: ¿Moisesan kamachip phuqhatanakam laykuti Diosan Ajayup katuqapxtasti, jan ukax, suma yatiyäwir iyawsapxatam laykuch katuqapxtaxa?

Gálatas 3:5

Diosax Ajayup jumanakar churapktam ukapacha, jumanak taypin muspharkay luräwinak lurki ukapachasa, ¿kunatsa ukham luri? Janiw kamachirjam phuqhatanakam laykuti, jan ukasti, ist'apkta uka suma yatiyäwi arunakar iyawsatanakam laykuw luri.

Gálatas 5:22

Ukatsipana, Qullan Ajayun achupax akanakawa: munasiña, kusisiña, samaraña, llamp'u chuyma, taqimpis sumankañ chuyma, khuyapayasiñ chuyma, taqi kunansa phuqhañ chuyma,

Efesios 3:4

Uka qillqat ullart'asax amuyapxasmawa, kunjämtix Diosax Cristo tuqi uka imantat amtäwip phuqki uk nayan amuyt'ataxa.

Efesios 4:2

Alt'at chuymanïpxam, munasirïpxarakim; llamp'u chuymanïpxam, maynit maynikamasti munasiñampi uñjasipxam;

Efesios 4:32

Ukatsipana jumanakax suma chuymanïpxam, maynit maynikam khuyapt'ayasisa, purapat pampachasipxam, kunjämtix Diosax jumanakar Cristo tuqi pampachapktam ukhama.

Colosenses 1:27

Diosasti taqi markankirinakaruw aka suma amtäwi yatiyañ munäna, uka amtäwisti, Diosax Cristoruw jumanak taypir jakir khithanïna, juparakiw kuntix katuqapkäta uka suyt'äwisaxa.

Colosenses 2:3

taqi yatiñasa, amuyt'asiñasa Cristonak utji.

Colosenses 3:12

Diosaw jumanakarux munasipxtam, jupan qullan markapankañatakiw ajllisipxtam. Ukhamax khuyapayasiñampi, suma jaqïñampi, jisk'ar tukuñampi, llamp'u chuymanïñamp isthapit sarnaqapxam.

1 Tesalonicenses 2:10

Jumanakaw uñjasipkistaxa, Diosasti uñjasipkarakituwa, nanakasti qullan kankañana, chiqapana, jan kamskayaw jumanak Cristonkirinakampix sarnaqapxta.

1 Timoteo 4:12

Waynätam laykux janipun jisk'achayasimti; jan ukasti, iyawsirinakan mä suma uñtkañ sarnaqam, parläwimana, sum sarnaqañana, munasiñana, Cristor iyawsañana, q'uma kankañan jakañansa.

1 Timoteo 5:2

Chuyman taykanakarusti, taykamarjam uñjam, tawaqunakarusti, q'uma chuymampiy kullakamarjam uñjam.

2 Timoteo 3:10

Ukampis jumax yatichäwixar arkapuntawa, ukhamarak sarnaqataxaru, amtäwixaru, iyawsäwixaru, llamp'u chuymanïtaxaru, munasiñaxaru, ch'amampi sayt'asiñaxaru,

2 Timoteo 4:2

Tatitun arunakap parlam; wakiski ukkhasa, jan wakiski ukkhas parlapunim. Amuyt'ayam, iwxt'arakim, taqi llamp'u chuymamp yatichas ch'amañcham.

Tito 2:7

Juma pachparaki mä suma uñtäwi taqi kunansa uñacht'ayam. Yatichañansti, chiqa kankañampi phuqhasarak yaticham,

Santiago 3:17

Ukampis khitinakatix Diosat jutir yatiñanïpki ukanakax q'uma jakawinïpxiwa; ukhamarus sumankayirinaka, munasirinaka, llamp'u chuymaninakäpxiwa. Jupanakax khuyapt'ayasirïpxiwa, chiqap uñjirinaka, chiq parlirinaka, sum luririnaka.

1 Pedro 1:12

Ukampis Diosax jupanakaruxa, kuntix yatiyapkäna ukax jan jupanakatakïtapa, jan ukasti jiwasatakïtap amuyt'ayarakïna. Ukatpï jichhax, jumanakarux uka pachpa arunak khitinakatix parlapktam jupanak tuqi yatiyataxa. Jupanakasti alaxpachat khithanit Qullan Ajayun ch'amapampiw parlapxaraktamxa. Angelanakasti ukanak uñjañ munapxarakïnwa.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

1 Juan 3:18

Munat wawanakaxa, jiwasan munasiñasax janiw lakakïñapäkiti; jan ukasti luräwinak tuqiw uñacht'ayasiñapa.

Jueces 16:15

Ukat Dalilax säna: —¡K'ari! ¿Kunatarak munsmaw sistasti? Akampix kimsa kutiw nayat sawkasistaxa, janiw kawkhankkitix ch'amamax uk siskistati —sasa.